KubaseRoma 12:7 - Siswati 1996 Bible

nakungusenkonzweni yemsebenti, asitinikele kuyo; umfundzisi akasebentise sipho sakhe ekufundziseni.

KubaseRoma 12:7 Referencias Cruzadas

Tihlabelelo 34:11

Wotani, bantfwabami, ningilalele, ngitanifundzisa kumesaba Simakadze.

Tihlabelelo 51:13

ngiyawube sengifundzisa lababi tindlela takho, netoni tiyawuphendvuka tibuyele kuwe.

Umshumayeli 12:9

Wachubeka kanjalo-ke uMshumayeli afundzisa bantfu ngekuhlakanipha kwakhe konkhe lakwatiko naye. Abecabangisisa aphenyisise, aphindze atihlelise kahle taga letinyenti engcondvweni yakhe,

Isaya 21:8

Lomlindzi wamemeta watsi: “Lilanga ngelilanga, nkhosi yami, ngima etulu embhoshongweni wekulindza, busuku ngebusuku ngihlala ngisemsebentini wami.

Matewu 28:19

Ngako-ke hambani, nente tive tonkhe tibe bafundzi bami, nibabhabhatise egameni leYise, neleNdvodzana, nelaMoya Longcwele,

Johane 3:2

Weta kuJesu ngalobunye busuku, wefike watsi: “Mfundzisi, siyati kutsi wena ungumfundzisi lophuma kuNkulunkulu. Ngobe kute umuntfu longenta timangaliso letingaka, nakate Nkulunkulu.”

Imisebenti yebaPhostoli 13:1

Ebandleni lase-Antiyokhi kwakunebaphrofethi nebafundzisi: Bhanabasi, naSimeyoni (lobitwa ngekutsi Mnyama), naLusiyusi waseSirene, naManayeni lowakhula naHerodi, umbusi, naSawula.

Imisebenti yebaPhostoli 20:20

Niyati nekutsi kute lenganigodlela kona kunitjela nekunifundzisa embikwebantfu nasemakhaya enu, lokwakungahle kube lusito kini.

Imisebenti yebaPhostoli 20:28

Ticapheleni nine kanye nemhlambi wonkhe lobekwe etandleni tenu nguMoya Longcwele, neluse libandla laNkulunkulu latitsengela lona ngengati yeNdvodzana yakhe.

Imisebenti yebaPhostoli 6:1

Emvakwesikhatsi, seloku bafundzi bandza ngebunyenti, kwaba khona kucabana nekungevani emkhatsini wemaJuda lakhuluma siGriki nemaJuda ekutalwa. EmaJuda lakhuluma siGriki asola kutsi bafelokati bawo babenganakwa ekwenetisweni kwemihla ngemihla.

1 kubaseKorinthe 12:28

Nkulunkulu umise labatsite ebandleni: kucala baphostoli, kwesibili baphrofethi, kwesitsatfu bafundzisi, bese kuba ngulabenta imisebenti yemandla, nalabanetiphiwo temusa tekuphilisa, nebasiti, nebaholi, nalabakhuluma ngetilimi.

1 kubaseKorinthe 12:5

Kukhona imisebenti leminyenti leyehlukene yekusitana; kepha yinye leyo Nkhosi.

1 kubaseKorinthe 14:26

Ngako-ke, bazalwane, nanibutsanele kukhonta, nibonikana ematfuba: Lomunye akacale liculo, lomunye afundzise, lomunye etfule sembulo, lomunye akhulume ngetilimi, lomunye atihumushe. Konkhe kwenteleni kutsi kwakheke libandla.

KubaseGalathiya 6:6

Akutsi lowo lofundziswako ngelivi laNkulunkulu ahlephunelane etintfweni tonkhe letinhle nalowo lamfundzisako.

Kubase-Efesu 4:11

Nguye futsi lowapha labanye kutsi babe baphostoli, labanye babe baphrofethi, labanye babe bavangeli, labanye babe belusi, labanye babe bafundzisi.

Dutheronomi 33:10

Uyawufundzisa imiyalo yakho kuJakobe, nemitsetfo yakho ku-Israyeli. Ushisa imphepho embikwakho, neminikelo yekushiswa yonkhe elatini lakho.

KubaseKholose 4:17

Nitjele Akhipho nitsi: “Caphela kufeza lowo msebenti lowawemukela eNkhosini.”

1 kuThimothi 2:7

Ngiko lengakhetselwa kuba ngummemeteli nemphostoli wako, ngifundzise betive kukholwa neliciniso; ngikhuluma liciniso, hhayi emanga.

1 kuThimothi 3:2

Umbonisi kufanele kube yindvodza lengasoleki, lenemfati munye, letibambako, lezitsile, lehloniphekile, lephatsa kahle tihambi, lenemasu ekufundzisa,

1 kuThimothi 4:16

Uticaphele wena nekufundzisa kwakho, ungesuki kuko; ngobe ngekwenta njalo utawube utisindzisa wena kanye nalabakuvako.

1 kuThimothi 5:17

Babonisi belibandla labaphetse kahle bafanele kubongwa ngalokuphindziwe, ikakhulu labo labasebenta ngekushumayela nangekufundzisa.

2 kuThimothi 2:2

Loko lokuve kimi embikwabofakazi labanyenti, nawe kuphatsise bantfu labetsembekile labatawuba nemandla ekukufundzisa kulabanye.

2 kuThimothi 2:24

Sisebenti seNkhosi asikafaneli kutsi silwe, kodvwa sifanele kutsi sibe mnene kubo bonkhe bantfu, sibe nelisu lekufundzisa, sibeketele,

2 kuThimothi 4:2

Shumayela livi, ulimele nome tikhatsi tivuma nome tingavumi; sola, ucwayise, uyale ngako konkhe kubeketela nekufundzisa.

1 Samuweli 12:23

Kodvwa mine akube khashane nami kutsi ngingona kuSimakadze ngekutsi ngingete nganikhulekela. Ngitanifundzisa indlela lenguyonayona nalelungile.