Lukha 12:15 - Siswati 1996 Bible

Watsi kubo: “Caphelani, nikubalekele konkhe kufisa lokubi; ngobe imphilo yemuntfu ayinconotiswa bunjinga bakhe.”

Lukha 12:15 Referencias Cruzadas

1 Emakhosi 2:40

Watsi kube akuve loko, wekhweta sihlalo embongolweni yakhe wagibela kuyo waya ku-Akhishi eGathi, kuyawufuna letigcili takhe. Ngako Shimeyi waya eGathi, walandza letigcili takhe wabuya nato.

Jobe 2:4

Sathane waphendvula Simakadze, watsi: “Sikhumba esikhunjeni! Umuntfu angalahlekelwa nguko konkhe lanako ngenca yemphilo yakhe.

Tihlabelelo 10:3

Lomubi utigabatisa ngetinkhanuko takhe; uyamtusa lohlazisako, yebo, lomubi wedzelela Nkulunkulu.

Tihlabelelo 37:16

Lokuhle lokuncane lanako lolungile, kuncono kunemcebo wonkhe walababi.

Tihlabelelo 62:10

Ungalibeki litsemba lakho ebudloveni, ningatilulati ngematsemba lalite nekugcekeza, nome ngabe ingcebo iyandza, ningatibeki tinhlitiyo tenu kuyo.

Taga 15:16

Kuncono kuba nalokuncane kanye nekwesaba Simakadze kunekuba nemcebo lomnyenti netinkhatsato tawo.

Taga 16:16

Kuncono kuzuza kuhlakanipha kunekuzuza igolide; kuncono nekukhetsa kucondza kunekuzuza isiliva.

Taga 28:16

Umbusi lobusa ngencindzetelo usilima; kodvwa lotondza kutsengeka uyawuphila sikhatsi lesidze.

Jeremiya 6:13

“Kusukela kulomncane kakhulu kuye kulomkhulu kakhulu, bonkhe babogubhela kwesabo; baphrofethi nebaphristi bayafanana, bonkhe bayayengana.

Hezekeli 33:31

Bantfu bami beta kuwe, njengobe bavame kwenta, bahlale embikwakho balalele emavi akho, kodvwa abawenti. Ngemilomo yabo bakhuluma kutsi batinikele, kodvwa tinhlitiyo tabo tibukhali, tifuna inzuzo lembi.

Mikha 2:2

Nabafuna emasimi, bavele bawatsatse ngendlovuyangena; nabafuna tindlu, bavele batidle. Kute namunye lonemndeni lovikelekile, nome lonelutfo loluphephile.

Habakhuki 2:9

“Maye kulowo lowakha likhaya lakhe ngenzuzo lengakalungi, atakhele sidleke sakhe etulu ekuphakameni, kuze atewuphunyula etidladleni tembhubhiso.

Makho 7:22

nekuphinga, nekukhanuka, nekukhohlakala, nekuyengana, nemanyala, nemona, nekunyundza, nekutigcabha, nebulima.

Lukha 12:16

Wase ubatjela umfanekiso watsi: “Emasimi esicebi enta sivuno lesikhulu;

Lukha 16:14

BaFarisi nabakuva loku, bamphukuta Jesu, ngobe phela babeyitsandza imali.

Lukha 21:34

“Ticaphelisiseni! Ningatifaki kakhulu emadzilini nasekunatseni lokudzakanako, nasekunakeni tintfo talomhlaba, funa lelo langa linitume;

Lukha 8:14

Kuhlanyelwa kwaleyo leyawela emhlabatsini losemanyeveni kusho labo labatsi sebalivile livi laNkulunkulu, kodvwa tinhlupheko nebunjinga, netinjabulo talomhlaba kubaminyetele batsele titselo letingavutfwa.

1 kubaseKorinthe 6:10

nemasela, nalababukhali, netidzakwa, nalabetfukako, netigebengu, bangeke balidle lifa lembuso waNkulunkulu.

KubaseKholose 3:5

Ngaloko-ke bulalani tonkhe tinkhanuko tenu talapha emhlabeni: bugwadla, nebuphingi, nekungcola, nekuhungeka, nekukhanuka lokubi, nebukhali lobukukhonta tithico.

2 kuThimothi 3:2

Bantfu bayawutitsandza, batsandze imali, batigcabhe, batigabatise, balulate Nkulunkulu ngenhlamba. Bayawuba ngulabangalaleli batali babo, bangabongi, babete bungcwele,

KumaHebheru 13:5

Balekelani kutsandza imali, neneliswe nguloko leninako, ngobe Nkulunkulu watsi: “Ngingeke ngikuyekele, ngingeke ngikushiye.”

Joshuwa 7:21

Ngatsi nangibuka imphango, ngabona ingubo lenhle yaseBhabhulona, kanye netinhlavu tesiliva letingemakhilogremu langaba mabili, nelucetu lwegolide lolungaba yincenye yekhilogremu, lengakuhawukela, ngase ngiyakutsatsa. Tonkhe letintfo ngitimbele phansi ngekhatsi ethendeni lami, lesiliva yona ingaphansi kwato.”

2 yaPhetro 2:14

Emehlo abo agcwele buphingi, anamatsele esonweni; baholela labo lababutsakatsaka elugibeni; tinhlitiyo tabo tetayele bukhali. Bangaphansi kwesicalekiso.

2 yaPhetro 2:3

Ngenca yebudli babo bayawutsengiselana ngani ngemavi ebucili. Kusukela emandvulweni kulahlwa kwabo akulibali, nekubhujiswa kwabo akweteli.