Absalomu watiphatsa kanjena kuwo onkhe ema-Israyeli labefika atewucela kusitwa yinkhosi; ngaleyo ndlela wateba tonkhe tinhlitiyo temadvodza aka-Israyeli.
KubaseRoma 16:18 - Siswati 1996 Bible Ngobe labo labenta njalo, abakhonti yena Khristu iNkhosi yetfu, kodvwa bakhonta tisu tabo; nangemavi lamahle nalamnandzi bayenga tinhlitiyo talabo labangakahlakaniphi. |
Absalomu watiphatsa kanjena kuwo onkhe ema-Israyeli labefika atewucela kusitwa yinkhosi; ngaleyo ndlela wateba tonkhe tinhlitiyo temadvodza aka-Israyeli.
Ngako inkhosi yaka-Israyeli yase ibutsela ndzawonye baphrofethi lababengaba ngema-400, emadvodza odvwa, yababuta yatsi: “Singaya yini kuyawuhlasela iRamothi Gileyadi, nome ngiyekele?” Baphendvula batsi: “Hamba, ngobe Simakadze utayinikela etandleni tenkhosi.”
Bantfu bayayengana la emhlabeni, tilimi tabo tisheleliswa ngemanga, inkhulumo yabo imphacambili.
Imfundziso yaSimakadze iphelele, ihlumelelisa umphefumulo; bufakazi baSimakadze buliciniso, buyabahlakaniphisa labate lwati.
Umuntfu lonengcondvo lencane wetsemba yonkhe intfo; kodvwa lohlakaniphile indlela yakhe uyayibukisisa angakacali kuhamba ngayo.
Umuntfu lohlakaniphile ingoti uyibona iseta, bese uyayibalekela; kantsi longenangcondvo ucondza ngco kuyo, bese utisola emvakwesikhatsi.
Yeyi nine leningakakhuli engcondvweni, fundzani nikhule ekuhlakanipheni. Nine lenilibele, buyisani tingcondvo tenu.
Bachubeka bakhulume kulabangedzelelako batsi: ‘Simakadze utsi: Nitawuba nekuthula.’ Kubo bonkhe labalandzela inkhani yetinhlitiyo tabo, batsi: ‘Kute lokubi lokutanehlela.’
kanye nebaphrofethi baka-Israyeli labaphrofetha kuyo iJerusalema, babona nemibono yekuthula kwayo, kube kona kungekho kuthula, kusho iNkhosi Simakadze.” ’ ”
Nine ningihlambalatile emkhatsini wesive sami, ngobe nicondze kutfola emabinta lambalwa nje ebhali netingebhuta letimbalwa tesinkhwa. Ngekukhuluma emanga esiveni sami, lesilalela emanga, nibabulele labo lebekufanele bangafi, nasindzisa lebekufanele bafe.
Bayawutsi nabawa, batfole lusito loluncane, labanyenti labatentisako bayawutihlanganisa nabo.
Sive sami sedukiswa baphrofethi labetsembisa kuthula kulabo lababapha imali, kantsi labo labangabadizeli babetsembisa babasongele ngemphi. Kulabo baphrofethi Simakadze utsi:
“Awu, shangatsi lomunye wenu angavala iminyango yelithempeli, kuze ningetikuyokhela imililo lengenamsebenti elatini lami! Angijabuli ngani, futsi ngingeke ngiwemukele umnikelo lophuma etandleni tenu,” kusho Simakadze longuSomandla.
Ngobe kuyawuvela bokhristumbumbulu, nebaphrofethi bemanga, bente tibonakaliso letinkhulu netimangaliso, kuze kudukiswe nalabakhetsiwe nakunekwenteka.
“Kute umuntfu longakhonta emakhosi lamabili; ngobe uyakutondza lenye, atsandze lenye; uyakwetsembeka kulenye ayedzelele lenye. Ungeke ukhonte Nkulunkulu nemcebo.
“Caphelani baphrofethi bemanga, labeta kini banjengetimvu ngaphandle, kodvwa ngekhatsi banjengetimphisi letibukhali.
