KumaHebheru 2:17 - Siswati 1996 Bible

Ngako-ke kwakudzingekile kutsi afanane nabomnakabo ngako konkhe, kuze atewuba ngumPhristi Lomkhulu lonesihawu nalowetsembekile emsebentini waNkulunkulu, kube yinhlawulo yetono tebantfu.

KumaHebheru 2:17 Referencias Cruzadas

2 Tikhronike 29:24

Baphristi base bahlaba letimbuti banikela ngengati yato etikwelilati, kutsi kube ngumnikelo wesono kutsi batekwenta inhlawulo yekubuyisana egameni lebaka-Israyeli bonkhe, ngobe inkhosi yase ivele iyalile kutsi kwentiwe umnikelo wekushiswa newesono wema-Israyeli onkhe.

Isaya 11:5

Kulunga kuyawuba libhande lakhe, kwetsembeka kube ngumbhenso welukhalo lwakhe.

Hezekeli 45:15

Timvu: Imvu yinye itsatfwe kuwo umhlambi wema-200 tasemadlelweni lanemanti aka-Israyeli. Kufanele niletse iminikelo yalokutinhlavu, netilwane letitawushiswa samuku, netilwane temnikelo webudlelwane, kuze kutewuhlawulela tono tenu. Mine iNkhosi Simakadze sengikhulumile.

Hezekeli 45:17

Kuyawuba ngumsebenti wakhe kutsi aletse tilwane letitawushiswa samuku, neminikelo yalokutinhlavu, neminikelo yesinatfo saso sonkhe sive saka-Israyeli ngemikhosi yekwetfwasa kwenyanga, nangemaSabatha, nangaleminye imikhosi. Kufanele aletse iminikelo yesoni, neminikelo yalokutinhlavu, neminikelo yekushiswa, neminikelo yebudlelwane, kuze atewuhlawulela tono tesive saka-Israyeli.’ ”

Hezekeli 45:20

Ngelilanga lesikhombisa lenyanga uyakwenta njalo futsi, entele nome ngubani lowone ngesiphosiso, nome one ngekungati. Ngaleyo ndlela-ke niyawulihlawulela lithempeli.

Danyela 9:24

“Tikhatsi letingema-70 timiselwe bantfu bakini, nelidolobha lakini kutsi bayekele kona nekwephula imitsetfo, bacedze tono, bahlawulele bubi, bangenise kulunga kwaphakadze, kuciniselwe umbono netiphrofetho, kugcotjwe lowo Longcwelengcwele.

Levithikusi 14:18

Lawa lajinge asala entsendzeni yesandla semphristi, kufanele awesulele enhloko yalona lohlanjululwako, amentele inhlawulo yekubuyisana kuSimakadze.

Levithikusi 16:16

Ngaleyo ndlela uyakwentela indzawo lengcwelengcwele inhlawulo yekubuyisana ngenca yekungcola kwebantfu baka-Israyeli ngekwemtsetfo nangenca yekona kwabo nato tonkhe tono tabo, alentele njalo nelithende lekuhlangana lelihlala emkhatsini wabo, litungeletwe kungcola kwabo ngekwemtsetfo.

Levithikusi 6:30

Kodvwa nangabe kuletfwa umnikelo wesono ethendeni lekuhlangana, ingati yawo letawuhlawulela sono endzaweni lengcwele, lowo mnikelo akukafaneli udliwe; kufanele ushiswe.’ ”

Levithikusi 8:15

Mosi wayihlaba lenkunzi, wase utsatsa lenye ingati yayo wenya umuno wakhe kuyo, wabhoca timphondvo telilati kutsi alihlambulule. Lena lenye ingati lesele wayitsela esisekelweni selilati, walingcwelisa ngekulentela inhlawulo yekubuyisana kuSimakadze.

Numeri 15:25

Umphristi uyakwenta inhlawulo yekubuyisana kwesive sonkhe sema-Israyeli siyawube sesiyatsetselelwa, ngobe sone ngesiphosiso, futsi sitsite ngekona kwaso sasesiletsa kuSimakadze umnikelo lowentiwa ngemlilo kanye nemnikelo wesono.

KubaseRoma 15:17

Njengobe ngikuKhristu Jesu ngineligugu ngaloko Nkulunkulu lakwenta ngami.

KubaseRoma 5:10

Ngobe nangabe kwatsi sisetitsa satfola kubuyisana naNkulunkulu ngekufa kweNdvodzana yakhe, kakhulu kanganani-ke nase sibuyisene naye siyawusindziswa ngekuphila kwayo.

