Kubase-Efesu 3:17 - Siswati 1996 Bible

Khristu akahlale etinhlitiyweni tenu ngekukholwa, kuze nisime, nisekeleke elutsandvweni,

Kubase-Efesu 3:17 Referencias Cruzadas

Isaya 57:15

Ngobe nguloko lokushiwo nguLophakeme Losetulu, lolibito lakhe linguLongcwele, utsi: “Ngihlala etulu endzaweni lengcwele, kodvwa nakuye lodzabukile nalotfobekile emoyeni, kutewuvuselela umoya walabatfobekile nekuvuselela tinhlitiyo talabephukile emoyeni.

Matewu 13:6

Latsi ngekuphuma lilanga lahashula titfombo tabuna, ngenca yekutsi tatite timphandze letijulile.

Lukha 6:48

Ufanana nemuntfu lowakha indlu; wemba kwashona, wase wakha sisekelo edvwaleni. Emanti netikhukhula kwagcwala kwaphuphuma emfuleni, kwetama kuyikhukhula lendlu, kodvwa ayizange inyakate, ngobe yayakheke kahle la edvwaleni.

Johane 14:17

yena unguMoya weliciniso, live lelingeke limemukele, ngobe lingamboni futsi lingamati. Kodvwa nine niyamati, ngobe uhlala nani, futsi uyawuhlala kini.

Johane 14:23

Jesu wamphendvula watsi: “Umuntfu nakangitsandza, uyawugcina emavi ami. Babe uyawumtsandza. Tsine-ke naBabe siyawuta kuye, sihlale naye.

Johane 17:23

mine ngikubo, nawe ukimi, bapheleliswe ebunyeni, kuze live lati kutsi wangitfuma nekutsi nabo uyabatsandza, njengobe nami wangitsandza.

Johane 6:56

“Lodla inyama yami, anatse ingati yami, unekuphila; uhlala kimi, nami ngihlala kuye.

KubaseRoma 5:5

Litsemba alijabhisi, ngobe lutsandvo lwaNkulunkulu selutselwe etinhlitiyweni tetfu ngaMoya Longcwele, lesinikwe yena.

1 kubaseKorinthe 3:6

Mine ngahlanyela nje, Apolosi yena wafike wanisela, kepha nguNkulunkulu lokhulisile.

1 kubaseKorinthe 8:1

Mayelana nalokuhlatjelwe tithico siyabona sonkhe, njengaloku nisho nitsi: “Sonkhe sinalo lwati.” Kwati kuyakhukhumeta, kantsi lutsandvo luyakha.

2 kubaseKorinthe 13:5

Tihlolisiseni nine ngekwenu nitibone kutsi nibambelele yini ekukholweni kwenu. Tivivinyeni nine. Aniboni yini kutsi Jesu Khristu ukini? Ngaphandle kwaloko nitehluleki!

2 kubaseKorinthe 6:16

Nhlanganyelo yini lesemkhatsini welithempeli laNkulunkulu netithico? Ngobe tsine silithempeli laNkulunkulu lophilako; njengobe Nkulunkulu watsi: “Ngiyawuhlala kubo, ngihambe emkhatsini wabo; ngiyawuba nguNkulunkulu wabo, bona bayawuba sive sami.”

KubaseGalathiya 2:20

ngako-ke mine angisaphili, kodvwa nguKhristu lophila kimi. Nalemphilo lengiyiphilako kulomtimba, ngiyiphila ngekukholwa yiNdvodzana yaNkulunkulu leyangitsandza yatinikela yona matfupha esikhundleni sami.

KubaseGalathiya 5:6

Ngobe kuKhristu Jesu kusoka nekungasoki akunamsebenti, kodvwa kuphela kukholwa lokusebenta ngelutsandvo.

KubaseKholose 1:23

Loko kungenteka kuphela nangabe nine nihlala ekukholweni, futsi nisekelekile, nisimile, ninganyikanyiswa lutfo ekwetsembeni kwenu liVangeli lenalitfola, naliva lishunyayelwa emhlabeni wonkhe jikelele. Mine Pawula ngentiwa ngaba sikhonti salo lelo Vangeli.

KubaseKholose 1:27

Nkulunkulu watsandza kutsi kwateke kubo kutsi iyini ingcebo nebukhosi balemfihlakalo kubetive. Lemfihlakalo inguKhristu kini, lolitsemba lebukhosi.

KubaseKholose 2:7

nisime ngekugcila, futsi nakhelwe kuye, niciniswe ekukholweni, njengaloku nifundzisiwe, nivame kubonga.

1 yaJohane 4:16

Tsine siyalwati lutsandvo Nkulunkulu lasitsandza ngalo, futsi siyakholwa ngilo. Nkulunkulu ulutsandvo. Umuntfu lohlala elutsandvweni uhlala kuNkulunkulu, naNkulunkulu uhlala kuye.

1 yaJohane 4:4

Bantfwabami, nine nibaNkulunkulu, senibehlulile baphrofethi bemanga, ngobe lowo lokini mkhulu kunalowo losemhlabeni.

Sembulo 3:20

Lalela la, ngime emnyango ngiyanconcotsa; nangabe umuntfu eva livi lami, avule umnyango, mine ngiyawungena kuye, ngidle naye, naye adle nami.