KumaHebheru 11:4 - Siswati 1996 Bible

Ngekukholwa Abela wanikela kuNkulunkulu ngemnikelo lowemukelekako kunewaKhayini. Ngiko lokwamenta wemukeleka njengemuntfu lolungile kuNkulunkulu, ngobe loko kwafakazeleka ngekutsi Nkulunkulu emukele tipho takhe. Nanyalo usakhuluma ngekukholwa kwakhe nome sekadze afa.

KumaHebheru 11:4 Referencias Cruzadas

Genesisi 4:10

Simakadze watsi kuye: “Wenteni? Livi lengati yemnakenu liyakhala kimi, lisemhlabatsini.

Genesisi 4:15

Kodvwa Simakadze watsi: “Cha, akunjalo! Lowo lobulala Khayini kuyawuphindziselwa kuye kuze kube kasikhombisa.” Simakadze wabeka Khayini luphawu, khona kutewuba secwayiso sekutsi lowo lohlangana naye angambulali.

Genesisi 4:25

Adamu waphindze wamati umkakhe, watala indvodzana, wayetsa libito watsi nguSethi, ngobe abetsi: “Nkulunkulu sewungiphe lomunye umntfwana esikhundleni sa-Abela lowabulawa nguKhayini.”

Genesisi 4:8

Khayini wase utsi ku-Abela, umnakabo: “Asambe, siye etsafeni.” Batsi kube befike etsafeni, Khayini wesukela umnakabo, wambulala.

1 Emakhosi 18:38

Umlilo waSimakadze wehlela etikwalomhlatjelo, wawushisa wawucedza kanye netinkhuni, nematje, nemhlabatsi, wakhotsisisa onkhe emanti labelapho emseleni.

Jobe 8:10

Tingete takufundzisa yini tikutjele? Tingete tawakhipha yini emavi laphuma ekuhlakanipheni kwato?

Taga 15:8

Imihlatjelo lenikelwa ngulababi isinengiso kuSimakadze; kodvwa imithandazo yebantfu labetsembekile iyamjabulisa.

Taga 21:27

Imihlatjelo lenikelwa bantfu lababi isinengiso, ikakhulu nayinikelwe ngetinjongo letimbi.

Levithikusi 9:24

Kwachamuka umlilo usuka kuSimakadze wacedza lomnikelo wekushiswa kanye nemanoni labesetikwelilati. Satsi kube sive sikubone loku, samemeta sakhotsamisa nebuso baso, sawela phansi.

Matewu 23:35

kuze kwehlele etikwenu yonkhe ingati lelungile leyacitfwa emhlabeni, kusukela engatini ya-Abela labelungile, kuze kube ngusengatini yaZakhariya, umsa waBarakhiya, lenambulala emkhatsini welithempeli nelilati.

Lukha 11:51

kusukela ekucitfweni kwengati ya-Abela kuze kufike ekucitfweni kwengati yaZakhariya, lowabulawa emkhatsini welilati nendzawo lengcwele. Yebo, ngiyanitjela, iyawubitwa kulesitukulwane.

kuThithusi 1:16

Bavuma ngemlomo kutsi bayamati Nkulunkulu, kepha ngetento tabo bayamphika; bayenyanyeka, abalaleli, bayehluleka kwenta nome ngabe yini lenhle.

KumaHebheru 11:2

Bokhokho betfu bemukeleka ngaloko kukholwa kwabo kuNkulunkulu.

KumaHebheru 12:1

Ngako-ke, njengobe situngeletwe sicumbi lesikhulu kangaka sabofakazi, asilahle konkhe lokusindzako, nesono lesigigelana njengelwanca. Asigijime ngekucinisela kulomncintiswano losembikwetfu,

KumaHebheru 12:24

nakuJesu, uMlamuli wesivumelwane lesisha. Ingati yakhe isiphatsele lokukhulu kunengati ya-Abela.

KumaHebheru 5:1

Lowo nalowo mPhristi Lomkhulu ukhetfwa emkhatsini webantfu amiselwe kumela bantfu kuNkulunkulu, kuze anikele tipho nemihlatjelo ngenca yetono.

KumaHebheru 9:22

Empeleni, ngekwemtsetfo cishe konkhe kuhlanjululwa ngengati; ngaphandle kwekucitfwa kwengati kute kutsetselelwa kwetono.

2 yaPhetro 2:8

Lendvodza lelungile lebeyihlala emkhatsini wabo, onkhe emalanga beyidzatjukiswa kuva nekubona tento tabo letimbi tekungamesabi Nkulunkulu, umphefumulo wayo lolungile weva buhlungu.

YaJuda 1:11

Maye kubo, ngobe bahamba ngendlela yaKhayini; bagijimela ekwedukeni kwaBhalamu ngenca yemvuzo; bahlubukile njengaKhora, nabo babhubha.