kuFilemoni 1:22 - Siswati 1996 Bible

Lokunye-ke kutsi ungilungiselele indzawo yekuhlala, ngobe ngiyetsemba kutsi imithandazo yenu itawuphendvuleka, Nkulunkulu angisite ngite lapho kini.

kuFilemoni 1:22 Referencias Cruzadas

Imisebenti yebaPhostoli 27:24

yatsi: ‘Ungesabi, Pawula, ufanele ume embikwaKhesari; Nkulunkulu ukunikile bonkhe laba lohamba nabo.’

Imisebenti yebaPhostoli 28:23

Ngako-ke emaJuda amisa lilanga lekubonana naPawula. Ngalelo langa bantfu befika baba banyenti lapho bekuhlala khona Pawula. Kusukela ekuseni laze layawumbamba unina seloku afakaza ngekubachazela ngembuso waNkulunkulu. Wetama kubenelisa ngaJesu ngekubakhumbuta lokusemtsetfweni waMosi nangemiBhalo yebaphrofethi.

KubaseRoma 15:24

ngiyetsemba kutsi ngitakwendlula nginibone nase ngiya eSpaniya. Nase ngijabule nani sikhashane ngetsemba kutsi niyawungisita ngemalungiselelo nasengichubeka neluhambo lwami.

2 kubaseKorinthe 1:11

njengaloku nani nisiphasa ngekusikhulekela, khona kutewutsi labanyenti basibongele kuNkulunkulu ngesibusiso lesisiphiwe.

KubaseFiliphi 1:19

Ngiyati kutsi ngemithandazo yenu nangekusitwa nguMoya waJesu Khristu, ngiyawukhululwa.

KubaseFiliphi 2:24

Kepha ngiyetsemba eNkhosini kutsi nami ngitawuta masinyane.

KumaHebheru 13:19

Ngiyanincenga kutsi nisithandazele kakhulu, kuze kutsi Nkulunkulu angibuyisele kini masinyane.

KumaHebheru 13:23

Kufanele nati kutsi Thimothi, umzalwane, sewukhululiwe ejele. Nasheshe wefika, ngitawufika naye lapho kini.

YaJakobe 5:16

Ngako-ke vumani tono tenu lomunye kulomunye, nithandazelane, kuze nitewuphiliswa. Kuncusa kwemuntfu lolungile kunemandla kakhulu.

2 yaJohane 1:12

Nome nginalokunyenti lenginganitjela kona, angite ngakubhala phansi; kepha ngetsemba kutsi ngitakuta ngitenibona ngikhulume nani umlomo nemlomo, khona sitewujabula ngalokuphelele.

3 yaJohane 1:14

ngobe ngetsemba kutsi ngitakubona masinyane, sikhulume nawe umlomo nemlomo.