KubaseRoma 1:16 - Siswati 1996 Bible

Anginamahloni ngeliVangeli, ngobe lingemandla aNkulunkulu ekusindzisa bonkhe bantfu labakholwako, kucala emaJuda, kulandzele emaGriki.

KubaseRoma 1:16 Referencias Cruzadas

Tihlabelelo 110:2

Intfonga yebukhosi bakho lobunemandla uyawuyelula wena, Simakadze, useSiyoni, utsi: “Busa wena emkhatsini wetitsa takho.”

Tihlabelelo 119:46

Imiyalo yakho, Nkulunkulu, ngiyawuyimemetela nasembikwemakhosi, ngingeke ngibe nemahloni ngayo.

Isaya 53:1

Ngubani lowakholwa ngumbiko wetfu? Wona umkhono waSimakadze wembulwa kubani?

Jeremiya 23:29

“Livi lami alinjengawo yini umlilo? Kona alinjengaso yini sandvo, sona lesibhidlita lidvwala libe ticucu?” kusho Simakadze.

Makho 8:38

Lowo lonemahloni ngami, nangemavi ami, kulesitukulwane lesonakele nalesiphingako, neNdvodzana yeMuntfu iyawuba nemahloni ngaye, nayifika ebukhosini beYise kanye netingilosi letingcwele.”

Lukha 9:26

Nangabe umuntfu unemahloni ngami nangemavi ami, neNdvodzana yeMuntfu iyawuba nemahloni ngaye nayita ngenkhatimulo yayo nangebukhosi beYise kanye neyetingilosi letingcwele.

Johane 7:35

Ngako emaJuda ase akhuluma odvwana atsi: “Utakuya kuphi lapho singetimtfola khona? Kungabe utakuya kulabasakatekile bemaGriki ayewufundzisa bona yini?

Imisebenti yebaPhostoli 3:26

Ngako Nkulunkulu wasikhetsa wasitfuma Sisebenti sakhe kini kucala kutenibusisa ngekunenta nonkhe niphendvuke nitishiye tindlela tenu tekonakala.”

KubaseRoma 10:17

Ngako-ke kukholwa kuvela ekuveni, kuva kuvela ngekutsi kushunyayelwe ngaKhristu.

KubaseRoma 15:19

abesebenta ngemandla etibonakaliso netimangaliso, nangemandla aMoya Longcwele. Ngako-ke, ngacala eJerusalema ngahamba ngijikeleta ngaze ngefika nangase-Ilirikhu ngihamba ngishumayela liVangeli laKhristu kuto tonkhe tindzawo.

KubaseRoma 15:29

Ngiyati kutsi nangifika kini, ngiyawuniphatsela inala yetibusiso taKhristu.

KubaseRoma 2:9

Kuyawuba khona kuhlupheka nebuhlungu lobumatima kubo bonkhe bantfu labenta lokubi, kucale kumaJuda bese kulandzela betive.

KubaseRoma 4:11

Wasoka muva, lokusoka kwaba luphawu lwekucinisa kutsi ngenca yekukholwa kwa-Abrahama Nkulunkulu abesamemukele ngekutsi ulungile, ngaphambi kwekutsi asoke. Ngako-ke Abrahama waba nguyise wabo bonkhe labakholwa nguNkulunkulu bese bemukelwa nguye kutsi balungile, nome bangakasoki.

1 kubaseKorinthe 15:2

Nisindziswa ngalo, nangabe nisabambelele evini lenganishumayela lona; nakungenjalo kukholwa kwenu kwaba lite.

1 kubaseKorinthe 2:2

Ngobe ngatimisela kutsi angiyikwati lutfo lolunye emkhatsini wenu ngaphandle kwaJesu Khristu, naye ngimati abetselwe esiphambanweni.

1 kubaseKorinthe 2:4

Kukhuluma kwami nekushumayela kwami akuzange kube ngemavi ekuhlakanipha lokuhunganako, kodvwa kwaba sibonakaliso saMoya nesemandla.

1 kubaseKorinthe 9:12

Nangabe labanye banalo lilungelo kini, pho, tsine asinalo kakhulu yini? Noko asilisebentisanga lelo lungelo, kepha sibeketelela nome yini, kuze singalivimbeli liVangeli laKhristu.

1 kubaseKorinthe 9:18

Pho, uyini umvuzo wami? Ungunaku: kutsi nangishumayela liVangeli ngingaholi lutfo, futsi ngingasebentisi lilungelo lami lenginalo eVangelini.

2 kubaseKorinthe 2:12

Mhlazana ngifika eThrowasi kuyawushumayela liVangeli laKhristu, umnyango wawungivulekele kabanti kutsi ngisebentele iNkhosi.

2 kubaseKorinthe 4:4

Ngobe kubo labangakholwa nkulunkulu walomhlaba uphumphutsekise tingcondvo tabo, kuze kungasi kubo kukhanya kweliVangeli lenkhatimulo yaKhristu, lofute Nkulunkulu.

2 kubaseKorinthe 9:13

Bantfu bayawudvumisa Nkulunkulu ngalenkonzo yenu lefakazela kulalela kwenu liVangeli laKhristu, lelisivumo senu. Lokusitana kufakazela kwephana kwenu ngekubanikelela bona kanye nabo bonkhe labanye.

KubaseGalathiya 1:7

Empeleni akusho kutsi likhona lelinye livangeli, kodvwa nje kutsi kukhona labanihluphako labafuna kuguculela liVangeli laKhristu.

1 kubaseThesalonika 2:13

Ngako-ke sibonga Nkulunkulu singakhawuli ngekutsi natsi nanemukela livi laNkulunkulu lenaliva kitsi, nalemukela, hhayi njengelivi lemuntfu nje kodvwa njengobe linjalo lilivi laNkulunkulu lelisebenta kini nine lenikholwako.

1 kuThimothi 1:11

Lemfundziso ivumelana neliVangeli lebukhosi. Ngilo leliVangeli laNkulunkulu lobusisekile, lengaphatsiswa lona mine.

2 kuThimothi 1:12

kungako nje ngihlupheka nanyalo. Kodvwa ngite emahloni, ngobe ngiyamati lengetsembele kuye, futsi ngineliciniso kutsi yena unawo emandla ekukulondvolota loko lakubeke kimi, kuze kube ngalelo langa.

2 kuThimothi 1:16

Shangatsi iNkhosi ingaba nebubele kubaka-Onesiforusi, labevame kungihlumelelisa njalo, ngobe abengenamahloni ngekuboshwa kwami.

2 kuThimothi 1:8

Ngako-ke ungabi nemahloni ngekufakaza ngeNkhosi yetfu. Ubete emahloni nangami, siboshwa sayo, kodvwa hlanganyela nami ekuhluphekeleni liVangeli ngemandla aNkulunkulu.

KumaHebheru 4:12

Livi laNkulunkulu liphilile, linemandla; likhalipha kwengca inkemba lesika ngetinhlangotsi totimbili. Lisika lidzimate lehlukanise umphefumulo nemoya, emalunga nemnkantja, lehlulele imicabango netifiso tenhlitiyo.

1 yaPhetro 4:16

Kepha nakukhona lohlupheka ngobe angumKhristu, abobate emahloni, kodvwa akadvumise Nkulunkulu ngenca yalelo bito.