KubaseKholose 3:20 - Siswati 1996 Bible

Bantfwana, lalelani batali benu etintfweni tonkhe, ngobe nguloko lokutsandvwa yiNkhosi.

KubaseKholose 3:20 Referencias Cruzadas

Genesisi 28:7

Weva nekutsi Jakobe abebahloniphile boyise nenina ngekutsi ahambe aye eMesophothamiya.

Eksodusi 20:12

“Hlonipha uyihlo nenyoko, khona tinsuku takho titakwandza kulelive lengikunika lona.

Taga 20:20

Umuntfu localekisa uyise nome unina siphetfo sakhe siyawufanana nekucima kwesibane ebumnyameni lobuphatsekako.

Taga 30:11

Labanye bantfu bacalekisa boyise, bangabongi ngisho nekubonga kubonina.

Taga 30:17

Liso leliphukuta uyise, ledzelele nenina nasagugile, liyawukhokhwa ngemahhwabayi; yebo, lowo muntfu uyawuba kudla kwemangce.

Taga 6:20

Ndvodzana yami, gcina umyalo weyihlo, ungayilahli imfundziso yenyoko.

Jeremiya 35:8

Sikwentile konkhe khokho wetfu, Jonadabi, umsa waRekhabi, lasiyala ngako. Tsine, nabomnaketfu, nemadvodzana etfu, nemadvodzakati etfu asizange sesilinatse liwayini,

Hezekeli 22:7

Kuwe tikhulu tabaphatsa kabi boyise, nabonina tabedzelela; ekhatsi kuwe tabacindzetela betive, taphatsa kabi intsandzane nemfelokati.

Levithikusi 19:3

Nguloyo naloyo kufanele ahloniphe unina neyise, agcine emaSabatha ami. NginguSimakadze, Nkulunkulu wenu.

Malakhi 1:6

Simakadze Somandla utsi: “Indvodzana ihlonipha uyise, kantsi nesisebenti sihlonipha inkhosi yaso. Nangabe nginguyihlo, aningihloniphi leni? Nangabe ngiyinkhosi, aningihloniphi ngani? Ngini nine baphristi, lenedzelela Libito lami. “Kodvwa niyabuta nitsi: ‘Siledzelele kanjani Libito lakho?’

Matewu 19:19

hlonipha uyihlo nenyoko; utsandze makhelwane wakho njengobe utitsandza wena.”

Kubase-Efesu 5:24

Ngako-ke njengobe libandla litfobela Khristu, kanjalo nebafati abatfobele emadvodza abo kuko konkhe.

Dutheronomi 27:16

“ ‘Ucalekisiwe umuntfu lowedzelela uyise nome unina.’ “Bonkhe bantfu bayawuphendvula batsi: ‘Amen.’

Dutheronomi 5:16

“ ‘Hlonipha uyihlo nenyoko, njengobe Simakadze Nkulunkulu wakho akuyala, khona utewuphila sikhatsi lesidze kuze kukuhambele kahle eveni Simakadze Nkulunkulu wakho lakupha lona.

KubaseFiliphi 4:18

Ngemukele konkhe ngalokungetulu, ngenelisekile ngetipho lengitinikwe ngu-Ephafrodithu tichamuka kini, letingumnikelo longemakha lamnandzi, umhlatjelo lowemukelekako nalojabulisako kuNkulunkulu.

KubaseKholose 1:10

Sinicelela nekutsi niphile imphilo lefanele naletsandzekako eNkhosini, nitsele titselo emsebentini wonkhe lolungile, futsi nikhule nasekumatini Nkulunkulu.

KubaseKholose 3:22

Tisebenti, labangemakhosi enu ngekwasemhlabeni balaleleni etintfweni tonkhe, ningamane nitsenge emehlo, njengalabajabulisa bantfu, kodvwa yesabani iNkhosi ngebucotfo benhlitiyo.

kuThithusi 2:9

Uyale netisebenti kutsi titfobele baphatsi bato kuko konkhe, tibenelise, tingaphikisani nabo inkhani.

KumaHebheru 13:21

anganiphelelisa kuko konkhe lokuhle, kuze nente intsandvo yakhe, asebente kini ente ngaJesu Khristu loko lokujabulisako emehlweni akhe. Ludvumo alube kuKhristu phakadze naphakadze. Amen.

Ruthe 3:5

Ruthe waphendvula watsi: “Konkhe loko lokushoko ngitakwenta.”