Levithikusi 24:6 - Siswati 1996 Bible

Uyawutimisa tinhlu letimbili, luhlu lulunye lube netinkhwa letisitfupha etikwelitafula legolide lecengekile embikwaSimakadze.

Levithikusi 24:6 Referencias Cruzadas

1 Emakhosi 7:48

Solomoni wabuye wenta tonkhe timphahla letatilapho ethempelini laSimakadze: lilati legolide; nelitafula legolide, lapho kwakuhlala khona sinkhwa sebukhona;

2 Tikhronike 13:11

Onkhe emalanga ekuseni nantsambama banikela kuSimakadze ngeminikelo yekushiswa nangemphepho lenuka kamnandzi. Balungisa sinkhwa etikwelitafula lelihlantekile ngekwemtsetfo, bakhanyise tibane letiselutsini lwegolide njalo nje ntsambama. Siyayigcina yonkhe imitsetfo yaSimakadze Nkulunkulu wetfu. Kodvwa nine senimlahlile.

2 Tikhronike 4:19

Solomoni wabuye wenta tonkhe timphahla letatilapho ethempelini laNkulunkulu, lekwakulilati legolide, nematafula lapho kwakuhlala khona sinkhwa sebukhona,

Nehemiya 10:33

tesinkhwa sekubekwa etafuleni, netemnikelo wafutsi walokutinhlavu kanye neteminikelo yekushiswa ngemlilo, neteminikelo yemaSabatha, neyemikhosi yekwetfwasa kwenyanga, netemikhosi leyemiswa, neteminikelo lengcwele neteminikelo yetono yekwenta kubuyisana kwema-Israyeli naNkulunkulu, netayo yonkhe nje imisebenti yasendlini yaNkulunkulu wetfu.

Nehemiya 10:34

“Tsine-ke baphristi nemaLevi kanye nesive sente inkatho kuze sitewubona kutsi indlu ngayinye ingawuletsa nini umnikelo endlini yaNkulunkulu wetfu ngetikhatsi letimisiwe emnyakeni, lekungumnikelo wetinkhuni tekubaswa elatini lelisendlini yaSimakadze longuNkulunkulu wetfu, njengobe kubhaliwe emtsetfweni.

Eksodusi 25:30

Etikwalelitafula kufanele ubeke sinkhwa lesinikelwe kimi, lekufanele sibesembikwami ngaso sonkhe sikhatsi.”

Eksodusi 39:36

litafula nako konkhe lokuhambisana nalo nesinkhwa sebukhona;

Hezekeli 41:22

Bekunelilati letigodvo lelalingaba limitha nesigamu kuphakama, nelimitha budze nebubanti; emakona alo, nesisekelo salo, nemihlubulo yalo kwakukwetigodvo. Lendvodza yatsi kimi: “Leli litafula lelisembikwaSimakadze.”

1 kubaseKorinthe 14:40

Kepha konkhe kwenteni kahle ngenhlelembiso.

KumaHebheru 9:2

Bekwakhiwe lithende lekuhlangana lelalinetindzawo letimbili: Lengephandle bekutsiwa yindzawo lengcwele lapho bekunelutsi lwetibane, nelitafula lelinetinkhwa tekunikelwa kuNkulunkulu.