Kubase-Efesu 2:8 - Siswati 1996 Bible

Empeleni kusindziswa kwenu ngekukholwa kuya ngemusa, futsi loko akuveli kini, sipho nje saNkulunkulu.

Kubase-Efesu 2:8 Referencias Cruzadas

Matewu 16:17

Jesu waphendvula watsi kuye: “Ubusisiwe wena Simoni waJohane, ngobe loko awukakwembulelwa ngumuntfu kepha nguBabe losezulwini.

Matewu 20:9

Kutsite natifika leti teli-awa lesihlanu entsambama, watiholela denariyo munye sisinye.

Makho 16:16

“Lowo lokholwako abhajatiswe, uyawusindziswa; kodvwa lowo longakholwa, uyawulahlwa.

Lukha 7:50

Kodvwa Jesu wase utsi kulomfati: “Kukholwa kwakho kukusindzisile, hamba ngekuthula.”

Johane 3:36

Lokholwa yiNdvodzana, unekuphila lokuphakadze; kodvwa longakholwa yiNdvodzana, ute kuphila lokuphakadze; kodvwa lulaka lwaNkulunkulu lulengela etikwakhe.”

Johane 4:10

Jesu waphendvula watsi: “Kube mane bewusati sipho saNkulunkulu nekutsi ngubani lona lotsi: ‘Nginatsise,’ ngabe ucele kuye, yena abetakunika emanti laphilako.”

Johane 5:24

“Ngicinisile, ngicinisile, ngitsi kini: Lowo lova livi lami akholwe ngulongitfumile, unekuphila lokuphakadze. Akayi ekwehlulelweni, kodvwa sewuphumile ekufeni, wangena ekuphileni.

Johane 6:35

Jesu watsi kubo: “Mine ngisinkhwa sekuphila, lowo lota kimi, angeke alambe; nalowo lokholwa ngimi, angeke aphindze ome.

Johane 6:37

“Konkhe langipha kona Babe kutawuta kimi; lotako kimi, angeke ngimlahlele ngephandle.

Johane 6:40

Ngobe loko kuyintsandvo yaBabe kutsi, bonkhe lababone iNdvodzana, base bakholwa kuyo, babe nekuphila lokuphakadze; mine-ke ngiyawubavusa ngemhla wekuphela.”

Johane 6:44

Kute umuntfu longeta kimi nangabe Babe, lokunguyena angitfumile, angamdvonsi. Ngemhla wekuphela mine-ke ngiyawumvusa aphile.

Johane 6:65

Wachubeka watsi: “Ngiko nje ngitsite kini: Kute longeta kimi, nangakakuphiwa nguBabe.”

Imisebenti yebaPhostoli 14:27

Lapho sebefike e-Antiyokhi babutsela bantfu belibandla ndzawonye babatjela konkhe Nkulunkulu labekusebentile ngabo, nekutsi nebetive ubavulele indlela yekukholwa.

Imisebenti yebaPhostoli 15:11

Cha! Sikholwa kutsi tsine nabo sisindziswa ngalokufananako ngemusa weNkhosi yetfu Jesu.”

Imisebenti yebaPhostoli 16:14

Lomunye walabo lowasilalela nguLidiya, waseThiyathira, umtsengisi wetingubo letibukhwebeletane; abengumfati losikhonti saNkulunkulu. INkhosi yavula inhlitiyo yakhe kuze eve emukele loko lokwakukhulunywa nguPawula.

Imisebenti yebaPhostoli 16:31

Bona batsi: “Kholwa eNkhosini Jesu, utawusindziswa, wena nendlu yakho.”

KubaseRoma 10:14

Kodvwa bangatibika njani kulowo labangakholwa nguye? Bangamkholwa njani labangazange sebeve ngaye? Bangeva njani nakute lobashumayelako?

KubaseRoma 10:17

Ngako-ke kukholwa kuvela ekuveni, kuva kuvela ngekutsi kushunyayelwe ngaKhristu.

KubaseRoma 4:16

Ngako-ke setsembiso semukelwa ngekukholwa, khona konkhe kuyawuba ngemusa waNkulunkulu, ngaleyo ndlela-ke setsembiso siphiwe wonkhe umuntfu loyintalo ya-Abrahama. Lentalo ya-Abrahama-ke akusibo labo labagcina umtsetfo nje kuphela, kodvwa ngibo nalabo labakholwa njengaye. Abrahama ungubabe wetfu sonkhe,

KubaseRoma 4:5

Kodvwa nangabe umuntfu angaketsembeli emisebentini yakhe lemihle kodvwa ngekukholwa etsembele kulowo lolungisisa longamesabi Nkulunkulu, kukholwa kwakhe nguko lokumenta emukeleke kuNkulunkulu kutsi ulungile.

KubaseRoma 9:16

Ngako-ke akuyi ngekutsandza nangekutihlupha kwemuntfu, kodvwa kuya ngebubele baNkulunkulu.

KubaseGalathiya 3:14

Loko Khristu wakwenta, kuze kutsi sibusiso lesetsenjiswa Abrahama sifike sinikwe betive ngaJesu Khristu, nekutsi semukele ngekukholwa sipho saMoya lesetsenjiswa sona.

KubaseGalathiya 3:22

Kodvwa umBhalo utsi bonkhe bantfu bangephansi kwemandla esono, kuze kutsi loko lokwetsenjiswa ekukholweni nguKhristu Jesu kuniketwe labakholwako.

Kubase-Efesu 1:19

nati nalokubukhulu lobumangalisako bemandla akhe kitsi, tsine lesikholwako.

Kubase-Efesu 2:10

Ngobe tsine singumsebenti waNkulunkulu. Sidalwe ngaJesu Khristu kutsi sente imisebenti lemihle, Nkulunkulu layilungisa kucala.

Kubase-Efesu 2:5

nome sase sifile ngetiphambuko tetfu, wasiphilisa kanye naKhristu. Nisindziswe ngemusa waNkulunkulu.

KubaseFiliphi 1:29

Ngobe ngenca yaKhristu nine nabelwa ngemusa angisho kukholwa kuye kuphela, kepha nekuhlupheka ngenca yakhe.

KubaseKholose 2:12

Nembelwa kanye naye embhabhatisweni, lokungawo futsi navuswa kanye naye ngekukholwa ngemandla aNkulunkulu, lowamvusa ekufeni.

2 kubaseThesalonika 1:9

Bayawujeziswa ngekubhujiswa kwaphakadze balunyulwe ebukhoneni beNkhosi nasenkhatimulweni yemandla ayo.

KumaHebheru 6:4

Kukhona labake bakhanyiselwa, banambitsa sipho sasezulwini, badzimate baba nesabelo saMoya Longcwele.

1 yaPhetro 1:5

Nkulunkulu uyawunigcina ngemandla akhe, njengobe nimetsemba, kube kusindziswa lokutakwembulwa ngesikhatsi sekugcina.