Levithikusi 20:9 - Siswati 1996 Bible

“ ‘Umuntfu localekisa uyise nome unina, kufanele abulawe, ngobe sewucalekise uyise nome unina; ingati yakhe iyawubasetikwakhe.

Levithikusi 20:9 Referencias Cruzadas

2 Samuweli 1:16

Ngobe Davide abetsite kuye: “Ingati yakho itawubasetikwakho. Nemlomo wakho ukulahla ngebufakazi, nawutsi: ‘Ngibulele logcotjiwe waSimakadze.’ ”

1 Emakhosi 2:32

Simakadze utamkhokhisa lengati layicitsa; ngaphandle kwemvume yababe Davide, wabulala emadvodza lamabili ngenkemba. Bobabili, bo-Abneri, umsa waNeri, indvuna yemphi yaka-Israyeli, na-Amasa, umsa waJetheri, indvuna yemphi yakaJuda, babencono, bacotfo kakhulu kunaye.

Eksodusi 21:17

“Localekisa uyise nome unina kufanele abulawe.

Taga 20:20

Umuntfu localekisa uyise nome unina siphetfo sakhe siyawufanana nekucima kwesibane ebumnyameni lobuphatsekako.

Taga 30:11

Labanye bantfu bacalekisa boyise, bangabongi ngisho nekubonga kubonina.

Taga 30:17

Liso leliphukuta uyise, ledzelele nenina nasagugile, liyawukhokhwa ngemahhwabayi; yebo, lowo muntfu uyawuba kudla kwemangce.

Hezekeli 18:13

Webolekisela kutsi atfole inzuzo lenkhulu, atsatse nentalo lenkhulu kakhulu. Umuntfu lonjalo angaphila kanjani-ke? Ngeke! “Njengobe ente tonkhe letintfo letisinengiso, ngempela loyo uyawubulawa, nengati yakhe iyawubasetikwenhloko yakhe.

Hezekeli 22:7

Kuwe tikhulu tabaphatsa kabi boyise, nabonina tabedzelela; ekhatsi kuwe tabacindzetela betive, taphatsa kabi intsandzane nemfelokati.

Levithikusi 20:16

Nangabe lomsikati etama kulala nesilwane, bulalani lomsikati kanye nalesilwane. Kufanele babulawe; ingati yabo iyawubasetikwabo.

Levithikusi 20:27

“ ‘Indvodza nome lomsikati losangoma nome longumtsakatsi nibombulala. Labo nibobagcoba ngematje baze bafe; ingati yabo iyawubasetikwabo.’ ”

Matewu 15:4

Ngobe Nkulunkulu watsi: ‘Hlonipha uyihlo nenyoko,’ nekutsi: ‘Wonkhe lokhuluma kabi ngeyise nome ngenina, ufanele afe nekufa.’

Matewu 27:25

Sonkhe sive saphendvula satsi: “Ingati yakhe ayibesetikwetfu nasetikwebantfwana betfu!”

Makho 7:10

Mosi watsi: ‘Hlonipha uyihlo nenyoko,’ nekutsi: ‘Umuntfu lowetfuka uyise nome unina, akabulawe afe.’

Dutheronomi 27:16

“ ‘Ucalekisiwe umuntfu lowedzelela uyise nome unina.’ “Bonkhe bantfu bayawuphendvula batsi: ‘Amen.’

Joshuwa 2:19

Lowo loyawuphumela ngaphandle kwendlu yakho, aye esitaladini, ingati yakhe iyawubasetikwakhe, tsine siyawubate licala. Ngulowo nalowo muntfu losendlini yakho kanye nawe, ingati yakhe iyawubasetikwetfu, nangabe uke watsintfwa nje.

Tikhulu 9:24

Nkulunkulu wakwenta loku kuze kutsi licala lekubulawa kwemadvodzana aJerubhali labengema-70, nekucitseka kwengati yabo, kuphindziselwe kumnakabo labengu-Abimeleki kanye nakuto takhamiti taseShekhemu, letatingutona tamsita nakabulala bomnakabo.