KumaHebheru 12:19 - Siswati 1996 Bible

nekukhala kwelicilongo, nekuvakala kwelivi, lekwatsi nalivakala kuma-Israyeli, ancenga kutsi lingaphindzi likhulume.

KumaHebheru 12:19 Referencias Cruzadas

Eksodusi 20:22

Simakadze wakhuluma kuMosi, watsi: “Tjela ema-Israyeli kutsi ngitsi: ‘Nani ngekwenu nitibonele kutsi ngikhulume kini ngisezulwini.

Matewu 24:31

Iyawutfumela tingilosi tayo ngekukhala lokukhulu kwelicilongo, tibutse bonkhe labakhetsiwe bayo emagumbini omane emhlaba, kusukela emkhawulweni lomunye welizulu kuze kube kulomunye.”

1 kubaseKorinthe 15:52

ngesikhashana, ngekucwabita kweliso, ngelicilongo lekugcina. Ngobe licilongo liyawukhala, labafile bavuswe bangasenakubola, tsine siguculwe.

Dutheronomi 18:16

“Ngobe nguloko lenakucela kuSimakadze Nkulunkulu wenu eHorebe mhlazana wemhlangano nanitsi: ‘Sicela kutsi singabe sisaliva leliphimbo laSimakadze Nkulunkulu wetfu, singawubuki nalomlilo lomkhulu kangaka, ngobe sitakufa.’

Dutheronomi 4:11

“Nasondzela edvute nema ngephansi kwentsaba naloku yayivutsa emalangabi emlilo lowawufikela esibhakabhakeni, unemafu lamnyama nentfutfu leyesabekako.

Dutheronomi 4:12

Simakadze wakhuluma asekhatsi emlilweni, nakuva kudvuma kwemavi, kodvwa anizange nisibone simo sakhe, kwakulivi nje.

Dutheronomi 4:33

Sikhona sive lesake saliva liphimbo laNkulunkulu likhuluma emlilweni, njengani, sachubeka saphila?

1 kubaseThesalonika 4:16

Ngobe iNkhosi lucobo lwayo iyakwehla ezulwini ngelivi lenhlokomo, nangeliphimbo lengilosi lenkhulu, nangelicilongo laNkulunkulu. Labo labafe bakholwa nguKhristu bayawuvuka kucala.

KumaHebheru 12:25

Caphelani ningamali lowo lokhulumako: Nangabe bangaphunyulanga labo labamala lowo abebacaphelisa alapha emhlabeni, natsi-ke singeke siphunyule, nasala kutsatsa tecwayiso talowo lokhuluma asezulwini.