Levithikusi 25:14 - Siswati 1996 Bible

Nanitsengiselana ngendzawo nebantfu bakini, ningadlelelani.

Levithikusi 25:14 Referencias Cruzadas

2 Tikhronike 16:10

Asa wamtfukutselela lomboniswa ngenca yaloko; watfukutsela wagaya tiboti, waze wamfaka ejele. Ngasona leso sikhatsi Asa wabaphatsa ngencindzetelo lenesihluku labanye bantfu.

Tihlabelelo 10:18

kuze tintsandzane nalabacindzetelwe babonelelwe ngekulunga. Kute umuntfu walomhlaba loyawuphindze abe yingoti.

Taga 14:31

Nawucindzetela luphuya, wetfuka uMdali walo; kodvwa nawuphetse kahle loweswele, udvumisa uMdali wakhe.

Taga 21:13

Umuntfu longafuni kulalela sikhalo salomphofu, naye angeke aphendvulwe nakakhalela lusito.

Taga 22:16

Lowo locindzetela lomphofu entela kuticebisa, yena nalowo lopha tipho kulabacebile, bobabili bagcina baphuyile.

Taga 28:16

Umbusi lobusa ngencindzetelo usilima; kodvwa lotondza kutsengeka uyawuphila sikhatsi lesidze.

Taga 28:3

Umholi lomubi lophuyile acindzetele labamphofu ufanana nesikhukhula selitulu leligcoba livungule.

Taga 28:8

Nangabe umuntfu acetjiswa kwebolekisa ngekubita intalo lenkhulu, ingcebo yakhe itakuya kubantfu labaphatsa kahle timphuya.

Umshumayeli 5:8

Nawubona lophuyile acindzetelwe endzaweni letsite, asemukwe emalungelo akhe nekwehlulelwa ngebucotfo, kungakumangalisi loko. Lowo nalowo lophetse unemuntfu longetulu kwakhe, kantsi nalowo longetulu kwakhe unemuntfu longetulu kwabo bonkhe.

Isaya 1:17

nifundze kwenta lokulungile! Funani umtsetfocotfo, nikhutsate labacindzetelwe. Vikelani labo labate boyise, niyimele indzaba yemfelokati.”

Isaya 33:15

Ngulowo lohamba ngekulunga, akhulume lokungiko, lowo lowala inzuzo yekucindzetela, logodla sandla sakhe singayemukeli imidizo, avale tindlebe takhe kulababopha luzungu, avale emehlo akhe ekubukeni lokubi.

Isaya 5:7

Phela, sivini saSimakadze longuSomandla yindlu yaka-Israyeli, kantsi sive sakaJuda sona sititfombo tekujabula kwakhe. Abebheke umtsetfocotfo, kodvwa wakhandza kucitfwa kwengati, wabheka kulunga, kodvwa weva kukhala kwelusizi.

Isaya 58:6

“Ngiyo lena yini inhlobo yekuzila kudla lengiyikhetsile? Akusiko yini kutfukulula tibopho tebubi, nekukhumula tintsambo telijoko, nekukhulula labacindzetelwe, nekwephula onkhe emajoko?

Jeremiya 22:17

“Kodvwa emehlo akho nenhlitiyo yakho uwabeke enzuzweni lembi, ekucitseni ingati yalongenacala, yebo, nasencindzetelweni nasekudizeni.”

Hezekeli 22:7

Kuwe tikhulu tabaphatsa kabi boyise, nabonina tabedzelela; ekhatsi kuwe tabacindzetela betive, taphatsa kabi intsandzane nemfelokati.

Levithikusi 19:13

“ ‘Ungamebeli makhelwane wakho; ungawubambi umholo wesisebenti kuze kube ngakusasa.

Levithikusi 25:15

Intsengo yaleyo ndzawo iyawumiswa incike ekutseni sekusele iminyaka lemingaki kufike umkhosi weMinyaka Lengema-50.

Levithikusi 25:17

Ningadlelelani, kodvwa yesabani Nkulunkulu wenu. NginguSimakadze, Nkulunkulu wenu.’ ”

Mikha 7:3

Bonkhe batingcweti ekwenteni lokubi. Tiphatsimandla nebehluleli bacela kudizelwa. Umuntfu lomkhulu uvele atjele labantfu loko lakufunako, bese babopha lisu.

Lukha 3:14

Emabutfo nawo ambuta atsi: “Tsine-ke? Sifanele sente njani?” Watsi-ke yena kubo: “Ningemuki muntfu imali yakhe ngemacebo, yeneliswani ngumholo wenu.”

1 kubaseKorinthe 6:8

Kodvwa nine niyona nidlelele, nekwenta kubazalwane.

Tikhulu 4:3

Jabini abenetincola tensimbi letatingema-900; wabusa sive sema-Israyeli ngelulaka nangesihluku iminyaka lengema-20. Ema-Israyeli akhala acela lusito kuSimakadze.