KubaseKholose 2:14 - Siswati 1996 Bible

Wesula incwadzi yemacala etfu leyayimelene natsi ngemitsetfo yayo, wayisusa ngekuyibetsela esiphambanweni.

KubaseKholose 2:14 Referencias Cruzadas

Nehemiya 4:5

Ungacali ulimbonye licala labo, futsi ungatesuli tono tabo embikwakho, ngobe bajikijele labakhi ngetinhlamba emehlweni.”

Esta 3:12

Ngako-ke kwatsi ngelilanga leli-13 lenyanga yekucala, Hamani wabita bonkhe bomabhalane benkhosi, ababitela lesatiso kuze basihumushe basibhale ngato tonkhe tilimi neluhlobo lwekubhala lolwalusetjentiswa eveni lasePheresiya. Tase titfunyelwa kuto tonkhe tindvuna, netikhulu, netiphatsimandla temibuso. Takhishwa egameni lenkhosi Ahashiveroshi tineluphawu lwendandatho yakhe.

Esta 8:8

Incwadzi leneluphawu lwebukhosi ingeke iphikiswe ngumuntfu. Ngako-ke ungawabhalela egameni lami onkhe emaJuda loko lofisa kuwabhalela kona, bese lenkhulumo uyinyatselisa ngeluphawu lwebukhosi.”

Tihlabelelo 51:1

Ngihawukele, Nkulunkulu, ngekwemusa wakho; yesula tiphambuko tami ngekwesihawu sakho lesikhulu.

Tihlabelelo 51:9

Fihla buso bakho etonweni tami, wesule bonkhe bubi bami.

Isaya 43:25

“Mine, ngimi, losusa tiphambuko takho ngenca yami, tono takho angiphindzi ngitikhumbule.

Isaya 44:22

Tikhubekiso takho ngitishanyele njengelifu. netono takho njengenkhungu yasekuseni. Buyela kimi, ngobe sengikuhlengile.”

Isaya 57:14

Kuyawutsiwa: “Yakhani, yakhani, lungisani umgwaco. Susani emavimbela endleleni yebantfu bami.”

Numeri 5:23

“ ‘Umphristi uyawube sewubhala leticalekiso encwadzini legocotwako, aphindze lombhalo awugezele kulamanti lababako lasembiteni.

Lukha 1:6

Bobabili babephila imphilo lengcwele kuNkulunkulu, babeyigcina yonkhe imiyalo nemitsetfo yeNkhosi.

Imisebenti yebaPhostoli 3:19

Ngako, phendvukani, nibuyele kuNkulunkulu, kuze esule licala letono tenu,

KubaseKholose 2:20

Nangabe nafa kanye naKhristu nakhululwa etimfundzisweni temimoya yemvelo emkhatsini, nentiwa yini kutsi niphile kungatsi nisebantfu baseveni? Nititfobelelani timfundziso tekutsi:

2 kubaseThesalonika 2:7

Ngobe emandla ekubate umtsetfo asacalile kusebenta ngendlela lefihlakele, intfo nje lona losavimbile kwamanje utawuchubeka ente njalo, adzimate asuswe,

KumaHebheru 7:18

Umyalo wekucala sewubekwe eceleni ngenca yebutsakatsaka bawo nekungabi nalusito kwawo,

KumaHebheru 8:13

Nakakhuluma ngesivumelwane “lesisha”, Nkulunkulu usho kutsi lesi sekucala sesidzala. Loko lese kukudzala kusuke sekugugile, sekutawunyamalala masinyane.

1 yaPhetro 2:24

Khristu cobo lwakhe wetfwala tono tetfu emtimbeni wakhe, emtsini, kuze kutsi tsine singabe sisabuswa tono kodvwa siphile ekulungeni. “Niphiliswe ngemivimbo yakhe.”