Ngobe akedzelelanga akanengwanga yinhlupheko yalohluphekako. Akabufihlanga buso bakhe kuye, wamuva nakakhala, acela lusito kuye.”
KumaHebheru 5:7 - Siswati 1996 Bible Asesemhlabeni, Jesu wanikela ngekuthandaza, nangekuncusa, nangekukhala lokukhulu, nangetinyembeti, akhala kulowo lonemandla ekumsindzisa ekufeni, wevakala ngenca yekumesaba Nkulunkulu. |
Ngobe akedzelelanga akanengwanga yinhlupheko yalohluphekako. Akabufihlanga buso bakhe kuye, wamuva nakakhala, acela lusito kuye.”
Naku lokushiwo nguSimakadze, utsi: “Ngiyawukuphendvula ngesikhatsi sami lengisitsandzako, nangelilanga lensindziso ngiyawukusita. Ngiyawukugcina, ngikwente ube sivumelwane sami nebantfu, kuze kubuyiselwe live, banikwe kabusha emafa labese acitsekile.
Emvakwekuhlupheka kwemphefumulo wayo iyawukubona kukhanya kwekuphila, yeneliswe, ngelwati lwayo inceku yami lelungile iyakwenta labanyenti bemukeleke kuNkulunkulu kutsi balungile, njengobe yetfwele tiphambuko tabo.
Yedzelelwa yaliwa bantfu, umuntfu wetinsizi labekwetayele kuhlupheka. Njengemuntfu bantfu labangafuni kumbuka, yedzelelwa, asizange siyishaye mkhuba.
bese ukuletsa kumadvodzana a-Aroni labaphristi. Umphristi utawukha libinta lemphuphu kanye nemafutsa emncumo, nemphepho yawo yonkhe akushisele etikwelilati kube sikhumbuto, umnikelo lowentiwa ngemlilo, kube liphunga lelinuka lusi lolumnandzi kuSimakadaze.
Kwatsi ngensimbi yesitsatfu entsambama Jesu wakhala kakhulu watsi: “Eli, Eli, lama sabakthani?” lokusho kutsi: “Nkulunkulu wami, Nkulunkulu wami, ungishiyeleni?”
Ngalelo awa Jesu wakhala ngelivi lelikhulu, watsi: “Eloyi! Eloyi! Lama sabakthani?” lokusho kutsi: “Nkulunkulu wami! Nkulunkulu wami! Ungishiyeleni?”
Jesu wakhala ngelivi lelikhulu watsi: “Babe! Ngibeka umoya wami etandleni takho!” Wakusho loko wase uyafa.
Livi waba ngumuntfu, wahlala kanye natsi, agcwele umusa neliciniso. Sayibona inkhatimulo yakhe, lengeyalotelwe yedvwa kuYise.
Bengati mine kutsi uyangiva ngawo onkhe emalanga, kepha loko ngikukhulume ngenca yalabantfu labalapha, khona batekwati kutsi ngitfunywe nguwe.”
Jesu watsi kube acedze kukhuluma lamavi, wabheka etulu watsi: “Babe, sikhatsi sesifikile. Khatimulisa iNdvodzana yakho, kuze iNdvodzana itekukhatimulisa.
Loko-ke lokwehlula umtsetfo ngenca yebutsakatsaka besimo semvelo yemuntfu, Nkulunkulu wakwenta: Ngenca yesono watfumela iNdvodzana yakhe, leyeta ngesimo semuntfu lesonakele, kwatsi ngayo wehlulela sono ebantfwini,
Kodvwa kwatsi sikhatsi sesifike ngalokuphelele Nkulunkulu watfumela iNdvodzana yakhe leyatalwa ngumfati, yakhula ingephansi kwemtsetfo,
Siyavuma kutsi yinkhulu kakhulu imfihlakalo yenkholo yetfu yekutsi: Wabonakaliswa angumuntfu, wafakazelwa nguMoya, wabonwa tingilosi, washunyayelwa kubetive, wakholeka emhlabeni, wenyukela enkhatimulweni.
Njengobe Jesu Khristu wenta intsandvo yaNkulunkulu, wanikela ngemtimba wakhe, sesihlanjululwe kwaba kanye kwenela.
Kungako nje, Jesu naketa lapha emhlabeni, watsi: “Umhlatjelo neminikelo awunandzaba nayo, kodvwa ungilungiselele umtimba.
Ngekukholwa Nowa walalela tecwayiso taNkulunkulu ngetintfo letatingakabonakali letatitakwenteka. Walalela Nkulunkulu ngekwakha umkhumbi wekuphephisa umndeni wakhe. Ngekukholwa wadalula bubi belive, wase uba yindlalifa yekulunga lokutfolakala ngekukholwa.
Ngako-ke asibonge kwemukela umbuso longeke unyakatiswe, sikhonte Nkulunkulu ngalokwemukelekako, simhloniphe ngekutfutfumela;
Shangatsi Nkulunkulu wekuthula lowavusa iNkhosi yetfu Jesu kulabafile, wamenta uMelusi Lomkhulu wetimvu ngengati yakhe yesivumelwane saphakadze,
Ngako-ke njengobe bantfwana baba bantfu, naye-ke Jesu waba ngumuntfu njengabo, kuze kutsi abhubhise Sathane labenemandla etikwekufa,
Wonkhe umoya longamvumi Jesu, akusiwo waNkulunkulu; lowo ngumoya wamphikakhristu leneva ngaye kutsi uyeta, nangempela sewukhona la kulomhlaba.
Bakhohlisi labanyenti baphumele emhlabeni, bantfu labangeke bavume kutsi Jesu Khristu weta waba ngumuntfu. Umuntfu lonjalo ungumkhohlisi namphikakhristu.