KubaseRoma 2:29 - Siswati 1996 Bible

Kodvwa umJuda weliciniso ngumuntfu longumJuda ngekhatsi, lokusho kutsi, usoke enhlitiyweni ngaMoya, hhayi ngalokubhaliwe. Umuntfu lonjalo-ke ubongeka kuNkulunkulu, hhayi kubantfu.

KubaseRoma 2:29 Referencias Cruzadas

1 Tikhronike 29:17

Ngiyati, Nkulunkulu wami, kutsi wena uvivinya inhlitiyo ujatjuliswe bucotfo. Tonkhe letintfo ngitinikele ngenhlitiyo levumako nangekwetsembeka. Manje sengibonile ngekujabula kutsi sive sakho lesikhona lapha sinikele kanjani ngenhlitiyo levumako kuwe.

Tihlabelelo 45:13

Kucwebetela kodvwa lokusesigodlweni, inkhosatana yembetse tingubo letelukwe ngegolide.

Jeremiya 4:14

Maye kitsi, ngobe sibhujisiwe. Maye Jerusalema, geza bubi lobusenhlitiyweni yakho, khona utewusindziswa. Uyawuyifukamela kuze kube ngunini lemicabango yakho lemibi?

Jeremiya 4:4

Tisokeni nine kuSimakadze, sokani tinhlitiyo tenu, nitinikele kuye ngalokuphelele, nine madvodza akaJuda nesive saseJerusalema. Ngaphandle kwaloko lulaka lwami lutawucitseka luvutse njengemlilo ngenca yebubi lenibentile, luvutse, kubete nalongalucisha.”

Jeremiya 9:25

Simakadze umemetela utsi: “Lalela ngikutjele! Ayeta emalanga, lapho ngiyawujezisa bonkhe labasoke enyameni kuphela,

Lukha 11:39

Ngako iNkhosi yatsi: “Nine baFarisi, nigeza lingephandle lenkomishi nelipulede, kodvwa ngekhatsi nigcwele bumiti nebubi.

Lukha 17:21

Kute loyawutsi: ‘Ase nibuke nankhu!’ nome: ‘Nankhuya!’ Ngobe umbuso waNkulunkulu ukini.”

Johane 12:43

Babetsandza kakhulu kudvunyiswa bantfu kunekudvunyiswa nguNkulunkulu.

Johane 4:23

Kodvwa sikhatsi siyeta, nanyalo sesifikile, lapho labo labakhonta ngeliciniso bayawukhonta Babe ngaMoya nangeliciniso. Ngobe Babe ufuna labamkhonta kanjalo.

Johane 5:44

Ningakholwa kanjani nine nidvumisana nodvwana nje, ningalufuni ludvumo loluvela kuNkulunkulu, lokunguye yedvwa?

KubaseRoma 14:17

Ngobe umbuso waNkulunkulu awusiko kudla nekunatsa, kepha ukulunga, nekuthula, nekujabula kuMoya Longcwele.

KubaseRoma 2:27

Ngako-ke wena mJuda, uyawulahlwa ngumuntfu wetive, ngekutsi yena ugcina umtsetfo nome angazange asasoke enyameni, ngobe wena wephula umtsetfo nome unawo ubhalwe phansi, kantsi futsi usokile.

KubaseRoma 3:1

Pho, emaJuda ancono ngani kunalabanye bantfu? Kusita ngani kusoka?

KubaseRoma 7:6

Noko, nyalo, sesikhululekile ekubeni ngaphansi kwemtsetfo, ngobe safa sehlukana naloko kwakusente tiboshwa, asisakhonti ngendlela lendzala yekwenta lokufunwa ngumtsetfo lobhaliwe, kodvwa sikhonta ngendlela lensha yaMoya.

1 kubaseKorinthe 4:5

Ngako-ke ningacali kwehlulela lutfo sikhatsi singakefiki, neNkhosi ingakefiki. Ngiyo leyawuveta ekukhanyeni lokufihlakele ebumnyameni, ivete ebaleni imicabango yetinhlitiyo. Lapho-ke ngulowo nalowo muntfu uyawutfola kubongwa lokuvela kuNkulunkulu.

1 kubaseKorinthe 7:19

Kusoka akusho lutfo, nekungasoki akusho lutfo. Lokusho lutfo kugcina imiyalo yaNkulunkulu.

2 kubaseKorinthe 10:18

Ngobe lowemukelela eNkhosini, akusiye lotincomako, kodvwa ngulowo lonconywa yiNkhosi.

2 kubaseKorinthe 3:6

lowasenta safaneleka kuba baphatsi besivumelwane lesisha, lesingesiso semtsetfo lobhaliwe, kodvwa saMoya; umtsetfo lobhaliwe uyabulala, kodvwa Moya uyaphilisa.

Dutheronomi 10:16

Ngako-ke, sokani tinhlitiyo tenu, ningaphindzi nibe netinhloko letilukhuni.

Dutheronomi 30:6

Simakadze Nkulunkulu wenu uyawusoka tinhlitiyo tenu netinhlitiyo tetitukulwane tenu, kuze nitsandze yena ngayo yonkhe inhlitiyo yenu, nangawo wonkhe umphefumulo wenu, niphile.

KubaseFiliphi 3:3

Ngitsi labasoke sibili, tsine lesikhonta ngaMoya waNkulunkulu, sitibonga kuKhristu Jesu, asetsembeli enyameni,

1 kubaseThesalonika 2:4

Kodvwa njengaloku sivunyiwe nguNkulunkulu kutsi siphatsiswe liVangeli, asikhulumeli kujabulisa bantfu, kodvwa sikhulumela kujabulisa Nkulunkulu lohlola tinhlitiyo tetfu.

1 yaPhetro 3:4

Kodvwa akube kuhloba kwemuntfu longekhatsi, lohloba ngalokungabhubhi kwemoya lomnene nalonekuthula, lokuligugu lelimcoka emehlweni aNkulunkulu.

1 Samuweli 16:7

Kodvwa Simakadze wakhuluma kuSamuweli, watsi: “Ungabheki kubukeka nebudze bakhe, ngobe yena ngimalile. Simakadze akabuki tona tintfo letinakwa ngumuntfu. Umuntfu ubuka lingaphandle lemuntfu, kodvwa Simakadze ubuka inhlitiyo.”