Njengobe sengike ngabona kutsi labo labalima bubi bahlanyele kuhlupheka, bavele bavune kona loko.
KubaseGalathiya 6:8 - Siswati 1996 Bible Ngobe lowo lohlanyela enyameni yakhe, uyawuvuna kubola kuyo; kodvwa lohlanyela kuMoya waNkulunkulu, uyawuvuna kuphila lokuphakadze kulowo Moya. |
Njengobe sengike ngabona kutsi labo labalima bubi bahlanyele kuhlupheka, bavele bavune kona loko.
Umuntfu lomubi utfola inzuzo ngendlela lembi; kodvwa lohlanyela ngebucotfo utfola sivuno lesikhonsako.
Umuntfu lohlanyela inhlanyelo yebudlova uvuna tingoti nekuhlupheka; kucindzetela kwakhe labanye bantfu kutawuphela.
Ekuseni hlanyela inhlanyelo yakho, ungayekeli kusebenta lize liyewushona, ngobe awuyati lenguyona itawuphumelela, kutsi ngulena yini nome nguleyo, nome totimbili tiyawuphumelela kahle ngalokufananako.
maye, nine niyawubusiswa, nihlanyele inhlanyelo yenu eceleni kwayo yonkhe imifula, nikhulule tinkhabi tenu netimbongolo tenu, tidle ngekutsandza.
Bayawuhlanyela kolo, kodvwa bavune emanyeva; bayawutikhandla, kodvwa bangazuzi lutfo ngako. Ngako yetfwalani lihlazo ngesivuno senu, ngenca yentfukutselo leyesabekako yaSimakadze.”
Kodvwa senihlanyele bubi, navuna bubi, nadla sitselo senkhohlakalo. “Ngobe nisuke netsembela kuwenu emandla nasemabutfweni enu lamanyenti,
“Bahlanyela umoya bavune siwunguwungwana. Luhlanga alunaso sishakato; lungeke lusivete sivuno. Kube belungatsela tinhlavu, betive bebangaluphanga.
Wonkhe lodzele tindlu, nome bomnakabo, nome bodzadzewabo, nome uyise, nome unina, nome bantfwana, nome emasimi ngenca yami, uyakwemukela ngalokuphindvwe kanyenti, adle nelifa lekuphila lokuphakadze.
Labo-ke bayawuhamba baye ekujezisweni kwaphakadze; kodvwa labalungile bayakuya ekuphileni kwaphakadze.”
uyakwemukela lokuphindzaphindziwe kulamalanga, nekuphila lokuphakadze etikhatsini letitako.”
Kepha lowo loyawunatsa emanti lengiyawumnika wona, angeke aphindze ome naphakadze; ngobe emanti lengiyawumnika wona, ekhatsi kuye ayawuba ngumtfombo wemanti laphuphumako, kube kuphila lokuphakadze.”
Lovunako uyaholelwa, abutse sivuno kube kuphila lokuphakadze, kuze lohlanyelako ajabule kanye nalowo lovunako.
Ningabosebentela kudla lokuphelako, kepha nibosebentela kudla lokutawukhonsa kuze kubesekuphileni lokuphakadze leyawunipha kona iNdvodzana yeMuntfu. Ngobe Nkulunkulu uYise ulubekile luphawu kuyo.”
kodvwa yembatsani iNkhosi Jesu Khristu ninganakekeli kutsi lesimo senu semtimba lesonakele ningasenelisa kanjani ngetinkhanuko taso.
Futsi akusafanele kutsi ninikele titfo tenu esonweni tibe tikhali tekungalungi; kodvwa tinikeleni nine matfupha kuNkulunkulu njengobe ningulabavuswe ekufeni base bayaphila. Ngako-ke titfo tenu tinikeleni tibe tikhali tekulunga kuNkulunkulu.
Inkhokhelo yesono kufa; kodvwa sipho semusa saNkulunkulu sikuphila lokuphakadze ngaKhristu Jesu iNkhosi yetfu.
Kodvwa nangabe Moya waNkulunkulu lowavusa Jesu kulabafile, ahlala kini, lowo lowavusa Khristu Jesu kulabafile uyawuphindze aninike kuphila emitimbeni yenu lebhubhako niphile ngebukhona baMoya wakhe lohlala kini.
Ngobe naniphila ngekwenyama, nitawufa; kodvwa nangabe nibulala imisebenti yenyama ngaMoya, nitawuphila.
Kodvwa ngahawukelwa ngaso lesizatfu sekutsi kimi lengisembili, Jesu Khristu abonakalise konkhe kubeketela kwakhe, kube sibonelo kulabo labayawukholwa kuye, badzimate babe nekuphila lokuphakadze.
Ngako-ke ngemusa wakhe usente semukeleka kuye kutsi silungile, sibe tindlalifa tekuphila lokuphakadze lesetsembele kuko.
Kodvwa labantfu labahlambalatako banjengetilwane tesiganga letingenangcondvo, ngekwemvelo titalelwe kubanjwa nekubulawa. Bahlambalata ngetintfo labangatati; kodvwa batawubhujiswa kanye naleto tilwane.
Babetsembisa inkhululeko, kantsi bona ngekwabo batigcili tekubhubha; ngobe loko lokumehlulako umuntfu, usigcili sako.
Tigcineni elutsandvweni lwaNkulunkulu ngesikhatsi nisalindzele iNkhosi yetfu Jesu Khristu, kutsi ngemusa wayo ininike kuphila lokuphakadze.
Lomubi akachubeke nebubi bakhe, lowonako achubeke one, lolungile achubeke nekulunga kwakhe, longcwele achubeke nebungcwele.”