Levithikusi 26:26 - Siswati 1996 Bible

Umtfombo wesinkhwa ngiyakuwujuba kangangekutsi bafati labalishumi bayawuhlanganyela hhavini munye kupheka sonkhe sinkhwa labanaso. Bayawukwenetisana ngalelo lite labayawube banalo. Niyawudla, kodvwa ningeke nesutse.

Levithikusi 26:26 Referencias Cruzadas

2 Emakhosi 6:25

Kwaba nendlala lenkhulu kabi eSamariya ngenca yaloko kuvinjetelwa kwayo. Inhloko yembongolo yase ibita tinhlavu tesiliva letingema-80, bese kutsi umbhidvo lowawungagcwala sandla wona ubite tinhlavu tesiliva letisihlanu.

Tihlabelelo 105:16

Watfumela indlala kulelo live, kwaphela kudla, kati walala etiko.

Isaya 3:1

Buka-ke nyalo, iNkhosi Simakadze lenguSomandla seyitawususa eJerusalema nakaJuda lokungenako nako konkhe lokubasekelako: konkhe kudla lokungenako nawo onkhe emanti langenako,

Isaya 5:10

Sivini lesingalinywa tinkhabi letimbili ngemalanga lalishumi siyawuba nesivuno lesilibhasikidi linye nje lemagelebisi, nelisaka lenhlanyelo liyawuba nesivuno lesiyimbita yinye kuphela.”

Isaya 9:19

Ngelulaka lwaSimakadze longuSomandla live liyawugagadzeka, nebantfu bayawuba tinkhuni temlilo; kute loyawuphephisa umnakabo.

Isaya 9:20

Ngesekudla bayawushwabudzela, kodvwa bachubeke balambe; ngesancele bayawudla, kodvwa bangeke besutse. Ngulowo nalowo uyakutondla ngenyama yentalelwane yakakhe;

Jeremiya 14:12

Nome bangazila, ngingeke ngikulalele kukhala kwabo; nome banganikela ngeminikelo yekushiswa nangeminikelo yalokutinhlavu, ngingeke ngibemukele. Esikhundleni saloko ngitababhubhisa ngenkemba, nangendlala, nangesifo lesibulalanako.”

Hezekeli 14:13

“Ndvodzana yemuntfu, nangabe live lona kimi ngekungetsembeki, bese ngelula sandla sami ngimelane nalo ngekuncamula umtfombo wekudla kwalo, ngitfumele indlala kulo, ngibulale bantfu labakulo kanye netilwane,

Hezekeli 4:10

Kala kudla lokungemagremu langema-230 lekufanele ukudle njalo nje ngelilanga, ukudle ngetikhatsi letimisiwe.

Hezekeli 4:16

Wachubeka watsi kimi: “Ndvodzana yemuntfu, ngitawunciphisa kutfolakala kwekudla lapha eJerusalema. Bantfu bayawudla kudla kwekwemukeliswa bancenekile, banatse nemanti ekwemukeliswa bakhatsatekile,

Hezekeli 4:17

ngobe kudla nemanti kuyawube kweswelekile. Bayawumangala nababonana, bayawukondza babe tingodvo ngenca yesono sabo.”

Hezekeli 5:16

Nanginidubula ngemicibisholo yami lenashevu nalebhubhisako ngendlala, ngiyawudubulela kutsi nginibhubhise. Ngiyakunehlisela indlala etikwendlala, nekudla lokuta kini ngikuncamule.

Hoseya 4:10

“Bayakudla tabelo tabo temihlatjelo, kodvwa bangeke besutse; bayawungenela bugwadla, kodvwa bangandzi, ngobe bamshiyile Simakadze,

Levithikusi 26:27

“ ‘Nangabe etikwako konkhe loku seloku aningilaleli, nichubeka nekumelana nami,

Mikha 6:14

Niyawudla kudla, kodvwa ningesutsi; empeleni, niyawuchubeka nilambe. Niyawutibekela tivuno, kodvwa aniyiwukhona konga. Konkhe lenikongako ngiyawukucedza ngemphi.

Hagayi 1:6

Nihlanyele kakhulu, navuna kuncane. Niyadla, anesutsi; niyanatsa, kodvwa anikholwa. Niyembatsa, kodvwa anifutfumali. Niyahola imali yenu, niyifake esipatjini lesinetimbobo.”