Kubase-Efesu 4:12 - Siswati 1996 Bible

Loko wakwentela kutsi labangcwele bahlonyiselwe umsebenti wabo wekukhonta, kuze kwakheke umtimba waKhristu,

Kubase-Efesu 4:12 Referencias Cruzadas

Lukha 22:32

Noko sengikukhulekele, Simoni, kuze kungehluleki kukholwa kwakho. Nase uphendvukile wabuya kimi, kufanele ucinise nalabanakenu.”

Imisebenti yebaPhostoli 1:17

Judasi abengulomunye wetfu, ngobe naye abekhetsiwe kutsi abe nalakwentako kulomsebenti.

Imisebenti yebaPhostoli 1:25

kutsi atsatse sikhundla sekuba ngumphostoli ente lomsebenti loshiywe nguJudasi waya lapho abewakhona.”

Imisebenti yebaPhostoli 11:23

Lapho efika wabona kutsi Nkulunkulu abebabusisile bantfu, watfokota wabancusa bonkhe kutsi betsembeke baciniseke eNkhosini ngetinhlitiyo tonkhe tabo.

Imisebenti yebaPhostoli 20:24

Kepha ngikhandza kutsi imphilo yami ayisho lutfo kimi, nangabe nje ngingaphumisela indzima yami ngicedze nemsebenti lengawunikwa yiNkhosi Jesu, wekutsi ngifakaze ngeliVangeli lemusa waNkulunkulu.

Imisebenti yebaPhostoli 20:28

Ticapheleni nine kanye nemhlambi wonkhe lobekwe etandleni tenu nguMoya Longcwele, neluse libandla laNkulunkulu latitsengela lona ngengati yeNdvodzana yakhe.

Imisebenti yebaPhostoli 9:31

Ngako-ke libandla kulo lonkhe laseJudiya naseGalile naseSamariya laba nesikhatsi sekuthula. Lakhiwa, lakhula ngebunyenti ngekusitwa nguMoya Longcwele liphila imphilo yekwesaba iNkhosi.

KubaseRoma 12:5

kanjalo-ke, natsi sibanyenti nje singumtimba munye kuKhristu, sititfo letehlukene lesinye kulesinye.

KubaseRoma 12:7

nakungusenkonzweni yemsebenti, asitinikele kuyo; umfundzisi akasebentise sipho sakhe ekufundziseni.

KubaseRoma 14:19

Ngako-ke, asilangatelele lokuletsa kuthula nekwakhana.

KubaseRoma 15:14

Mine ngekwami ngenelisekile ngani, bazalwane bami, kutsi nine ngekwenu nigcwele kulunga, nagcwaliswa nangalo lonkhe lwati, niyakwati nekuyalana.

KubaseRoma 15:2

Ngako-ke akube ngulowo ajabulise makhelwane wakhe, khona atekwakheka.

KubaseRoma 15:29

Ngiyati kutsi nangifika kini, ngiyawuniphatsela inala yetibusiso taKhristu.

1 kubaseKorinthe 12:27

Kepha nine ningumtimba waKhristu netitfo ngabanye.

1 kubaseKorinthe 12:7

Ngulowo nalowo uphiwa lokubonakalisa Moya, kuze sakhane.

1 kubaseKorinthe 14:12

Ngako-ke njengobe nani ninemdlandla ngetiphiwo taMoya, shisekelani kutsi nibe nato kakhulu, kuze kwakheke libandla.

1 kubaseKorinthe 14:14

Ngobe nangikhuleka ngetilimi, kukhuleka umoya wami, ingcondvo yami ayisitakali.

1 kubaseKorinthe 14:26

Ngako-ke, bazalwane, nanibutsanele kukhonta, nibonikana ematfuba: Lomunye akacale liculo, lomunye afundzise, lomunye etfule sembulo, lomunye akhulume ngetilimi, lomunye atihumushe. Konkhe kwenteleni kutsi kwakheke libandla.

2 kubaseKorinthe 12:19

Beningacabangi yini kutsi sonkhe lesikhatsi besitivikela kini? Batsandzekako, konkhe loku besikukhuluma kuKhristu embikwaNkulunkulu, kuze nitekwakheka.

