Levithikusi 3:3 - Siswati 1996 Bible Emnikelweni wekuthula utawuletsa umhlatjelo lowentiwa ngemlilo kuSimakadze: emanoni lembese kwangekhatsi kanye nemanoni lahlanganisa loku kwangekhatsi, |
Emvakwaloko tsatsa onkhe lamanoni lembese kwangekhatsi, nemanoni lambonye sibindzi, nemanoni lembese tinso totimbili kanye nato, bese ukushisela etikwelilati.
“Kulesihhanca ubosika konkhe lokungemanoni: umsila, nemanoni lasetibilinini, nemanoni lambonye sibindzi, nemanoni lambonye tinso totimbili kanye nato letinso, nemlente wangesekudla; ngobe lesihhanca semgcobo.
Yenta inhlitiyo yalabantfu ibe ndzindzima, netindlebe tabo tibe butfuntfu ekuveni, uvale nemehlo abo, bangahle babone ngemehlo abo, beve ngetindlebe tabo, bacondzisise ngetinhlitiyo tabo, bagucuke, bese bayaphiliswa.”
Ngiyawuninika inhlitiyo lensha, ngifake umoya lomusha ekhatsi kini; ngiyawuyikhipha inhlitiyo lelitje kini, ngininike inhlitiyo yenyama.
“ ‘Kodvwa baphristi, labangemaLevi lababatukulu baSadoki, labebayenta ngekwetsembeka imisebenti yendzawo yami lengcwele ngesikhatsi ema-Israyeli aphambuka kimi, kufanele bona basondzele batewukhonta embikwami. Kufanele beme embikwami batewunikela ngemhlatjelo wemanoni newengati, kusho iNkhosi Simakadze.
Lomuntfu utawutsi angayibulala ayihlahlele, umphristi bese uhlela onkhe lamacatsa, nenhloko kanye nemanoni ayo etikwetinkhuni letivutsako letiselatini.
Emadvodzana a-Aroni, baphristi, babowahlela lamacatsa kanye nenhloko nemanoni alomhlatjelo etikwetinkhuni letisetikwelilati.
Umphristi utawube sewushisa konkhe loku elatini kube ngumnikelo wemlilo, liphunga lelinuka lusi lolumnandzi. Onkhe emanoni ngewaSimakadze.
Lowo muntfu uyawubeka sandla sakhe etikwenhloko yalomnikelo wakhe, bese uwubulalela ekungeneni kwelithende lekuhlangana. Emadvodzana a-Aroni labaphristi ayawufafata ngalengati emngcengcemeni walelilati alitungelete ndzawo tonkhe.
netinso totimbili, nemanoni lakuto, nemanoni lembese sibindzi, nalawo latawusuka kanye nato.
Umphristi uyawutsatsa lamanoni alenkhomo awashisele elatini leminikelo yekushiswa, njengobe enta nakashisa umnikelo wekuthula.
Kufanele ayiletse yena matfupha ngetandla takhe kuSimakadze kutsi kube ngumnikelo lowentiwa ngemlilo. Utawuletsa emanoni alesilwane kanye nemganga waso, kuze kutsi lomganga utewujikitiswa ube ngumnikelo wekujikitiswa kuSimakadze.
Umphristi uyawushisa onkhe lamanoni elatini abe ngumnikelo lowentiwa ngemlilo embikwaSimakadze. Kungumnikelo welicala.
Emanoni netinso totimbili kanye nemanoni lakuto, nemanoni lembese sibindzi wakushisela elatini, njengobe Simakadze abelayele Mosi.
“ ‘Lesive singidvumisa ngetindzebe temlomo, kepha inhlitiyo yaso ikhashane nami,’ kusho iNkhosi.
Litsemba alijabhisi, ngobe lutsandvo lwaNkulunkulu selutselwe etinhlitiyweni tetfu ngaMoya Longcwele, lesinikwe yena.
siyati kutsi umuntfu wetfu lomdzala wabetselwa esiphambanweni kanye naye, khona kutewutsi umtimba wetfu wesono utewufa, singabe sisagcilatwa sono.
Simakadze Nkulunkulu wenu uyawusoka tinhlitiyo tenu netinhlitiyo tetitukulwane tenu, kuze nitsandze yena ngayo yonkhe inhlitiyo yenu, nangawo wonkhe umphefumulo wenu, niphile.
Ngetulu kwaloko, kwakutsi nalomhlehlo usengakashiswa, inceku yemphristi beyingafika kulomuntfu labenta umhlatjelo, itsi: “Nginike inyama yekosa, ngobe umphristi angeke ayemukele kuwe inyama lebilisiwe, kodvwa ufuna leluhlata.”