Levithikusi 5:6 - Siswati 1996 Bible

Inhlawulo yaso kufanele kube lizinyane lelisikati, lemvu nome lembuti, kube ngumhlatjelo wesono kuSimakadze. Umphristi utamentela inhlawulo yekubuyisana kuSimakadze ngesono sakhe.

Levithikusi 5:6 Referencias Cruzadas

Hezekeli 40:39

Kulomhubhe lobukene nesibuya kwakunematafula lamane, kumunye ngamunye umhlubulo wawo amabili, kutsi kuhlatjelwe etikwawo tilwane temhlatjelo wekushiswa samuku, netemhlatjelo wesono, netemnikelo wenhlawulo.

Hezekeli 42:13

Lendvodza yakhuluma kimi, yatsi: “Lamakamelo langasenyakatfo nangaseningizimu labhekene nelibala lelithempeli ngemakamelo langcwele ebaphristi, lapho baphristi labatakuya kuSimakadze batawufike badlele khona iminikelo lengcwelengcwele. Ngulapho-ke lapho bayawubeka khona iminikelo lengcwelengcwele: iminikelo yalokutinhlavu, neminikelo yesono kanye neminikelo yelicala, ngobe lendzawo ingcwele.

Hezekeli 44:27

Mhlazana angena esibuyeni lesingekhatsi sendzawo lengcwele kutewukhonta endzaweni lengcwele, kufanele atentele umnikelo wesono, kusho iNkhosi Simakadze.

Levithikusi 4:20

Uyakwenta njalo nakulenkunzana njengobe entile ngaleyo nakenta ngayo umhlatjelo wesono; umphristi uyawubentela kanjalo-ke inhlawulo yekubuyisana naSimakadze, bese bayatsetselelwa.

Levithikusi 4:28

uyawutsi angatiswa kutsi wonile, bese uletsa imbutikati lengenasiyela ibe ngumnikelo waleso sono lasentile.

Levithikusi 4:31

Uyawube sewukhipha onkhe emanoni ayo, njengobe enta nakukhishwa emanoni kuletilwane temnikelo wekuthula. Umphristi uyawube sewuwashisela elatini, khona kutawuba liphunga lelinuka lusi lolumnandzi kuSimakadze, uyawumentela kanjalo-ke inhlawulo yekubuyisana naSimakadze, bese-ke lomuntfu uyatsetselelwa sono sakhe.

Levithikusi 4:32

“ ‘Nangabe lomuntfu aletsa imvu, kufanele kube ngulensikati lengenasiyela.

Levithikusi 4:35

Uyawube sewukhipha onkhe emanoni, njengobe kwentiwa nakukhishwa onkhe emanoni kulemvu yemnikelo wekuthula; umphristi uyawushisela etikwelilati kulomnikelo lowentiwa ngemlilo kuSimakadze. Umphristi uyawumentela kanjalo-ke inhlawulo yekubuyisana naSimakadze, bese-ke lomuntfu uyatsetselelwa sono sakhe.’ ”

Levithikusi 6:6

Uyawube sewuletsa kumphristi lowo mnikelo welicala kuSimakadze, ube sihhanca lesingenasiyela, kube nguleso lesilingene kube ngumnikelo welicala.

Numeri 6:12

atehlukanisele Simakadze ngawo onkhe lawo malanga ekutehlukanisela kwakhe, aletse lizinyane lemvu lelidvuna lelinemnyaka munye budzala libe lemnikelo welicala; noko sikhatsi sekucala asiyikubalwa, ngobe kutehlukanisela kwakhe kwangcoliseka.