Lowo losikhonti sami akangilandzele, lapho ngikhona khona mine nesisebenti sami siyawuba khona. Losikhonti sami uyawutuswa nguBabe.”
Lowo lokhonta Khristu ngalendlela, uyemukeleka kuNkulunkulu, futsi wetsembekile nakubantfu.
Ngiyajabula ngani ngobe kulalela kwenu kuyatiwa kubo bonkhe. Ngifisa kutsi nihlakaniphe kulokulungile, nibe msulwa kulokungakalungi.
Kodvwa ngineluvalo ngani, kutsi njengobe inyoka yakhohlisa Eva ngebucili bayo, nani tingcondvo tenu tingahle tedukiswe niyekele kutinikela kuKhristu ngeliciniso nangebumsulwa.
Tsine-ke asinjengabo bantfu labanyenti labenta livi laNkulunkulu libe yindali; kodvwa tsine lesikuKhristu sikhuluma kwaNkulunkulu ngekuciniseka ebukhoneni bakhe.
Sesiyilahle yonkhe imisebenti yebumnyama neyelihlazo asiphili ngebucili, asiliphambanisi livi laNkulunkulu, kepha sibeka liciniso laNkulunkulu ebaleni, kunembeza webantfu bonkhe embikwaNkulunkulu.
Kungabe kambe ngitincengela kubantfu yini nome kuNkulunkulu? Nome ngetama kujabulisa bantfu yini? Nangabe ngisajabulisa bantfu, bengingeke ngibe sisebenti saKhristu.
Kuphela kwabo kubhujiswa, nkulunkulu wabo sisu, ludvumo lwabo lusehlazweni labo, bangulabanaka tintfo temhlaba.
Khumbulani kutsi nikhonta iNkhosi. Nati kutsi niyakwemukeliswa umvuzo welifa kuKhristu.
nayo yonkhe inkhohliso yekwedukisa lababhubhako, ngobe abazange balitsandze liciniso laKhristu labebangasindziswa ngalo.
nemsindvo wembango longapheli webantfu labanengcondvo leyonakele, futsi labemukwe neliciniso, bacabange kutsi kwesaba Nkulunkulu yindlela yenzuzo.
Lencwadzi iphuma kuJakobe, inceku yaNkulunkulu neyeNkhosi Jesu Khristu. Iya etiveni letili-12 letisakatekile. Ngiyanibingelela.
Ngenca yebudli babo bayawutsengiselana ngani ngemavi ebucili. Kusukela emandvulweni kulahlwa kwabo akulibali, nekubhujiswa kwabo akweteli.
Lencwadzi iphuma kumnakaboJakobe longuJuda, sisebenti saJesu Khristu. Iya kulabo lababitwe nalabatsandvwe nguNkulunkulu longuBabe, labalondvolotelwe Jesu Khristu.
Bayanonela ekudleni kwenu kwebudlelwane bate emahloni ngekumita kwabo. Babogubhela kwesabo. Banjengemafu lapheshulwa ngumoya, abe wona ate imvula. Batihlahla letingatseli titselo, ngisho nangetikhatsi tato, tihlahla letisishulwe netimphandze tato, yebo, batihlahla lese tafa.
Labantfu laba bati kukhonona nje nekusola yonkhe intfo, bahamba ngetinkhanuko tabo letimbi, bayatigabatisa, bashaya ticetse, khona kutawuphumelela bona.
Lesi Sembulo saJesu Khristu, lasiniketwa nguNkulunkulu kutsi akhombise tinceku takhe loko lokufanele kwenteke masinyane. Letintfo watembula ngekutfumela ingilosi yakhe encekwini yakhe lenguJohane.
Manje-ke niwubukelani ngeliso lelibukhali lomhlatjelo wami nalomnikelo wami lengawukhetsela indzawo yami yekuhlala? Wentiwa yini lokutsi uhloniphe kakhulu emadvodzana akho kunekutsi uhloniphe mine, nitikhuluphalise nine ngekutikhetsela lokunonile kwayo yonkhe iminikelo leyentiwa sive sami sema-Israyeli?’