Levithikusi 26:36 - Siswati 1996 Bible

“ ‘Labo benu labayawube basasele bangakafi kulawo mave labayawube batfunjelwe kuwo, ngiyawukwenta tinhlitiyo tabo tibe nekwesaba kangangekutsi ngisho nemsindvo welicembe lelipheshulwa ngumoya liyawubenta babaleke batephule, kube shangatsi babalekela imphi. Bayawukuwa nome kungekho lobacoshako.

Levithikusi 26:36 Referencias Cruzadas

Genesisi 35:5

Ngako-ke base bayesuka boJakobe nemadvodzana akhe. Bantfu balamadolobha abesedvutane behlelwa kwesaba lokukhulu lobekuvela kuNkulunkulu, abazange babacoshe ngemuva.

Genesisi 4:12

Nawulima umhlabatsi, ngeke usakunika sivuno sawo lesihle; wena sewuyawuba ngumhambuma neluzulane emhlabeni.”

2 Tikhronike 14:14

Abhidlita onkhe emadolobha labekakhelene neGerari, ngobe lulaka lwaSimakadze lwalwehlele etikwawo. Awaphanga onkhe lawo madolobha, ngobe abenemphango lenkhulu.

Jobe 13:25

Ungalivisa yini buhlungu licembe leliphephukako? Ungacoshana yini nemakhoba lomile?

Tihlabelelo 53:5

Bayawufikelwa kwesaba lokukhulu, besabe ngisho nelite. Ngobe Nkulunkulu uyawasakata ematsambo alabo labakuhlaselako, uyawubahlazisa, ngobe Nkulunkulu wabadvuba wabalahla.

Tihlabelelo 53:6

Shangatsi ingavela eSiyoni insindziso yesive saka-Israyeli. Mhlazana Nkulunkulu acedza lusizi lwebantfu bakhe, aphindze abahlumelelisa, Jakobe uyawujabula, Israyeli atfokote.

Tihlabelelo 89:43

Nenkemba yayo ayikadli enyameni, wayenta yehluleka ngisho nekubhekana nemphi.

Taga 28:1

Bantfu lababi babaleka ngisho nome kute umuntfu lobacoshako; kodvwa lolungile unesibindzi lesinjengeselibhubesi.

Isaya 30:17

Inkhulungwane iyawubaleka icoshwe kwetfuswa ngumunye nje, ngekusonga kwalabasihlanu niyawubhedvuka nonkhe nibaleke, nize nisale seninjengesibhonga lesisiboniso lesisele esicongweni sentsaba, nanjengendvwangu lephakanyiswe egcumeni.”

Isaya 7:2

Indlu yakaDavide yatjelwa kwatsiwa: “ISiriya itihlanganise nelaka-Efrayimu.” Ngako tinhlitiyo tabo-Ahazi kanye netebantfu bakhe tesaba tatfutfumela njengetihlahla telihlatsi, natinyakatiswa ngumoya.

Isaya 7:4

Ubosho kuye utsi: ‘Caphela, uthule, ume sibindzi, ungaphelelwa ngemandla ngenca yaletiphintana letibili taletikhuni letishuncako, nangekuvutsa kwelulaka lwaResini nemaSiriya akhe nelwemsa waRemaliya.

Jeremiya 37:10

Ngisho nome benitayeyisa yonkhe imphi yebaseBhabhulona lenihlaselako, kusale kuphela nje tinkhubela temadvodza lapha emathendeni awo, betitawuphuma titelishisa lelidolobha.”

Jeremiya 46:16

Bayawukhubatela njalo nje; bawe lomunye etikwalomunye. Bayawutsi: ‘Vukani, sibuyele emuva kubantfu bakitsi nasemaveni etfu, sibaleke kulenkemba yemcindzeteli.’

Sililo 1:3

Emvakwekushaywa nekukhandleka kamatima, Juda sewuyiswe ekutfunjweni. Sewuhlala emkhatsini wetive, akayitfoli indzawo yekuphumula. Bonkhe labacoshana naye sebamkhandzile, bamkhandza asekhatsi elusizini.

Sililo 1:6

Bonkhe lobucwebecwebe sebunyamalele kuyo iNdvodzakati yaseSiyoni. Babusi bayo bafanana netinyamatane letilambako; letibaleka ngekutayiya, natibalekela batingeli bato.

Sililo 4:19

Batingeli betfu babegijima kwendlula lusweti lwasesibhakabhakeni; basigijimisa etintsabeni, basibhacela ehlane.

Hezekeli 21:12

Khala ulile, ndvodzana yemuntfu, ngobe lenkemba imelene nesive sami; imelene nato tonkhe tikhulu tema-Israyeli. Tilahlelwe enkembeni kanye nesive sami. Ngako-ke yetfwala imikhono enhloko.

Hezekeli 21:15

Kuze tinhlitiyo titewujabha, nalabawile babe banyenti, inkemba sengiyimisele kugwaza kuwo onkhe emasango abo. Awu! Yentelwe kumanyatela njengembane, ibanjelwe kugwaza.

Hezekeli 21:7

Nabakubuta batsi: ‘Ububulelani?’ ubobaphendvula utsi: ‘Ngibubula ngenca yaletindzaba letitako. Tonkhe tinhlitiyo tiyawuncibilika, nato tonkhe tandla tiyawuceka; yonkhe imiphefumulo iyawukhatsala, nawo onkhe emadvolo ayawugeba angenwe ngemanti.’ Kuyeta! Nakanjani kutakwenteka loko, kusho iNkhosi Simakadze.”

Hoseya 8:3

Kodvwa Israyeli ukulahlile loko lokungukona kukuhle, ngako-ke sitsa sitamcosha.

Levithikusi 26:17

Buso bami buyawumelana nani, bese nehlulwa titsa tenu, tona leto letinitondzako tiyawunibusa, nani nibaleke, ngisho nome seningasacoshwa ngumuntfu.

Levithikusi 26:35

Ngaso sonkhe lesikhatsi live lenu lisaphundlekile liyawuba nekuphumula lelalingazange selibe nako ngesikhatsi semaSabatha enu nisahlala kulo.

Dutheronomi 1:44

Ema-Amori, labehlala kuleto tintsaba, aphuma anihlasela, anicosha anitselekela njengelibulo letinyosi, anishaya anilahla phansi kusukela eSeyiri kuze kuyewufika eHoma.

Joshuwa 5:1

Atsi kube onkhe emakhosi ema-Amori ngasenshonalanga neJordane kanye nawo onkhe emakhosi emaKhenani elugwini lwelwandle eve kutsi Simakadze wayomisa kanjani iJordane embikwema-Israyeli saze sewela sonkhe, angenwa ngemanti emadvolweni, akaphindzanga aba nesibindzi sekubhekana nema-Israyeli.

Joshuwa 7:5

labulala emadvodza langema-36 aka-Israyeli. Bawacosha ema-Israyeli bawesusa esangweni lelidolobha bayakuwangenisa eShebarimu, bawagwazela emaceleni etintsaba. Tinhlitiyo tesive sema-Israyeli natikubona loku, tashona phansi, taphelelwa ngemandla.

1 Samuweli 17:24

Onkhe emadvodza aka-Israyeli abetsi angayibona lendvodza, ayibalekele, ngobe abeyesaba kakhulu.