KumaHebheru 4:14 - Siswati 1996 Bible Njengobe sinemPhristi Lomkhulu kakhulu, Jesu iNdvodzana yaNkulunkulu, lodzabule emazulu, asibambelele kuso sivumo sekukholwa kwetfu. |
Umlingi wase uyefika kuye utsi: “NawuyiNdvodzana yaNkulunkulu, tjela nankha ematje agucuke abe tinkhwa!”
Emvakwaloko, iNkhosi Jesu seyikhulumile nabo yatsatfwa yenyuselwa ezulwini, yahlala ngesekudla saNkulunkulu.
Atsi kubo: “Madvodza aseGalile, nimeleni nibuke etulu? LoJesu, lotsetfwe lapha kini wayiswa ezulwini, uyawubuya futsi ngayo yona leyo ndlela njengobe nimbonile nje aya ezulwini.”
Kufanele ahlale ezulwini kuze kufike sikhatsi lapho konkhe kuyakwentiwa kube kusha, njengobe Nkulunkulu amemetela emandvulo ngebaphrofethi bakhe labangcwele.
Pho, kukhona yini longahle abalahle ngelicala? Kute: Ngobe ukhona Khristu Jesu lowafa, kodvwa wavuswa waphila, sewungesekudla saNkulunkulu, nguye losincuselako.
Kukhona umuntfu lengimati akuKhristu, lekwatsi eminyakeni leli-14 leyendlulile, wenyuselwa ezulwini lesitsatfu; nome abesemtimbeni nome abekuMoya, angati; nguNkulunkulu lowatiko.
Bantfu bayawudvumisa Nkulunkulu ngalenkonzo yenu lefakazela kulalela kwenu liVangeli laKhristu, lelisivumo senu. Lokusitana kufakazela kwephana kwenu ngekubanikelela bona kanye nabo bonkhe labanye.
Ngako-ke lowo lowehla, nguye futsi lowenyuka, waba ngetulu kwemazulu onkhe, kuze agcwalise konkhe.
Kodvwa ngeNdvodzana utsi: “Sihlalo sakho sebukhosi, Nkulunkulu, sisaphakadze naphakadze. Kulunga yindvuku yebukhosi bakho lobusa ngayo bantfu bakho.
Kodvwa kwatsi Khristu nasanikele kwaba kanye kwenela ngemhlatjelo munye wetono, wase uhlala ngesekudla saNkulunkulu,
Asibambelele kuso sivumo selitsemba letfu, singangabati, ngobe yena lowenta lesetsembiso wetsembekile ekutigcineni tetsembiso takhe.
Nicabanga kutsi siyawuba sikhulu kangakanani-ke sijeziso salowo logcobagcoba iNdvodzana yaNkulunkulu, edzelele ingati yesivumelwane lahlanjululwe ngayo, etfuke Moya wesihawu?
emehlo etfu angesuki kuJesu longumsunguli nemphelelisi wekukholwa kwetfu. Ngenca yekujabula labekubekelwe Jesu wacinisela ngekwetfwala siphambano, wangete walinaka lihlazo laso; wahlala ngesekudla sesihlalo sebukhosi saNkulunkulu.
Ngako-ke kwakudzingekile kutsi afanane nabomnakabo ngako konkhe, kuze atewuba ngumPhristi Lomkhulu lonesihawu nalowetsembekile emsebentini waNkulunkulu, kube yinhlawulo yetono tebantfu.
Ngako-ke bazalwane bami labangcwele, leninenhlanganyelo kulolubito lwasezulwini, cabangisisani ngaJesu, longumPhostoli nemPhristi Lomkhulu wesivumo setfu.
Ngobe sihlanganyela naKhristu kuphela, nasibambelele etsembeni letfu lakucala kuze kube ngusekupheleni.
lapho Jesu angena khona njengemvuli wendlela lomele tsine, waba ngumPhristi Lomkhulu loyawuhlala akhona phakadze naphakadze, ngekuma kwaMelkhisedeki.
nase bahlubuka, kusho kutsi bona matfupha sebaphindze batibetselela iNdvodzana yaNkulunkulu esiphambanweni, bayitsela ngelihlazo ebaleni; labo kungeke kwenteke kutsi baphindze baphendvuke.
LoMelkhisedeki kute umlandvo lowatiwako ngeyise nome ngenina nome ngabokhokho bakhe, kute lokwatiwako ngekutalwa nangekufa kwakhe; kodvwa ufanana neNdvodzana yaNkulunkulu ngekutsi ungumphristi loyawuhlala akhona phakadze naphakadze.
Umnyombo waloku lesesikushito ngunankhu: Tsine-ke sinalonjalo umPhristi Lomkhulu, losewahlala ngesekudla saLomkhulu losesihlalweni sebukhosi ezulwini.
Wangena kanye kwenela endzaweni lengcwelengcwele, angakaphatsi ingati yetimbuti neyematfole, kodvwa aphetse ingati yakhe lucobo, kungako nje asizuzela kuhlengwa kwaphakadze.
Ngobe Khristu akangenanga endzaweni lengcwelengcwele leyentiwe ngetandla nalengumfutiselo waleyo lengiyo sibili; kodvwa wangena ezulwini sibili, lapho abonakala khona asimele kuNkulunkulu.
Yena sewahamba waya ezulwini, lapho asahleti khona ngesekudla saNkulunkulu; emagunya, nemandla, netingilosi sekwabekwa ngaphansi kwakhe loJesu.