Lelilanga liyawuba sikhumbuto kini, niyawuligcina libe lilanga lemkhosi kuSimakadze. Tonkhe titukulwane tenu tiyawulenta libe lilanga lemkhosi kuze kube ngunini nanini.”
KubaseRoma 14:6 - Siswati 1996 Bible Lowo lohlonipha lilanga ulihloniphela iNkhosi; nalowo lodlako udlela iNkhosi, ngobe naye ubonga kuNkulunkulu; kantsi nalowo longadli uyekelela iNkhosi, ngobe naye ubonga kuNkulunkulu. |
Lelilanga liyawuba sikhumbuto kini, niyawuligcina libe lilanga lemkhosi kuSimakadze. Tonkhe titukulwane tenu tiyawulenta libe lilanga lemkhosi kuze kube ngunini nanini.”
Kwakubusuku Simakadze lalindzela ngabo kuze abakhiphe eGibhithe; ngako-ke lobo busuku behlukaniselwa Simakadze kutsi ema-Israyeli onkhe alindzele ngabo titukulwane ngetitukulwane.
Mosi wakhuluma kubo watsi: “Kudleni lamuhla, ngobe lamuhla liSabatha kuSimakadze. Ningeke nikutfole etsafeni.
Ngiyona leyo yini inhlobo yekuzila kudla lengiyikhetsile mine, lilanga linye nje kutsi indvodza ititfobe? Lokuzila kwekutsi umuntfu akhotsame nje kuphela yini, ngekubhekisa inhloko phansi njengemhlanga, nekutsi embatse emasaka atitsele ngemlotsa? Nguloko-ke yini nine lenitsi kuzila kudla, lilanga lelemukelekile kuSimakadze?
Onkhe emabhodo aseJerusalema newakaJuda ayakwehlukaniselwa Simakadze longuSomandla, kutsi bonkhe labetako kutakwenta umhlatjelo batsatse lamanye alamabhodo bapheke ngawo. Ngalelo langa sewuyawubate umtsengisi endlini yaSimakadze longuSomandla.
Jesu wase utjela bantfu kutsi bahlale phansi etjanini, watsatsa letinkhwa letisihlanu naletinhlanti letimbili, wabuka etulu, wabusisa. Wahlephula tinkhwa wanika bafundzi bakhe, bona base bemukelisa leticumbi.
Watsatsa letinkhwa letisikhombisa netinhlanti, wabonga, watihlephula watinika bafundzi, bona banika bantfu.