imigezelo yegolide lecengekile, netijubantsambo tetibane, netitja tekunyenyeta, netingwembe, netitja tekushisela imphepho; nemahhuka etivalo tendlu lesekhatsi, indzawo lengcwelengcwele, kanye nemahhuka etivalo tendlu lenkhulu yelithempeli.
KumaHebheru 9:4 - Siswati 1996 Bible Kulendzawo bekunelilati legolide lekushisela imphepho; lelilati belikanye nelibhokisi lesivumelwane. Lingephandle lalelo bhokisi lonkhe beliyigolide, ekhatsi kwalo bekuneludziwo lwegolide luphetse imana. Kulelo bhokisi bekunendvuku ya-Aroni leyahluma, netibhelekeca tematje tesivumelwane semitsetfo. |
imigezelo yegolide lecengekile, netijubantsambo tetibane, netitja tekunyenyeta, netingwembe, netitja tekushisela imphepho; nemahhuka etivalo tendlu lesekhatsi, indzawo lengcwelengcwele, kanye nemahhuka etivalo tendlu lenkhulu yelithempeli.
Ngente kwaba nendzawo yelibhokisi lesivumelwane saSimakadze, lelinesivumelwane lasenta nabobabemkhulu ngesikhatsi abakhipha eveni laseGibhithe.”
Kute lokwakukhona ngekhatsi kwalelibhokisi lesivumelwane ngaphandle kwetibhelekeca letimbili tematje letatifakwe nguMosi kulo ngesikhatsi baseseHorebe, lapho Simakadze enta khona sivumelwane nesive sema-Israyeli emvakwekuphuma kwawo eveni laseGibhithe.
Kute lokwakukhona ngekhatsi kwalelibhokisi lesivumelwane ngaphandle kwetibhelekeca letimbili letatifakwe nguMosi kulo ngesikhatsi baseseHorebe, lapho Simakadze enta khona sivumelwane nesive sema-Israyeli emvakwekuphuma kwawo eGibhithe.
Lendvwangu uboyikhaceka kulamahhuka lavalekako laseluphahleni, bese uletsa lelibhokisi lesivumelwane lelinetibhelekeca letimbili tematje, ulifake ngemuva kwalendvwangu. Lendvwangu itakwehlukanisa indzawo lengcwele endzaweni lengcwelengcwele.
Watsi kube Nkulunkulu acedze kukhuluma naMosi eNtsabeni yaseSinayi, wase umnika letibhelekeca letimbili tematje temiyalo, lapho umuno wakhe Nkulunkulu wawubhale khona imiyalo nemitsetfo.
Mosi wancandzeka, wehla entsabeni, etfwele tibhelekeca tematje letimbili letatibhalwe imiyalo ndzawo totimbili ngemuva nangembili.
Ngesikhatsi Mosi ehla eNtsabeni iSinayi abephetse letibhelekeca letimbili tematje tinemiyalo lelishumi; abengati kutsi sikhumba sebuso bakhe siyakhatimula, ngobe phela abekhulume naNkulunkulu.
Besaleli wenta lilati lekushisela imphepho; walenta ngemgamba, laba nemihlubulo lelinganako ndzawo tonkhe. Belingemasentimitha labengaba ngema-45 budze, nemasentimitha labengaba ngema-45 bubanti, nemasentimitha labengaba ngema-90 kuphakama. Timphondvo talo totine taba yintfo yinye nalelilati.
Ekhatsi kwalo ubobeka libhokisi lesivumelwane lelinemiyalo lelishumi, bese ulivimba ngendvwangu embikwalo.
Emvakwaloko utawube sewutsatsa sitja semlilo lesigcwele emalahle lavutsako latsetfwe elatini lelisembikwaSimakadze, Aroni atsatse nemabinta lamabili esandla emphepho lenuka kamnandzi nalecolisakele, bese ukungenisa endzaweni lengcwelengcwele, ngale kwendvwangu.
Simakadze wakhuluma kuMosi, watsi: “Buyisela indvuku ya-Aroni uyibeke embikwelibhokisi lesivumelwane, igcinelwe kutsi ibe secwayiso kulabahlubukako. Loko kutawucedza kungisola nekumelana kwabo nami, khona bangetikufa.”
Indvuku yalowo lengimkhetsile itawuhluma, ngitakucedza kanjalo kusola kwalama-Israyeli lakhononako.”
Ngelilanga lelilandzelako Mosi wangena ethendeni lebufakazi, kulelibhokisi lesivumelwane, wakhandza kutsi indvuku ya-Aroni, leyayimele sive semaLevi, yayingakahlumi kuphela kodvwa yaze yaba nemidvumba yachakaza yatsela titselo tema-alimondi.
Ekupheleni kwalamalanga langema-40 nebusuku lobungema-40, Simakadze wanginika letibhelekeca letimbili tematje, lekwakutibhelekeca tesivumelwane.
Ngesikhatsi ngenyukela etulu entsabeni kuyawukwemukela tibhelekeca tematje lekwakutibhelekeca tesivumelwane Simakadze lasenta nani, ngahlala entsabeni emalanga langema-40 nebusuku lobungema-40; ngangingadli kudla, nginganatsi manti.
Kwavuleka lithempeli laNkulunkulu ezulwini, kwabonakala libhokisi lesivumelwane lingekhatsi kwelithempeli lakhe. Kwaba nemibane, nemisindvo lemikhulu, nekudvuma, nekutamatama kwemhlaba, nesangcotfo lesikhulu.
Lenye ingilosi yeta yema ngaselatini iphetse sitja segolide semphepho, yanikwa imphepho lenyenti kutsi iyengete iyihlanganise nemithandazo yabo bonkhe labangcwele, inikele ngayo etikwelilati legolide lelalisembikwesihlalo sebukhosi.