KubaseRoma 5:10 - Siswati 1996 Bible Ngobe nangabe kwatsi sisetitsa satfola kubuyisana naNkulunkulu ngekufa kweNdvodzana yakhe, kakhulu kanganani-ke nase sibuyisene naye siyawusindziswa ngekuphila kwayo. |
Baphristi base bahlaba letimbuti banikela ngengati yato etikwelilati, kutsi kube ngumnikelo wesono kutsi batekwenta inhlawulo yekubuyisana egameni lebaka-Israyeli bonkhe, ngobe inkhosi yase ivele iyalile kutsi kwentiwe umnikelo wekushiswa newesono wema-Israyeli onkhe.
Ngelilanga lesikhombisa lenyanga uyakwenta njalo futsi, entele nome ngubani lowone ngesiphosiso, nome one ngekungati. Ngaleyo ndlela-ke niyawulihlawulela lithempeli.
“Tikhatsi letingema-70 timiselwe bantfu bakini, nelidolobha lakini kutsi bayekele kona nekwephula imitsetfo, bacedze tono, bahlawulele bubi, bangenise kulunga kwaphakadze, kuciniselwe umbono netiphrofetho, kugcotjwe lowo Longcwelengcwele.
Kodvwa nangabe kuletfwa umnikelo wesono ethendeni lekuhlangana, ingati yawo letawuhlawulela sono endzaweni lengcwele, lowo mnikelo akukafaneli udliwe; kufanele ushiswe.’ ”
Kodvwa sekusele sikhashana live lingabe lisangibona, noko nine niyawungibona, ngobe mine ngiphila, nani futsi niyawuphila.
Njengobe uYise anekuphila ngekwakhe, kanjalo uyiphile neNdvodzana kutsi ibe nekuphila ngekwayo.
Ngobe loko kuyintsandvo yaBabe kutsi, bonkhe lababone iNdvodzana, base bakholwa kuyo, babe nekuphila lokuphakadze; mine-ke ngiyawubavusa ngemhla wekuphela.”
Njengobe Babe lophilako angitfumile, nami ngiphila ngaBabe, kanjalo-ke lodla mine, uyawuphila ngami.
NgekweliVangeli baka-Israyeli batitsa taNkulunkulu, khona kutewusitakala nine, kodvwa ngekwelukhetfo bangulabatsandzekako ngenca yabokhokho babo.
Noko akusiko loko kuphela, kodvwa siphindze sijabula kuNkulunkulu ngaJesu Khristu iNkhosi yetfu lokungaye semukeliswe kubuyisana naNkulunkulu.
Ngobe kwatsi sisebutsakatsaka, Khristu wafela labangamesabi Nkulunkulu; wafa ngesikhatsi lesifanele.
Yena longazange ayigodle iNdvodzana yakhe, kodvwa wayinikela ngenca yetfu sonkhe, pho, akayusinika yini tonkhe tintfo mahhala kanye nayo?
Pho, kukhona yini longahle abalahle ngelicala? Kute: Ngobe ukhona Khristu Jesu lowafa, kodvwa wavuswa waphila, sewungesekudla saNkulunkulu, nguye losincuselako.
Ngako-ke labanaka kwenyama batitsa kuNkulunkulu, ngobe abawutfobeli umtsetfo waNkulunkulu; empeleni bate emandla ekuwutfobela.
Ngako singemancusa aKhristu; Nkulunkulu uncusa ngatsi. Sinincenga egameni laKhristu sitsi: “Buyisanani naNkulunkulu.”
Khristu abengenasono. Noko Nkulunkulu wamenta kutsi abe sono ngenca yetfu, kuze kutsi ngaye semukeleke kuNkulunkulu kutsi silungile.
Bobabili wabenta kutsi babuyisane naNkulunkulu emtimbeni munye ngesiphambano, ngaloko wacedza bonkhe butsa.
Empeleni sonkhe sasinjengabo, sasiphila ngetinkhanuko tenyama yetfu, senta intsandvo yenyama neyengcondvo yetfu. Ngekwemvelo yetfu sasifanelwe lulaka lwaNkulunkulu njengabo bonkhe bantfu.
Ngako-ke kwakudzingekile kutsi afanane nabomnakabo ngako konkhe, kuze atewuba ngumPhristi Lomkhulu lonesihawu nalowetsembekile emsebentini waNkulunkulu, kube yinhlawulo yetono tebantfu.
Ngako-ke unawo emandla ekubasindzisa ngalokuphelele labo labasondzela ngaye kuNkulunkulu, njengobe yena aphilela kubancusela ngaso sonkhe sikhatsi.
Bantfwabami, nginibhalela loku khona ningetikona; kodvwa nangabe kukhona lotfuke enta sono, tsine sineMmeli kuYise, Jesu Khristu lolungile,
Ngulolo-ke lutsandvo, hhayi kutsi ngitsi lesatsandza Nkulunkulu, kepha kutsi nguye lowasitsandza, wadzimate watfumela iNdvodzana yakhe kutsi ibe yinhlawulo yetono tetfu.
nalophilako. Ngafa, kodvwa ase ubheke nyalo, sengiyaphila, kuze kube phakadze, futsi nginetikhiya tekufa neteHayidesi.