Ematje ekwakha lithempeli abelungiswa acotwe khona lena entsabeni, ngako akuzange kube khona umsindvo lowawungabangwa tandvo, nemashizolo nome nguluphi-ke luhlobo lwelithulusi lensimbi lapho lithempeli lalakhiwa khona.
KubaseKholose 1:12 - Siswati 1996 Bible nibonge uYise lowanenta nafanelwa sabelo selifa lalabangcwele ekukhanyeni. |
Ematje ekwakha lithempeli abelungiswa acotwe khona lena entsabeni, ngako akuzange kube khona umsindvo lowawungabangwa tandvo, nemashizolo nome nguluphi-ke luhlobo lwelithulusi lensimbi lapho lithempeli lalakhiwa khona.
Davide wachubeka wakhuluma kulesive, watsi: “Dvumisani Simakadze Nkulunkulu wenu.” Ngako sonkhe sive sadvumisa Simakadze, Nkulunkulu waboyisemkhulu; baguca bakhotsamisa tinhloko tabo embikwaSimakadze nenkhosi.
Tsine-ke lesisive sakho netimvu telidlelo lakho, siyawudvumisa wena ingunaphakadze, silandzise ngeludvumo lwakho etitukulwaneni nasetitukulwaneni.
Kukhanya kuhlanyelelwa labalungile, nekujabula kuhlanyelelwa labanetinhlitiyo letinhle.
Umuntfu uhlela tinhloso engcondvweni yakhe; kodvwa kutiphumisela ngelulwimi kuvela kuSimakadze.
Kodvwa indlela yalabalungile ifanana nekukhanya kwentsatsakusa, lokuya ngekuya kuze kube ngusemini.
Ngiyakubonga ngidvumise wena, Nkulunkulu wabobabe: Ungiphe kuhlakanipha nemandla, ungatisile loko besikucela kuwe, usatisile liphupho lenkhosi.”
“Lapho-ke iNkhosi iyawutsi kulabo labangesekudla sayo: ‘Wotani, nine lenibusiswe nguBabe! Wotani nitewudla lifa lembuso, lenawulungiselelwa seloku kwasekelwa umhlaba.
Jesu watsi kuye: “Mine ngiyindlela, neliciniso, nekuphila. Kute longeta kuBabe nakangeti ngami.
Jesu watsi: “Ungangitsintsi, ngobe ngisengakenyukeli kuBabe, kodvwa hamba uye kubazalwane bami ubatjele kutsi sengiyenyuka ngibuyela kuye longuBabe wami neYihlo, Nkulunkulu wami naNkulunkulu wenu.”
Kodvwa sikhatsi siyeta, nanyalo sesifikile, lapho labo labakhonta ngeliciniso bayawukhonta Babe ngaMoya nangeliciniso. Ngobe Babe ufuna labamkhonta kanjalo.
Manje-ke senginibeka esandleni seNkhosi kanye nasevini lemusa wayo, yona lenemandla ekunakha inikhulise ininike lifa labo bonkhe labahlantiwe.
Utawuvula emehlo abo, kuze besuke ebumnyameni bagucukele ekukhanyeni besuke nasemandleni aSathane baye kuNkulunkulu, kuze batsetselelwe tono tabo babelwe nendzawo emkhatsini walabahlantwe ngekukholwa kimi.’ ”
Lamanye emagala ajutjwa, kwase kutsi endzaweni yawo kwahlunyeleliswa wena bewuligala lemncumo wesiganga, khona utewuba nenhlanganyelo emcebeni wemncumo wasekhaya.
Kwaba kuhle kutsi batimisele bona kukwenta loko. Yebo, nanyalo kusadzingekile kutsi babasite labamphofu. Nangabe betive beta kutawuhlanganyela nabo etibusisweni tabo taMoya, nebetive bafanele-ke babasite ngetintfo labatidzingako kulemphilo yakulomhlaba.
Njengobe sibantfwana bakhe nje, sitindlalifa futsi: Sitindlalifa taNkulunkulu, yebo, sitindlalifa kanye naKhristu; nangabe phela sihlupheka kanye naye siyawukhatimuliswa kanye naye.
