KubaseRoma 11:2 - Siswati 1996 Bible

Nkulunkulu akazange asilahle sive sakhe lasikhetsanchanti. Anati yini kutsi umBhalo utsini nga-Elija, nakamangalela ema-Israyeli kuNkulunkulu?

KubaseRoma 11:2 Referencias Cruzadas

Genesisi 44:15

Josefa watsi kubo: “Yini-ke lena leseniyentile? Utsi benati nje kutsi umuntfu lokulesikhundla sami angabona timfihlakalo ngemlingo?”

Nehemiya 9:30

Wababeketelela iminyaka leminyenti. Wabekhuta ngaMoya wakho ngekusebentisa baphrofethi bakho. Kodvwa noko abazange bakunake loko, ngako wabanikela esandleni setive letatibomakhelwane babo.

Tihlabelelo 94:14

Ngobe Simakadze angeke asilahle sive sakhe, angeke alishiye lifa lakhe.

Eksodusi 32:1

Batsi kube bantfu babone kutsi Mosi sewutsetse sikhatsi lesidze angasehli entsabeni, babutsana ndzawonye beta ku-Aroni bakhuluma kuye batsi: “Kota, usentele nkulunkulu lotawuhamba embikwetfu, ngobe phela asati kutsi sekwente njani kulendvodza lenguMosi leyasikhipha eveni laseGibhithe.”

Jeremiya 31:37

Naku lokushiwo nguSimakadze, utsi: “Kuphela nje nangabe emazulu lasetulu angalinganiswa, netisekelo temhlaba letingaphansi tiphenywe, nami-ke ngulapho ngiyawusilahla sonkhe situkulwane saka-Israyeli, ngenca yako konkhe labakwentile,” kusho Simakadze.

Numeri 16:15

Mosi watfukutsela wabila, watsi kuSimakadze: “Ungawemukeli umnikelo wabo. Angizange ngitsatse ngisho imbongolo kubo, futsi angikoni ngisho nome munye wabo.”

Makho 12:26

Kona-ke macondzana nekuvuka kulabafile anifundzanga yini encwadzini yaMosi endzabeni yesihlahla lesasivutsa emalangabi, kutsi Nkulunkulu watsini kuye? Watsi: ‘NginguNkulunkulu wa-Abrahama, naNkulunkulu wa-Isaka, naNkulunkulu waJakobe.’

Lukha 4:1

Jesu wabuya eJordane, asagcwele Moya Longcwele. Moya Longcwele wamholela ehlane,

Johane 4:11

Lomfati watsi: “Nkhosi, awunalutfo lwekukha, kantsi nalomtfombo uyashona; pho, utawatsatsaphi lawo manti laphilako?

Imisebenti yebaPhostoli 13:48

Lapho betive beva loko, batfokota badvumisa livi leNkhosi; nalabo labebakhetselwe kuphila lokuphakadze bakholwa.

Imisebenti yebaPhostoli 15:18

kwateke kusukela emandvulweni.’ ”

Imisebenti yebaPhostoli 3:17

“Noko, bomnaketfu, ngiyati kutsi loko nakwentiswa kungati njengebaholi benu.

Imisebenti yebaPhostoli 7:40

Ngako base batsi ku-Aroni: ‘Sentele titfombe letitawuhamba embikwetfu. Asati kutsi sewudliwe yini loMosi lowasikhipha eGibhithe.’

KubaseRoma 6:16

Anati yini kutsi lowo lenitinikele kuye nitigcili takhe tekumlalela? Nitigcili talowo lenimlalelako, nome tesono kube kufa, nome tekulalela Nkulunkulu kube kwemukeleka kuye kutsi nilungile.

KubaseRoma 9:23

Loko wakwentela kutsi kwatiwe ingcebo yenkhatimulo yakhe etitjeni temusa wakhe labesavele atilungiselele inkhatimulo yakhe.

KubaseRoma 9:6

Kodvwa akusiko kutsi livi laNkulunkulu selehlulekile. Ngobe akusibo bonkhe labasitukulwane sa-Israyeli labangema-Israyeli.

1 kubaseKorinthe 6:2

Anati yini kutsi labangcwele bayakwehlulela umhlaba? Nangabe-ke umhlaba uyakwehlulelwa ngini, ningehlulwa yini kwehlulelana emacaleni enu lamancane kangaka?

1 kubaseKorinthe 8:3

Kodvwa nangabe umuntfu atsandza Nkulunkulu, yena-ke watiwa nguye Nkulunkulu.

KubaseFiliphi 1:22

Kepha nangisetawuphila enyameni, ngisenemsebenti lengisengawenta. Angisakwati lengitawukukhetsa.

KumaHebheru 1:1

Endvulo Nkulunkulu wakhuluma kubokhokho betfu ngebaphrofethi, ngetikhatsi letinyenti nangetindlela letinyenti.

1 yaPhetro 1:2

Ngekwatinchanti kwakhe Nkulunkulu uYise wanikhetsa ngekuningcwelisa ngaMoya Longcwele, kuze nilalele Jesu Khristu nihlantwe ngengati yakhe. Shangatsi umusa nekuthula kungandziswa kakhulu kini!