Levithikusi 4:21 - Siswati 1996 Bible

Lenkunzana uyawube sewuyayitsatsa, aphumele nayo ngaphandle kwenkambu afike ayishisele khona, njengobe entile nakashisa umnikelo wekucala. Lona-ke ngiwo umhlatjelo wekususa sono sesive sonkhe.

Levithikusi 4:21 Referencias Cruzadas

Ezra 8:35

Kwatsi bonkhe labo bebabuye ekutfunjweni banikela ngemhlatjelo wekushiswa kuNkulunkulu wema-Israyeli, kwaba: tinkunzi letili-12 tawo onkhe ema-Israyeli, netihhanca letatingema-96, nemazinyane etimvu lamadvuna langema-77, kwatsi umnikelo wesono waba tiphongo letili-12. Konkhe kwakukwemnikelo wekushiswa kuSimakadze.

Eksodusi 29:14

Kodvwa inyama yalenkunzana, nesikhumba sayo, nemswane wayo ukushisele ngephandle kwenkambu, ngobe kungumnikelo wesono.

Hezekeli 45:22

Ngelilanga lekucala lemkhosi, umbusi lobusako kufanele anikele ngenkunzi, kube ngumhlatjelo wetono takhe netabo bonkhe bantfu.

Levithikusi 16:15

“Emvakwaloko uyawube sewubulala lembuti kutsi itewuba ngumnikelo wesono sesive sonkhe, bese ungenisa lengati yayo ngale kwendvwangu ente njengobe entile ngengati yenkunzi, afafate ngayo etikwesihlalo semusa nasembikwaso.

Levithikusi 16:21

abeke tandla takhe etikwenhloko yayo ativume tonkhe tiphambuko tesive saka-Israyeli, nabo bonkhe bubi babo, netono tabo, akubeke enhloko yalembuti. Lembuti uyawube sewuyayikhulula kutsi iye ehlane ihanjiswe nguleyo ndvodza lebekelwe lowo msebenti.

Levithikusi 16:27

Inkunzi nalembuti yeminikelo yesono, ingati yayo lengeniswe endzaweni lengcwelengcwele kuyawukwenta inhlawulo yekubuyisana kuSimakadze kufanele kutsatfwe kukhishelwe ngaphandle kwenkambu; tikhumba tato, nenyama yato, nekwangekhatsi kwato kushiswe ngemlilo.

Levithikusi 4:13

“ ‘Nangabe kone sonkhe sive saka-Israyeli, saba nelicala lekwephula umyalo waSimakadze, singakacondzi, nome sive besingakakucapheli loko, noko sinelicala.

Levithikusi 4:20

Uyakwenta njalo nakulenkunzana njengobe entile ngaleyo nakenta ngayo umhlatjelo wesono; umphristi uyawubentela kanjalo-ke inhlawulo yekubuyisana naSimakadze, bese bayatsetselelwa.

Levithikusi 6:11

Uyawube sewukhumula letimphahla, afake letinye timphahla, acitse nalomlotsa ngaphandle kwenkambu endzaweni lehlantekile ngekwemtsetfo.

Levithikusi 6:23

Ngako-ke wonkhe umnikelo walokutinhlavu wemphristi uyawushiswa wonkhe. Kute incenye leyawudliwa.”

Levithikusi 8:17

Titfo talenkunzi letatisele, sikhumba, nenyama, nemswane wayo wakushisela ngaphandle kwenkambu; kwaya njengobe Simakadze abeyale Mosi.

Numeri 15:24

nakwenteka-ke nona ngesiphosiso, nangabe sive sonkhe besingati, kufanele sive sinikele ngenkunzana yinye ibe ngumnikelo wekushiswa, liphunga lelinuka lusi lolumnandzi kuSimakadze, kanye nemnikelo walokutinhlavu, nemnikelo walokunatfwako, kanye nesiphongo sinye kube ngumnikelo wesono.

Matewu 20:28

Njengobe neNdvodzana yeMuntfu ayitelanga kukhontwa, kepha yetela kutawukhonta nekunikela ngemphilo yayo, kutsi ibe yinhlawulo yalabanyenti.”

2 kubaseKorinthe 5:21

Khristu abengenasono. Noko Nkulunkulu wamenta kutsi abe sono ngenca yetfu, kuze kutsi ngaye semukeleke kuNkulunkulu kutsi silungile.

KumaHebheru 13:11

UmPhristi Lomkhulu ungena nengati yetinkhomo neyetimbuti endzaweni lengcwele, itewuba ngumnikelo, kodvwa tidvumbu taletilwane tishiswa ngephandle kwenkambu.