Lukha 12:45 - Siswati 1996 Bible

kodvwa nangabe lesisebenti sicabange satsi: ‘Inkhosi yami isalibele,’ bese sishaya tonkhe letinye tisebenti, letidvuna naletisikati, sihlaphate kudla, sinatse sidzakwe,

Lukha 12:45 Referencias Cruzadas

Jobe 24:23

Angabenta bativele kuphumula lokuphephile, kodvwa emehlo akhe abuka tindlela tabo.

Isaya 65:6

“Buka la, kuhlala kubhaliwe embikwami, kutsi: Ngingeke ngibindze, kodvwa ngitakukhokhela ngalokugcwele, ngitakukhokhela ematsangeni abo,

Jeremiya 20:2

watsi akushaywe Jeremiya, umphrofethi, abanjwe afakwe esitokisini lesingaseSangweni LakaBhenjamini Lelisetulu lelalisethempelini laSimakadze.

Hezekeli 12:22

“Ndvodzana yemuntfu, saga sini lesi leninaso lapha eveni laka-Israyeli, lesitsi: ‘Emalanga ayendlula, yonkhe imibono igucuka ibe lite’?

Hezekeli 34:8

Ngifunga kuphila kwami, kusho iNkhosi Simakadze, njengobe umhlambi wami weswele umelusi, waze waphangwa wagucuka waba kudla kwato tonkhe tilwane tesiganga, nanjengobe belusi bami bangazange bawufune umhlambi wami, kodvwa batinakekela bona kakhulu kunekunakekela umhlambi wami,

Matewu 22:6

Letinye timenywa tabamba letisebenti, tatiphatsa dlephu, tatishaya, tatibulala.

Lukha 12:44

Ecinisweni leso sisebenti siyawunikwa umsebenti wekutsi siphatse tonkhe timphahla talenkhosi,

Lukha 12:46

lenkhosi yaso iyawufika ngelilanga nangesikhatsi lesingakasilindzeli isijezise, isihlanganise nalabangetsembeki.

Lukha 21:34

“Ticaphelisiseni! Ningatifaki kakhulu emadzilini nasekunatseni lokudzakanako, nasekunakeni tintfo talomhlaba, funa lelo langa linitume;

Johane 2:10

Wefike watsi kuye: “Wonkhe umuntfu ucala ngekukhipha liwayini lelimnandzi kucala, bese-ke kutsi nase banatse kakhulu, benela, kube ngukhona akhipha lelingemnandzi kunelakucala; kodvwa wena usuka ubeka leli lelimnandzi kuze kube ngunyalo!”

Imisebenti yebaPhostoli 2:18

Yebo, kulawo malanga ngiyawutfululela Moya wami etincekwini nasetincekukatini tami, tiyawuphrofetha.

KubaseRoma 16:18

Ngobe labo labenta njalo, abakhonti yena Khristu iNkhosi yetfu, kodvwa bakhonta tisu tabo; nangemavi lamahle nalamnandzi bayenga tinhlitiyo talabo labangakahlakaniphi.

2 kubaseKorinthe 11:20

Niyambeketelela nome ngubani lonigcilatako, nalonichwagako, nalonicaphatako, nalotichayisako, nalonimukula ebusweni.

Dutheronomi 12:12

Tfokotani kuSimakadze Nkulunkulu wenu, nine nemadvodzana nemadvodzakati enu, netisebenti tenu letidvuna naletisikati, nemLevi lohlala kulelo dolobha lenu, njengobe yena ate sabelo nome lifa lelingelakhe.

1 kubaseThesalonika 5:7

Phela labo labalalako balala ebusuku, netidzakwa tidzakwa ebusuku.

2 yaPhetro 2:13

Bayakwemukeliswa buhlungu, ngobe nabo bevisa buhlungu. Kujabula kwabo kumita nekutamasa, ngisho nasemini imbala. Yebo, balihlazo nendlisamahloni nase bahlanganyela nani edzilini ngaso sonkhe sikhatsi, batijabulisa ngetinkhanuko tabo.

2 yaPhetro 2:19

Babetsembisa inkhululeko, kantsi bona ngekwabo batigcili tekubhubha; ngobe loko lokumehlulako umuntfu, usigcili sako.

Sembulo 16:6

Bantfu bacitse ingati yalabangcwele, neyebaphrofethi, ngako sewubanike ingati kutsi bayinatse. Kubafanele loko!”

Sembulo 18:24

Kwatfolakala kuwe ingati yebaphrofethi, neyalabangcwele, neyabo bonkhe lababulawa emhlabeni.”