KubaseRoma 15:5 - Siswati 1996 Bible

Shangatsi Nkulunkulu, longumtfombo wekubeketela newekucinisela, anganinika kuphilelana ngekuthula lomunye kulomunye ngekwentsandvo yaKhristu Jesu,

KubaseRoma 15:5 Referencias Cruzadas

2 Tikhronike 30:12

NakaJuda sandla saNkulunkulu sasisetikwebantfu kutsi sibanike bunye bengcondvo ekwenteni loko inkhosi netiphatsimandla tayo babetsite akwentiwe, ngekulandzela livi laSimakadze.

Tihlabelelo 86:5

Ngobe wena, Nkhosi, ulungile futsi ulungele kutsetselela, umusa wakho uyabaphuphumela labo labakhala kuwe.

Eksodusi 34:6

Simakadze wendlula embikwakhe wamemeta watsi: “Simakadze, Simakadze, Nkulunkulu lonesihawu nemusa; uyephuta kutfukutsela andze ngemusa nangekwetsembeka,

Jeremiya 32:39

Ngiyawubanika inhlitiyo yebunye nekwenta intfo yinye, khona batewuhlala bangesaba mine, loko kube lusito kubo nakubantfwababo emvakwabo.

Hezekeli 11:19

Ngiyawubanika inhlitiyo yinye, ngifake umoya lomusha ekhatsi kubo; ngiyakuyisusa kubo inhlitiyo yabo yelitje, ngibanike inhlitiyo yenyama.

Imisebenti yebaPhostoli 4:32

Lesicumbi semakholwa sasimcondvo munye nanhlitiyo yinye. Akekho labetsi kwakhe ngekwakhe yedvwa, kodvwa bonkhe benetisana ngako konkhe labebanako.

KubaseRoma 12:16

Nibambisane ngamoya munye nonkhe. Ningafisi lokuphakeme, kodvwa nibe nebudlelwane nalabatfobekile. Ningacabangi kutsi nihlakaniphile.

KubaseRoma 15:13

Shangatsi Nkulunkulu, longumtfombo welitsemba, anganigcwalisa ngako konkhe kujabula nekuthula ekukholweni, kuze niphuphume etsembeni ngemandla aMoya Longcwele.

KubaseRoma 15:3

Ngobe naKhristu akatijabulisanga yena, njengobe kubhaliwe kutsi: “Tinhlamba letatikhishwa ngulabo lababekwetfuka tehlela etikwami.”

1 kubaseKorinthe 1:10

Bazalwane bami labatsandzekako, ngiyanincenga ngelibito leNkhosi yetfu Jesu Khristu kutsi nivumelane ngantfo yinye nonkhe; kubete kwehlukana emkhatsini wenu, kodvwa nipheleliswe emcondvweni munye nasembonweni munye.

2 kubaseKorinthe 13:11

Kwekugcina-ke bazalwane, ngitsi: Salani kahle. Lungisani imihambo yenu, netsabele kwemukela imiyalo, nivumelane, nihlalisane ngekuthula, khona Nkulunkulu wekuthula newelutsandvo atewuba nani.

2 kubaseKorinthe 7:6

Kodvwa Nkulunkulu lodvudvuta labanetinhlitiyo letephukile, wasidvudvuta ngekufika kwaThithusi.

Kubase-Efesu 5:2

Niphile imphilo yelutsandvo, njengobe naKhristu asitsandza watinikela ngenca yetfu, waba ngumnikelo nemhlatjelo loliphunga lelimnandzi kuNkulunkulu.

KubaseFiliphi 1:27

Kuphela hambani ngalokufanele liVangeli laKhristu, kuze kutsi nome ngita nginibona, nome ngingekho, ngive tindzaba letimnandzi ngani kutsi nime nicinile emoyeni munye, kukholwa liVangeli nikulwele ngebunye.

KubaseFiliphi 2:2

gcwalisani kutfokota kwami ngekutsi nibe mcondvo munye, nelutsandvo lunye, nenhlitiyo yinye, nemgomo munye.

KubaseFiliphi 3:16

Kuphela nje kutsi lesesifikile kuko, asihambe ngemkhondvo wako.

KubaseFiliphi 4:2

Ngiyabayala bo-Evodiya naSintike kutsi ababe nekucondza kunye eNkhosini.

1 yaPhetro 3:20

Labo-ke ngulabo lekwatsi endvulo bala kulalela Nkulunkulu ngesikhatsi Nkulunkulu abalindzele ngekubeketela ngemalanga ekwakhiwa kwemkhumbi waNowa. Bantfu labambalwa, lababesiphohlongo, bangena kulomkhumbi basindza emantini.

1 yaPhetro 3:8

Kwekugcina-ke, hawukelanani, nibe munye nonkhe, nitsandzane ngebuzalwane, nibe nebubele nekutfobeka.

2 yaPhetro 3:15

Kubeketela kweNkhosi nibokutsatsa ngekutsi kunentela ematfuba ekusindziswa, njengobe nemzalwane wetfu lotsandzekako longuPawula anibhalele ngekuhlakanipha laphiwe kona.

2 yaPhetro 3:9

INkhosi ayibini kugcina setsembiso sayo, njengobe labanye bacabanga kutsi iyabina; kepha iyanibeketelela, ngobe ingatsandzi kutsi kubhubhe ngisho namunye umuntfu, kodvwa itsandza kutsi bonkhe bantfu baphendvuke etonweni tabo.