Ngitababusisa labakubusisako, ngibacalekise labakucalekisako. Tive tonkhe temhlaba tiyawubusiswa ngawe.”
KubaseRoma 9:5 - Siswati 1996 Bible Wona angumliba wabokhokho, lapho kwavela khona Khristu waba ngumuntfu, yena longuNkulunkulu, Losetikwako Konkhe, akadvunyiswe phakadze naphakadze. Amen. |
Ngitababusisa labakubusisako, ngibacalekise labakucalekisako. Tive tonkhe temhlaba tiyawubusiswa ngawe.”
Bukhosi bungeke busuke esandleni saJuda. Titukulwane takhe tiyawubusa njalonjalo, tive tiyakwetfula kuye timlalele.
Bhenaya, umsa waJehoyada, waphendvula inkhosi, watsi: “Amen! Akube njalo! Shangatsi loko Simakadze, Nkulunkulu wenkhosi yami, lakushoko kungaba njalo!
Akabongwe Simakadze, Nkulunkulu wema-Israyeli, kusukela phakadze kuze kube phakadze!” Sonkhe sive satsi: “Amen!” sadvumisa Simakadze.
Simakadze wasimisa ezulwini sihlalo sakhe sebukhosi, konkhe lokukhona kungaphansi kwembuso wakhe.
Akabongwe Simakadze, Nkulunkulu wema-Israyeli, kusukela phakadze kuze kube phakadze! Sive sonkhe asitsi: “Amen!” Haleluya! Dvumisani Simakadze!
Akabongwe Simakadze, Nkulunkulu wema-Israyeli, kusukela phakadze kuze kube phakadze. Amen! Yebo, Amen!
Sihlalo sakho sebukhosi, Nkulunkulu, saphakadze naphakadze, kubusa kwakho kumsulwa, akukhetsi.
Alibongwe libito lakhe lenkhatimulo, libongwe kuze kube phakadze, shangatsi umhlaba wonkhe ungagcwala inkhatimulo yakhe. Amen! Yebo, Amen!
Kuyawuhluma lihlumela esiphuntini sakaJese; ligala lelimila etimphandzeni takhe liyawutsela titselo.
Ngako-ke, Nkulunkulu, yena cobo lwakhe, utawuninika sibonakaliso: Intfombi iyawukhulelwa itale indvodzana, yetsiwe libito kutsiwe ngu-Imanyuweli.
Watsi: “Amen! Shangatsi Simakadze angenta njalo! Shangatsi Simakadze angawagcwalisa lawo mavi lowaphrofethe ngekubuyisa letimphahla tasendlini yaSimakadze nabo bonkhe labatfunjwa besuswa eBhabhulona baletfwa kulendzawo.
Simakadze utsi: “Betlehema Efratha, nome ungulomunye wemiti lemincane yakaJuda, kodvwa ngiyawuveta kuwe umbusi loyawubusa sive saka-Israyeli. Lusendvo lwakhe luyawusukela kulolo lwaluvele lukhona kwasekucaleni.”
nibafundzise kugcina konkhe lenginiyale ngako. Nibokwati kutsi mine nginani onkhe emalanga, kuze kube ngusekupheleni kwetikhatsi.”
Ungasingenisi ekulingweni, kodvwa usisindzise kulokubi. [Ngobe umbuso wakho, nemandla, nebukhosi, kuze kube phakadze. Amen.]’
“NaDavide wambita ngekutsi ‘INkhosi!’ Ngako-ke, kungenteka kanjani kutsi abe yindvodzana yakhe?”
Ticapheleni nine kanye nemhlambi wonkhe lobekwe etandleni tenu nguMoya Longcwele, neluse libandla laNkulunkulu latitsengela lona ngengati yeNdvodzana yakhe.
Nkulunkulu wa-Abrahama na-Isaka naJakobe, Nkulunkulu wabokhokho, usikhatimulisile Sisebenti sakhe lesinguJesu, lenamniketa etiphatsimandleni, namlahla embikwaPhilatu, namala nome Philatu asatimisele kumkhulula.
Baguculele liciniso laNkulunkulu balenta emanga; bakhonta, badvumisa indalo kunekukhonta nekudvumisa uMdali lokunguyena abongeka kuze kube phakadze. Amen.
LingeNdvodzana yakhe, iNkhosi yetfu Jesu Khristu, ebuntfwini bakhe watalwa awesitukulwane saDavide;
Kute umehluko emkhatsini wemJuda nemGriki ngobe yona leyo Nkhosi yiNkhosi yabo bonkhe, bonkhe labatibika ngekubita libito layo ibenetisa ngetibusiso ngalokuphuphumako.
NgekweliVangeli baka-Israyeli batitsa taNkulunkulu, khona kutewusitakala nine, kodvwa ngekwelukhetfo bangulabatsandzekako ngenca yabokhokho babo.
Ngobe nawobonga Nkulunkulu usemoyeni, lona lote letipho angasho kanjani kutsi: “Amen,” kulokubonga kwakho? Ingani phela akakuva loko lokushoko.
Nkulunkulu neYise weNkhosi Jesu, yena lofanele kudvunyiswa phakadze naphakadze, uyati kutsi angicali wona emanga.
Noko Simakadze lutsandvo lwakhe walwenta lwanamatsela kubokhokho benu, wabatsandza, wanikhetsa nine titukulwane tabo, ngetulu kwato tonkhe tive, njengobe kunjalo lamuhla.
Siyavuma kutsi yinkhulu kakhulu imfihlakalo yenkholo yetfu yekutsi: Wabonakaliswa angumuntfu, wafakazelwa nguMoya, wabonwa tingilosi, washunyayelwa kubetive, wakholeka emhlabeni, wenyukela enkhatimulweni.
Ngesikhatsi sakhe Jesu utawubonakaliswa nguSomandla lokunguye yedvwa, lobusisekile, iNkhosi yemakhosi neMbusi webabusi.
Khumbula Jesu Khristu wesitukulwane saDavide, lowavuswa kulabafile, njengobe ngiyaye ngisho nangishumayela liVangeli.
Siyati kutsi iNdvodzana yaNkulunkulu ifikile yasipha kucondzisisa kahle, khona sitewumati Nkulunkulu longuye sibili; tsine-ke sikuye Nkulunkulu sibili, eNdvodzaneni yakhe lenguJesu Khristu. Nguye longuNkulunkulu sibili, nalokuphila lokuphakadze.
nalophilako. Ngafa, kodvwa ase ubheke nyalo, sengiyaphila, kuze kube phakadze, futsi nginetikhiya tekufa neteHayidesi.
“Mine, Jesu, nginitfumele ingilosi yami kutsi itewuvakalisa letindzaba emabandleni. Ngisitukulwane nentalo yaDavide. Ngiyinkhanyeti yekusa lecwebetelako.”