Lukha 12:26 - Siswati 1996 Bible

Nangabe ningeke nibe nemandla ekwenta loku lokuncane kangaka, nitihluphelani ngaloku lokunye?

Lukha 12:26 Referencias Cruzadas

Tihlabelelo 39:6

Impela, kuphila kwemuntfu kunjengesitfunti. Utihlupha ngelite nje. Ucongelela ingcebo, akabati labatawuyidla.

Umshumayeli 7:13

Cabangisisa ngemisebenti yaNkulunkulu. Ngubani longacondzisa loko lakwenta kwaba sigwegwe?

Matewu 6:25

“Ngako-ke ngitsi kini: Ningakhatsateki ngetimphilo tenu kutsi nitakudlani ninatseni, nangemitimba yenu kutsi nitakwembatsani. Imphilo ayiyinkhulu yini kunekudla, nemtimba kunekwekwembatsa?

Lukha 12:25

Ngubani nje lapha emkhatsini wenu longatsi ngekunanta kwakhe kwengeteke iminyaka lembalwa ngetulu kwemphilo yakhe?

Lukha 12:27

“Ase nibheke kutsi timbali tikhula njani! Atisebenti nome tititfungele timphahla. Kodvwa nginitjela kutsi, naSolomoni, labenjinge kangaka, abete timphahla letatihlotjiswe kwendlula ngisho nayinye yaletimbali.

Lukha 12:29

Ngako ningakhatsateki ngekufuna leningahle nikudle nikunatse; netingcondvo tenu tingakhatsateki.

1 yaPhetro 5:7

Lahlelani kuye konkhe kukhatsateka kwenu, ngobe yena uyanikhatsalela.