2 kubaseKorinthe 13:11

Kwekugcina-ke bazalwane, ngitsi: Salani kahle. Lungisani imihambo yenu, netsabele kwemukela imiyalo, nivumelane, nihlalisane ngekuthula, khona Nkulunkulu wekuthula newelutsandvo atewuba nani.

2 kubaseKorinthe 13:9

Ngobe tsine siyajabula nangabe nine nicinile nome tsine sibutsakatsaka. Sithandazela kutsi nine nipheleliswe kuKhristu.

2 kubaseKorinthe 3:8

Iyawuba yinkhulu kangakanani-ke leyo nkhatimulo yenkonzo yaMoya?

2 kubaseKorinthe 4:1

Nkulunkulu ngemusa wakhe wasiniketa lenkonzo; ngiko nje singadzinwa.

2 kubaseKorinthe 5:18

Konkhe kuphuma kuNkulunkulu, lowabuyisana natsi ngaKhristu, wase usinika umsebenti wekutsi natsi sibuyisane nalabanye;

2 kubaseKorinthe 6:3

Kute lesimbekele sikhubekiso endleleni, kuze kutsi kubete liphutsa lelitfolakala emsebentini wetfu.

2 kubaseKorinthe 7:1

Bazalwane, njengobe letetsembiso titetfu, asitihlante kuko konkhe lokungcolisa umtimba nemoya, siphile imphilo yebungcwele lobuphelele ngekwesaba Nkulunkulu.

Kubase-Efesu 1:23

Libandla lingumtimba waKhristu, lokuphelela kwakhe kuphelelisa konkhe kuko konkhe.

Kubase-Efesu 4:16

Umtimba wonkhe uhlanganiswe ngaye, ubambene ngekwelekelelana kwemalunga onkhe awo, njengekusebenta lokulinganiselwe lelo nalelo lunga kukhuliswe umtimba, wakhelwe elutsandvweni.

Kubase-Efesu 4:29

Akungabe kusaphuma nalinye livi lelibolile emlonyeni wenu, kodvwa kube ngulelilungele kwakha njengalokuswelekile, kuze libavetele umusa labevako.

Kubase-Efesu 4:4

Munye umtimba, munye naMoya, njengobe lilinye nelitsemba lenabitelwa kulo.

KubaseKholose 1:24

Namanje ngijabulela kuhlushwa kwami ngenca yenu, emtimbeni wami ngiphelelisela loko lokwasilela elusizini lwaJesu Khristu, ngenca yemtimba wakhe lolibandla.

KubaseKholose 1:28

Nguye lesimshumayelako, seluleka bonkhe bantfu, sifundzisa bonkhe bantfu ngekuhlakanipha konkhe, kuze sikwati kumisa bonkhe bantfu baphelele kuKhristu Jesu.

KubaseKholose 4:17

Nitjele Akhipho nitsi: “Caphela kufeza lowo msebenti lowawemukela eNkhosini.”

1 kuThimothi 1:12

Ngiyambonga Khristu Jesu iNkhosi yetfu longiphe emandla, ngobe wangetsemba ngekungifaka emsebentini wakhe.

2 kuThimothi 4:11

nguLukha kuphela lenginaye la. Ubota naMakho, ngobe ulusito kimi emsebentini.

2 kuThimothi 4:5

Kodvwa wena, zitsa etintfweni tonkhe, ubeketele ekuhluphekeni, wente umsebenti webuvangeli, utifeze tonkhe timfanelo telubito lwakho.

KumaHebheru 13:17

Hloniphani baholi benu, nilalele imitsetfo yabo, ngobe balindza imiphefumulo yenu bangaphumuli, njengobe bayawulandzisa ngayo. Nanenta njalo, nibasita, umsebenti wabo batawenta ngekujabula, hhayi ngelusizi; ngobe nani kungeke kunisite loko.

KumaHebheru 6:1

Ngako-ke asitishiye timfundziso tekucatfuta evini laKhristu, sendlulele kuletingembili talasebavutsiwe eNkhosini. Asikuyekele kuphindza sibeke sisekelo ngekushumayela kuphendvuka emisebentini lefile, kanye nesekukholwa kuNkulunkulu.