Kubase-Efesu 6:17 - Siswati 1996 Bible

Nitsatse impantitje leyinsindziso, nenkemba yaMoya lelivi laNkulunkulu.

Kubase-Efesu 6:17 Referencias Cruzadas

2 Samuweli 22:36

Ungihlomisa ngesihlangu sensindziso yakho; utehlisa wena kuze uphakamise mine.

Isaya 49:2

Umlomo wami wawenta waba njengenkemba leloliwe, wangitfukusa emtfuntini wesandla sakhe; wangenta ngaba ngumcibisholo lololongiwe, wangivalela emgodleni wetikhali takhe.

Isaya 59:17

Wembatsa kulunga njengesivikelo sakhe sesifuba, nesigcoko sensindziso enhloko yakhe. Wembatsa tingubo tekukhipha sibhongobhongo, watishumphetela ngenshisekelo njengesembatfo.

Hoseya 6:5

Ngako-ke nganishaya nganijuba ticucu ngemavi ebaphrofethi bami, nganibulala ngemavi emlomo wami; tehlulelo tami timanyata njengembane etikwenu, tinehlele nome nini.

Zakhariya 4:6

Ngako yakhuluma kimi, yatsi: “Leli livi laSimakadze leliya kuZerubhabheli, litsi: ‘Akuyi ngetikhwepha nangemandla, kodvwa kuya ngaMoya wami,’ kusho Simakadze longuSomandla.

Matewu 4:4

Jesu waphendvula watsi: “Kubhaliwe kutsi: “ ‘Umuntfu angeke aphile ngesinkhwa sodvwa, kodvwa uphila ngawo onkhe emavi laphuma emloyeni waNkulunkulu.’ ”

Matewu 4:7

Jesu watsi kuye: “Kantsi kubhaliwe futsi nekutsi: “ ‘Ungaboyilinga iNkhosi, Nkulunkulu wakho!’ ”

Kubase-Efesu 5:26

kuze atelingcwelisa alihlambulule ngesigezo semanti, ngelivi,

1 kubaseThesalonika 5:8

Kodvwa tsine lesibemini asizitse, sembatse sivikelo sesifuba lesikukholwa nelutsandvo, sifake nempantitje lelitsemba letfu lensindziso.

KumaHebheru 4:12

Livi laNkulunkulu liphilile, linemandla; likhalipha kwengca inkemba lesika ngetinhlangotsi totimbili. Lisika lidzimate lehlukanise umphefumulo nemoya, emalunga nemnkantja, lehlulele imicabango netifiso tenhlitiyo.

KumaHebheru 6:5

Labo-ke labanambitse kulunga kwelivi laNkulunkulu baweva nemandla ekuphila lokutako,

Sembulo 1:16

Esandleni sakhe sangesekudla abephetse tinkhanyeti letisikhombisa, emlonyeni wakhe kuphuma inkemba leyayikhalipha tinhlangotsi totimbili, buso bakhe bumengetela njengelilanga emini.

Sembulo 12:11

Bamehlule ngengati yeliWundlu nangelivi lebufakazi babo, ngobe abakutsandzanga kuphila kwabo kwaze kwabasekufeni.

Sembulo 19:15

Emlonyeni wakhe kuphuma inkemba lekhaliphako latawushaya tive ngayo, uyawutibusa ngesandla lesimatima. Uyawunyatsela litje lesikhamo seliwayini. Leliwayini liyintfukutselo yelulaka lwaNkulunkulu Somandla.

Sembulo 2:16

Phendvuka-ke. Nakungenjalo, ngitawuta kuwe masinyane, ngilwe nabo ngenkemba yemlomo wami.

1 Samuweli 17:5

Goliyathi abefake imphantitje yelitfusi enhloko yakhe, embetse libhantji lelitfusi lelalingemazengezenge, sisindvo salo sasingemakhilogremu labengaba ngema-57.

1 Samuweli 17:58

Sawula wambuta watsi: “Ungumsa wabani, mfana?” Davide waphendvula watsi: “Ngitalwa yinceku yakho lenguJese waseBhetlehema.”