Lukha 12:43 - Siswati 1996 Bible

Sibusisiwe leso sisebenti lesiyawukhandvwa yinkhosi yaso senta tonkhe timfanelo talelo khaya nayibuyako.

Lukha 12:43 Referencias Cruzadas

Tihlabelelo 101:6

Ngiyabanconota labo labetsembeke kuNkulunkulu, kulelive, kutsi bangahlala nami. Lowo lohamba ngendlela yebucotfo angaba yinceku yami.

Taga 27:18

Umuntfu lohlakulela umkhiwa uyakudla titselo tawo, nalowo lophetse kahle umcashi wakhe uyakwemukela ludvumo.

Isaya 56:2

Ubusisiwe umuntfu lokwentako loko, umuntfu lobambelela kuko, lowo logcina liSabatha angaloni, abambe sandla sakhe singakwenti lokubi.”

Matewu 24:46

Sibusisiwe leso sisebenti lesiyawukhandvwa yinkhosi yaso senta njalo.

Lukha 12:37

Maye, tibusisekile leto tisebenti letiyakukhandvwa ngumnumzane wato tilindzele tingakalali! Ngicinisile, ngitsi kini, uyawubopha acinise libhande lakhe elukhalweni, atihlalise phansi, atiphe kudla.

Lukha 12:42

INkhosi yaphendvula yatsi: “Ngubani-ke losisebenti lesetsembekile nalesihlakaniphile lesiyawutfunywa kutsi sicize indlu yenkhosi kanye nekunika letinye tisebenti kudla lokutifanele nangesikhatsi lesifanele?

Lukha 12:44

Ecinisweni leso sisebenti siyawunikwa umsebenti wekutsi siphatse tonkhe timphahla talenkhosi,

2 yaPhetro 3:14

Ngako-ke, batsandzekako, njengobe nisalindzele leto tintfo, yentani konkhe lokusemandleni enu, kutsi anikhandze ninekuthula, ningenasici ningenabala.