Levithikusi 11:8 - Siswati 1996 Bible

Letilwane ningatidli, futsi ningatsintsi ngisho netidvumbu tato, ngobe tingcolile kini.

Levithikusi 11:8 Referencias Cruzadas

Isaya 52:11

Sukani, sukani, niphume eBhabhulona! Ningatsintsi lutfo lolungcolile ngekwemtsetfo! Phumani kulelo dolobha, nitihlambulule nibe msulwa, nine leniphatsa titja taSimakadze.

Hoseya 9:3

Bangeke basale eveni laSimakadze; Efrayimu uyawubuyela eGibhithe, adle kudla lokungcolile e-Asiriya.

Levithikusi 11:7

Ningayidli ingulube. Ingcolile, ngobe nome tinselo tayo tehlukene, kodvwa ayihlabuli.

Levithikusi 11:9

“ ‘Ningatidla tonkhe tilwane letihlala elwandle nasemifuleni letinetimphiko tekuntjweza netincwencwe.

Levithikusi 5:2

“ ‘Nangabe umuntfu kwenteka angakacondzi atsintsa nome yini lengcolile ngekwemtsetfo, njengesidvumbu sesilwane lesingcolile, nome sifuyo, nome silwanyakatana, naye sewungcolile, sewunelicala.

Matewu 15:11

Akusiko lokungena emloyeni lokumngcolisako umuntfu, kodvwa ngulokuphuma emlonyeni loku lokumngcolisako.”

Matewu 15:20

Nguleto-ke tintfo letimngcolisako umuntfu, kodvwa kudla ngetandla letingakagezwa akumngcolisi umuntfu.”

Makho 7:15

Kute kudla lokungena ngemlomo lokungahle kumngcolise umuntfu, kepha lokumngcolisako umuntfu nguloko lokuphuma kuye. [

Makho 7:18

Wabaphendvula watsi: “Kantsi nani nisengakangiva? Nani aniboni kutsi kute lokungena ngemlomo lokungamngcolisa umuntfu?

Makho 7:2

Babona kutsi bafundzi bakhe badla ngetandla letatingakagezwa, letatingcolile ngekwelisiko lebuJuda.

Imisebenti yebaPhostoli 10:28

Watsi kubo: “Nani matfupha niyati kutsi umJuda akavunyelwa yinkholo yakhe kutsi avakashele nome atihlanganise nebetive. Kodvwa Nkulunkulu ungikhombisile kutsi angifanele kusho kutsi umuntfu ungcolile nome akahlanteki.

Imisebenti yebaPhostoli 15:29

Ningakudli kudla lokungcoliswe ngekunikelwa etithicweni, ningayidli ingati, ningadli lokucumbelene; nibalekele bugwadla. Niyawube nente kahle naniyigcinile lemiyalo. Salani kahle.”

KubaseRoma 14:21

Lokuncono kungayidli inyama, nekunganatsi lokudzakisanako, nekungenti nome yini lokungahle kwente umzalwane wakho awe.

1 kubaseKorinthe 8:8

Kepha kudla akusisondzeti kuNkulunkulu; ngobe nome singadli asilahlekelwa lutfo, nome sidla asibuyelwa lutfo.

2 kubaseKorinthe 6:17

INkhosi yaphindza yatsi: “Phumani emkhatsini wabo, nehlukane nabo. Ningakutsintsi lokungcolile, ngiyawube sengiyanemukela.”

Kubase-Efesu 5:11

Ningahlanganyeli emisebentini yebumnyama, lete titselo, kunaloko niboyeneka ebaleni.

Kubase-Efesu 5:7

Ngako-ke ningahlanganyeli nabo.

KubaseKholose 2:16

Ngako-ke akubete umuntfu lonilahla ngekudla nangekunatsa, nome ngemikhosi, nangekwetfwasa kwenyanga, nome ngemaSabatha.

KumaHebheru 9:10

Ngobe phela loko kucondzene nalokudliwako nalokunatfwako nemisimeto yekuhlantwa. Lena yimitsetfo nje lephatselene nelingephandle letfu lebekelwe kutsi isebente, kudzimate kufike ingucuko yalokusha.