Loko wakwentela kutsi kwatiwe ingcebo yenkhatimulo yakhe etitjeni temusa wakhe labesavele atilungiselele inkhatimulo yakhe.
noko kitsi kukhona Nkulunkulu munye, Babe, lokuvela kuye konkhe, natsi sikhonela yena. INkhosi yinye, nguJesu Khristu, lokuvela ngaye konkhe, natsi lesiphila ngaye.
Nkulunkulu wasikhetsanchanti ngaye kutsi sibe lifa lakhe, yena lowenta konkhe ngekwentsandvo yakhe.
Akakhanyise emehlo etinhlitiyo tenu, kuze nati lokulitsemba lanibitela kulo, nekutsi buhle kanganani bukhosi belifa lakhe kubo labangcwele,
Imfihlakalo ngulokutsi betive nabo sebatindlalifa kanye natsi, nekutsi sebangumtimba munye kanye natsi, futsi sebabahlanganyeli besetsembiso kanye natsi kuJesu Khristu ngeliVangeli.
munye Nkulunkulu, longuBabe wetfu sonkhe, longetulu kwabo bonkhe, nalongekhatsi kwabo bonkhe, nakubo bonkhe.
Akubete kungcola, nekwedzelela, nekuhhalatisa, lokutintfo letingakafaneli. Esikhundleni saloko banini nekubonga.
Ngobe kucala nanibumnyama, kepha nyalo senikukhanya eNkhosini. Hambani njengebantfwana bekukhanya.
Loko ngikwentela kutsi tinhlitiyo tabo tikhutsateke tidvudvuteke, bahlanganiswe babe munye elutsandweni, babe nekuciniseka konkhe kwekwati lokuphelele, bayati kahle imfihlakalo yaNkulunkulu lenguKhristu.
Kuthula kwaKhristu, lenabitelwa kuko emtimbeni munye, akubuse etinhlitiyweni tenu; futsi netayele kubonga.
Konkhe lenikwentako kwenteni ngelibito leNkhosi Jesu, nome ngelivi, nome ngemisebenti, nibonge Nkulunkulu uYise ngaye.
Yena watinikela ngenca yetfu, kuze atesihlenga ebubini bonkhe atingcwelisele sive lesisakhe, lesinenshisekelo kutsi sente imisebenti lemihle.
kanye nelibandla lematubulo lamabito awo abhaliwe ezulwini. NisembikweMehluleli longuNkulunkulu wabo bonkhe, nakuyo imimoya yalabalungile labaphelelisiwe,
Ngako-ke bazalwane bami labangcwele, leninenhlanganyelo kulolubito lwasezulwini, cabangisisani ngaJesu, longumPhostoli nemPhristi Lomkhulu wesivumo setfu.
Ngobe sihlanganyela naKhristu kuphela, nasibambelele etsembeni letfu lakucala kuze kube ngusekupheleni.
Ngalo sibonga iNkhosi lenguBabe, nangalo sicalekisa bantfu labentiwe baba ngumfanekiso waNkulunkulu.
Ngako ngiyabancenga babonisi labasemkhatsini wenu, njengobe nami ngingumbonisi kanye nabo, ngingufakazi wetinhlupheko taKhristu, nemhlanganyeli ebukhosini lobutakwembulwa, ngitsi:
Lowo lesambona samuva simemetela yena nakini, kuze nani nibe nebudlelwane kanye natsi. Tsine-ke sinebudlelwane neYise kanye neNdvodzana yakhe lenguJesu Khristu.
Lelo khaya alilidzingi lilanga nenyanga, kutsi kulikhanyisele, ngobe inkhatimulo yaNkulunkulu iyalikhanyisela, nesibane salo liWundlu.
“Babusisiwe labo labatigezako tingubo tabo, kuze kutsi babe nelilungelo lekudla esihlahleni sekuphila, babe nelilungelo lekungena ngemasango ekhaya.
Kuyawubate busuku, tingeke tikudzinge nekukhanya kwesibane nome kwelilanga, ngobe iNkhosi Nkulunkulu iyakutikhanyisela, tiyawubusa phakadze naphakadze.