Yebo, Simakadze bukhulu nemandla kwakho. Inkhatimulo nebukhosi kwakho, nebumengemenge bakho; ngobe konkhe lokusezulwini nalokusemhlabeni kwakho. Yebo, Simakadze, umbuso nawo wakho. Wena uphakeme wengamela konkhe.
KumaHebheru 1:3 - Siswati 1996 Bible LeNdvodzana ibonakalisa bukhosi nebunjalo bonkhe baNkulunkulu. Isimise indalo yonkhe ngelivi layo lelinemandla. Yatsi kube yente intsetselelo yetono tebantfu, yahlala ezulwini ngesekudla saNkulunkulu Somandla. |
Yebo, Simakadze bukhulu nemandla kwakho. Inkhatimulo nebukhosi kwakho, nebumengemenge bakho; ngobe konkhe lokusezulwini nalokusemhlabeni kwakho. Yebo, Simakadze, umbuso nawo wakho. Wena uphakeme wengamela konkhe.
Uchamuka enyakatfo ngebukhatikhati bakhe begolide, Nkulunkulu uta ngebuNkulunkulu bakhe lobesabekako.
Simakadze watsi enkhosini yami: “Hlala lapha ngesekudla sami, ngize ngifake titsa takho ngaphansi kwetinyawo takho.”
Nome umhlaba sewutanyatanyiswa, kanye nabo bonkhe labahlala kuwo, mine ngisimisa tinsika tawo. Cabanga.
Umphristi kufanele anikele lelinye libe ngumnikelo wesono, leli lelinye libe ngumhlatjelo wekushiswa. Ngaleyo ndlela umphristi uyakwentela leyo ndvodza inhlawulo yekubuyisana kuSimakadze ngekuvutisa kwayo.
Nakefika lowo mbusi, uyawubelusa ngemandla aSimakadze, yebo, uyawubaphatsa ngebukhosi baSimakadze longuNkulunkulu wakhe. Sive sakhe siyawuphila ngekuphepha, ngobe bantfu bemhlaba bayawumatisa badvumise bukhulu bakhe.
batsi: “Mfundzisi, Mosi watsi: ‘Nakufa indvodza ingenabantfwana, umnakabo uyamngena lomfelokati wakhe, kuze atalele umufi bantfwana.’
Emvakwaloko, iNkhosi Jesu seyikhulumile nabo yatsatfwa yenyuselwa ezulwini, yahlala ngesekudla saNkulunkulu.
Livi waba ngumuntfu, wahlala kanye natsi, agcwele umusa neliciniso. Sayibona inkhatimulo yakhe, lengeyalotelwe yedvwa kuYise.
Ngakusasa Johane wabona Jesu eta kuye watsi: “Nalo liWundlu laNkulunkulu lelisusa sono selive!
Asaphakanyiselwe ngasesandleni sekudla saNkulunkulu wemukeliswa nguYise setsembiso lesinguMoya Longcwele lebesetsenjiswe Yena, wabuye wamtfululela kitsi. Ngiko loku lenikubonako nalenikuvako.
Watsi: “Ase nibuke! Ngibona lizulu livulekile neNdvodzana yeMuntfu ime ngesandleni sekudla saNkulunkulu.”
Anginamahloni ngeliVangeli, ngobe lingemandla aNkulunkulu ekusindzisa bonkhe bantfu labakholwako, kucala emaJuda, kulandzele emaGriki.
Pho, kukhona yini longahle abalahle ngelicala? Kute: Ngobe ukhona Khristu Jesu lowafa, kodvwa wavuswa waphila, sewungesekudla saNkulunkulu, nguye losincuselako.
Ngobe kubo labangakholwa nkulunkulu walomhlaba uphumphutsekise tingcondvo tabo, kuze kungasi kubo kukhanya kweliVangeli lenkhatimulo yaKhristu, lofute Nkulunkulu.
Nangabe-ke navuswa kanye naKhristu, funani tintfo tasezulwini lapho Khristu ahleti ngesekudla saNkulunkulu.