Kubase-Efesu 2:16

Bobabili wabenta kutsi babuyisane naNkulunkulu emtimbeni munye ngesiphambano, ngaloko wacedza bonkhe butsa.

KubaseKholose 1:21

Nani-ke benikadze nikhashane naNkulunkulu nititsa takhe ngemicabango nangemisebenti yenu lemibi.

KumaHebheru 10:21

Ngetulu kwaloko-ke tsine sesinemPhristi Lomkhulu lowengamele indlu yaNkulunkulu.

KumaHebheru 2:11

Ngobe lowo longcwelisako nalabo labangcwelisiwe baphuma kuBabe munye. Ngiko nje angenamahloni kubabita ngekutsi bomnakabo,

KumaHebheru 2:14

Ngako-ke njengobe bantfwana baba bantfu, naye-ke Jesu waba ngumuntfu njengabo, kuze kutsi abhubhise Sathane labenemandla etikwekufa,

KumaHebheru 2:16

Ngobe akusito tingilosi labecondze kutisita, kodvwa titukulwane ta-Abrahama.

KumaHebheru 3:1

Ngako-ke bazalwane bami labangcwele, leninenhlanganyelo kulolubito lwasezulwini, cabangisisani ngaJesu, longumPhostoli nemPhristi Lomkhulu wesivumo setfu.

KumaHebheru 3:2

Wetsembeka kuNkulunkulu lammisa, njengobe naMosi etsembeka endlini yaNkulunkulu.

KumaHebheru 3:5

Mosi kambe abetsembekile kuko konkhe endlini yaNkulunkulu njengenceku, kuze kube bufakazi baleto tintfo lebekutawukhulunywa ngato kamuva.

KumaHebheru 4:14

Njengobe sinemPhristi Lomkhulu kakhulu, Jesu iNdvodzana yaNkulunkulu, lodzabule emazulu, asibambelele kuso sivumo sekukholwa kwetfu.

KumaHebheru 4:15

LomPhristi wetfu Lomkhulu akasiye lowehluleka kuvelana natsi ebutsakatsakeni betfu, kodvwa walingwa ngayo yonkhe indlela njengatsi, noko akazange one.

KumaHebheru 5:1

Lowo nalowo mPhristi Lomkhulu ukhetfwa emkhatsini webantfu amiselwe kumela bantfu kuNkulunkulu, kuze anikele tipho nemihlatjelo ngenca yetono.

KumaHebheru 5:10

Nkulunkulu asammise kutsi abe ngumPhristi Lomkhulu ngekuma kwaMelkhisedeki.

KumaHebheru 5:2

Lowo-ke angababeketelela labo labangati lutfo nalaba labedukako, ngobe kwayena unebutsakatsaka.

KumaHebheru 5:5

Ngako-ke naKhristu akatitsatselanga lesikhundla sekuba ngumPhristi Lomkhulu; kodvwa wamiswa nguNkulunkulu lowatsi kuye: “Wena uyiNdvodzana yami; lamuhla ngikutele.”

KumaHebheru 6:20

lapho Jesu angena khona njengemvuli wendlela lomele tsine, waba ngumPhristi Lomkhulu loyawuhlala akhona phakadze naphakadze, ngekuma kwaMelkhisedeki.

KumaHebheru 7:26

Jesu-ke ungumPhristi Lomkhulu lohlangabetana netidzingo tetfu. Ungcwele, ute sici nome sono, akasoleki; wehlukaniswa netoni, waphakanyiswa waba ngetulu kwemazulu.

KumaHebheru 7:28

Empeleni, umtsetfo ubeka bantfu labanebutsakatsaka, ubente babe baphristi labakhulu; kodvwa livi laNkulunkulu lelaciniswa ngesifungo, nalelefika muva kunemtsetfo, ngilo lelabeka iNdvodzana leyentiwa yaphelela kuze kube phakadze.

KumaHebheru 8:1

Umnyombo waloku lesesikushito ngunankhu: Tsine-ke sinalonjalo umPhristi Lomkhulu, losewahlala ngesekudla saLomkhulu losesihlalweni sebukhosi ezulwini.

KumaHebheru 8:3

Wonkhe umPhristi Lomkhulu ukhetselwa kunikela kuNkulunkulu ngetipho nangemihlatjelo, ngako-ke nalomPhristi Lomkhulu kudzingekile kutsi abe nako latakunikela.

KumaHebheru 9:11

Kodvwa Khristu sewufike waba ngumPhristi Lomkhulu wetintfo letinhle lebetiyawufika. Lelithende lekuhlangana, lakhonta kulo, likhulu, kantsi futsi liphelele, alisilo lelakhiwe ngetandla, lokusho kutsi alisilo lalomhlaba lodaliwe.