Kubase-Efesu 5:4 - Siswati 1996 Bible

Akubete kungcola, nekwedzelela, nekuhhalatisa, lokutintfo letingakafaneli. Esikhundleni saloko banini nekubonga.

Kubase-Efesu 5:4 Referencias Cruzadas

Tihlabelelo 33:1

Yetsabani kuSimakadze, nine lenilungile; ingoma yekudvumisa ibafanele labacotfo.

Tihlabelelo 92:1

Kuhle kubonga wena, Simakadze, nekuhlabelela egameni lakho, wena Losetikwako Konkhe,

Taga 12:23

Umuntfu lohlakaniphile uyalufihla lwati lwakhe; kodvwa tilima tikubeka ebaleni kungati kwato.

Taga 15:2

Emavi emuntfu lohlakaniphile enta lwati lutsandzeke; kodvwa tilima titfulula bulima ngemlomo wato.

Taga 26:19

uyingoti kanjalo umuntfu loyenga makhelwane abese utsi: “Cha, mine bengidlala.”

Umshumayeli 10:13

Ekucaleni emavi aso abulima, kutsi ekugcineni abe kwedzelela nebuhlanya;

Danyela 6:10

Watsi kube Danyela eve kutsi sekubhalwe lomtsetfosimemetelo, wahamba waya ekhaya lakhe ekamelweni lelisetulu, lapho emafasitelo akhona abevulekela ngaseJerusalema. Abeguca ngemadvolo katsatfu ngelilanga, athandaze, abonga Nkulunkulu wakhe, njengobe abevame kwenta ngaphambili.

Makho 7:22

nekuphinga, nekukhanuka, nekukhohlakala, nekuyengana, nemanyala, nemona, nekunyundza, nekutigcabha, nebulima.

Johane 6:23

Kodvwa letinye tikebhe lebetiphuma eThibheriyase, tefika edvutane naleyo ndzawo, lapho lesicumbi sasidlele khona tinkhwa emvakwekubonga kweNkhosi.

KubaseRoma 1:28

Njengobe abafunanga kumati Nkulunkulu, ngako wababukelela, tingcondvo tabo taba butsakatsaka, netimilo tabo tonakala.

2 kubaseKorinthe 1:11

njengaloku nani nisiphasa ngekusikhulekela, khona kutewutsi labanyenti basibongele kuNkulunkulu ngesibusiso lesisiphiwe.

2 kubaseKorinthe 9:15

Akabongwe Nkulunkulu ngesipho sakhe lesingachazeki.

Kubase-Efesu 1:16

ngibonga ngingakhawuli ngani, nginikhumbula njalo nje emikhulekweni yami.

Kubase-Efesu 4:29

Akungabe kusaphuma nalinye livi lelibolile emlonyeni wenu, kodvwa kube ngulelilungele kwakha njengalokuswelekile, kuze libavetele umusa labevako.

KubaseFiliphi 4:6

Ningakhatsateki ngalutfo. Kepha kuko konkhe ticelo tenu atatiwe nguNkulunkulu, ngekukhuleka nekuncusa kanye nekubonga.

KubaseKholose 3:8

Kepha manje kulahleni konkhe: kutfukutsela, nelulaka, nenzondo, nekuhlambalata, nekukhuluma emahlazo.

1 kubaseThesalonika 3:9

Kepha Nkulunkulu singambonga kanjani ngani, simbonge ngako konkhe kujabula lesinako ngani?

1 kubaseThesalonika 5:18

Bongani kuko konkhe, ngobe loko kuyintsandvo yaNkulunkulu kuKhristu Jesu ngani.

kuFilemoni 1:8

Ngako-ke bengingaba nesibindzi ngaKhristu kutsi ngikutfume wente lokufanele kwentiwe,

KumaHebheru 13:15

Asimbonge njalo Nkulunkulu, simdvumise ngaJesu. Lokumdvumisa akube ngumnikelo wayo yonkhe imilomo levuma libito lakhe.

2 yaPhetro 2:18

Bakhuluma emagama lalite, bayenge ngetinkhanuko nangemanyala labo labasandza kuphunyula kulabedukako.

2 yaPhetro 2:7

Nkulunkulu wamsindzisa Loti labelungile; Loti abesavele asakhatsateke kakhulu, ngenca yekuhamba ngemanyala kwabo labangenamtsetfo.

YaJuda 1:10

Kodvwa labantfu betfuka nome yini labangayicondzi kahle; kantsi letintfo labativa ngekwemvelo yabo, njengetilwane tesiganga, ngito-ke letintfo letibabhubhisako.

YaJuda 1:13

Bantfu labanjena banjengemagagasi elwandle, bakhephuta emahlazo abo; batinkhanyeti leteduka lese tagcinelwa bumnyama bebumnyama baphakadze.