Yena watinikela ngenca yetfu, kuze atesihlenga ebubini bonkhe atingcwelisele sive lesisakhe, lesinenshisekelo kutsi sente imisebenti lemihle.
Nkulunkulu akazange asho nakuyinye yetingilosi takhe kutsi: “Hlala lapha ngesekudla sami, ngize ngente titsa takho tibe senabelo setinyawo takho.”
Kodvwa kwatsi Khristu nasanikele kwaba kanye kwenela ngemhlatjelo munye wetono, wase uhlala ngesekudla saNkulunkulu,
emehlo etfu angesuki kuJesu longumsunguli nemphelelisi wekukholwa kwetfu. Ngenca yekujabula labekubekelwe Jesu wacinisela ngekwetfwala siphambano, wangete walinaka lihlazo laso; wahlala ngesekudla sesihlalo sebukhosi saNkulunkulu.
Njengobe sinemPhristi Lomkhulu kakhulu, Jesu iNdvodzana yaNkulunkulu, lodzabule emazulu, asibambelele kuso sivumo sekukholwa kwetfu.
Yena akadzingi kunikela imihlatjelo yekushiswa njengalaba labanye baphristi labakhulu lababeyinikela onkhe emalanga, ngekutinikelela bona tono tabo kucala, bese banikelela tono talabanye. Kodvwa yena loko wakwenta kwaba kanye, kwenela, ngesikhatsi anikela ngaye lucobo lwakhe.
Umnyombo waloku lesesikushito ngunankhu: Tsine-ke sinalonjalo umPhristi Lomkhulu, losewahlala ngesekudla saLomkhulu losesihlalweni sebukhosi ezulwini.
Kube Khristu akangenanga kanye, bekuyawudzingeka kutsi ahlupheke kanyenti kusukela ekusekelweni kwendalo yonkhe. Kodvwa esikhundleni saloko, ubonakaliswe kwaba kanye, kwenela, ekugcineni kwetikhatsi, kuze asuse sono ngenhlawulo lenguye cobo lwakhe.
Ngaye loKhristu nakholwa kuNkulunkulu, lowamvusa kulabafile, wamnika bukhosi, kuze kutsi nibheke kuNkulunkulu ngelitsemba nangekukholwa.
Yena sewahamba waya ezulwini, lapho asahleti khona ngesekudla saNkulunkulu; emagunya, nemandla, netingilosi sekwabekwa ngaphansi kwakhe loJesu.
Empeleni sasingalandzeli tinganekwane tebucili, ngesikhatsi sinatisa emandla nekufika kweNkhosi yetfu Jesu Khristu, kodvwa sasingulabo labawabona emandla ebukhosi bakhe.
Mhlazana emukela ludvumo nenkhatimulo kuNkulunkulu uYise, sasikhona tsine. Kwaphuma livi enkhatimulweni yebukhosi, latsi: “Lo, uyiNdvodzana yami letsandzekako, lengitfokota ngayo.”
Kodvwa nasihamba ekukhanyeni, njengobe yena asekukhanyeni, sinebudlelwane lomunye nalomunye, nengati yaJesu, iNdvodzana yakhe, iyasihlanta kuko konkhe kona.
yebo, kuNkulunkulu lokunguye yedvwa, uMsindzisi wetfu ngaJesu Khristu iNkhosi yetfu, akube ludvumo, nebukhosi, nemandla, neligunya, ngaphambi kwetikhatsi, manje, naphakadze. Amen.
“ ‘Lowo loncobako, ngiyawumhlalisa kanye nami esihlalweni sami sebukhosi, njengobe nami ngancoba ngahlala naBabe esihlalweni sakhe sebukhosi.
“Ufanele wena, Nkulunkulu, loyiNkhosi yetfu, kutsi wemukele bukhosi, neludvumo, nemandla, ngobe konkhe kwadalwa nguwe. Konkhe kwenteka ngentsandvo yakho, kwadalwa ngayo.”