KubaseGalathiya 5:22 - Siswati 1996 Bible

Kodvwa titselo taMoya nguleti: lutsandvo, nekujabula, nekuthula, nekubeketela, nebubele, nekulunga, nekwetsembeka,

KubaseGalathiya 5:22 Referencias Cruzadas

Tihlabelelo 1:3

Unjengesihlahla lesihlanyelwe elusentseni lwemifula, sona sitsela titselo ngesikhatsi sato emacembe aso akabuni. Konkhe lakwentako kuyaphumelela.

Tihlabelelo 92:14

Ebudzaleni babo bayawuchubeka batsele titselo, bafanane netihlahla letihlala tiluhlata, ngobe tona tihlala ticinile,

Umshumayeli 7:8

Siphetfo sentfo sincono kunesicalo sayo, nekubeketela kuncono kuneligcabho.

Jeremiya 33:6

“ ‘Noko, lelidolobha ngiyawuliletsela kuphila nekuphiliswa. Labantfu bami ngiyawubaphilisa, ngibente bativele banekuthula nekuphepha lokuphuphumako.

Hoseya 14:8

Awu, Efrayimu, ngisenandzabani netithico? Ngiyawukuphendvula, ngikunakekele. Ngifanana nesihlahla lesiluhlata sesipheshula; kutsela kahle kwakho kuphuma kimi.”

Matewu 12:33

“Nangabe sihlahla simnandzi, netitselo taso tiyawuba mnandzi, nome-ke nangabe sihlahla sisibi, netitselo taso tiyawuba timbi; ngobe sihlahla satiwa ngetitselo taso.

Lukha 13:9

Nangabe-ke sitsela nyakenye, kuyawuba ncono; kodvwa nasingatseli, utabe sewuyasijuba-ke.’ ”

Johane 15:16

Akusini lenangikhetsa, kodvwa ngimi lenganikhetsa nganitfuma kutsi nihambe nitsele titselo letinyenti, leto titselo time futsi, kuze kutsi nobe yini leniyakuyicela kuBabe egameni lami aniphe yona.

Johane 15:2

Onkhe emagala lakimi langatseli titselo uyawajuba. Onkhe emagala latsela titselo uyawatsena, kuze atewutsela kakhulu.

Johane 15:5

“Mine ngingumvini, nine ningemagala. Lowo lohlala kimi nami kuye, uyawutsela titselo letinyenti, ngobe kute leningakwenta ngaphandle kwami.

KubaseRoma 14:17

Ngobe umbuso waNkulunkulu awusiko kudla nekunatsa, kepha ukulunga, nekuthula, nekujabula kuMoya Longcwele.

KubaseRoma 15:14

Mine ngekwami ngenelisekile ngani, bazalwane bami, kutsi nine ngekwenu nigcwele kulunga, nagcwaliswa nangalo lonkhe lwati, niyakwati nekuyalana.

KubaseRoma 15:3

Ngobe naKhristu akatijabulisanga yena, njengobe kubhaliwe kutsi: “Tinhlamba letatikhishwa ngulabo lababekwetfuka tehlela etikwami.”

KubaseRoma 15:30

Ngiyanincenga, bazalwane, ngeNkhosi yetfu Jesu Khristu nangelutsandvo lwaMoya kutsi nilwe kanye nami ekungikhulekeleni kwenu, kuNkulunkulu.

KubaseRoma 6:22

Kodvwa nyalo senikhululiwe esonweni, senitigcili taNkulunkulu; nitfola sitselo senu sekungcweliswa. Siphetfo saloko kuphila lokuphakadze.

KubaseRoma 7:4

Kunjalo-ke nakini, bazalwane bami; nani-ke senifile kuwo umtsetfo, ngobe niyincenye yemtimba waKhristu; nyalo senibakhe lowo lowavuswa ekufeni kuze tsine sitewutselela Nkulunkulu titselo.

KubaseRoma 8:5

Ngobe labahamba ngekwenyama banaka kwenyama, kodvwa labahamba ngaMoya banaka kwaMoya.

1 kubaseKorinthe 13:13

Kutsatfu lokuyawuhlala kumile: kukholwa, kwetsemba, nelutsandvo. Kodvwa lokukhulu kunako konkhe lutsandvo.

KubaseGalathiya 5:13

Ngobe bazalwane, nabitelwa enkhululekweni; kuphela nje ningayisebentisi inkhululeko yenu kunika ematfuba ekwenta sono, kodvwa khontanani ngelutsandvo lomunye kulomunye.

Kubase-Efesu 4:23

nentiwe nibe basha emoyeni nasengcondvweni yenu.

Kubase-Efesu 5:9

Ngobe lapho kunekukhanya khona ngulapho kuvela khona konkhe lokuhle, nalokulungile, nalokuliciniso.

KubaseFiliphi 1:11

Nitsele inala yetitselo tekulunga letingaye Jesu Khristu, kube yinkhatimulo neludvumo kuNkulunkulu.

KubaseKholose 1:10

Sinicelela nekutsi niphile imphilo lefanele naletsandzekako eNkhosini, nitsele titselo emsebentini wonkhe lolungile, futsi nikhule nasekumatini Nkulunkulu.

2 kubaseThesalonika 3:2

Nisithandazele nekutsi sikhululeke kubantfu labonakele nalababi, ngobe akusibo bonkhe labakholwako.

1 kuThimothi 3:11

Kanjalo futsi nalabasikati bafanele kuzitsa, bangahlebi, batitsibe, betsembeke kuko konkhe.

1 kuThimothi 4:12

Ungavumi kutsi busha bakho bedzeleleke kubantfu. Kodvwa bani sibonelo kulabakholwako; ube sibonelo ngekukhuluma, nangesimilo, nangelutsandvo, nangekukholwa, nangekuba msulwa.

1 yaPhetro 1:22

Njengobe senihlambulule imiphefumulo yenu ngekulalela liciniso ngaMoya kuze nitsandze bazalwane benu ngelutsandvo lolute kutentisa, tsandzanani ngenhlitiyo lephelele.

1 yaPhetro 1:8

Niyamtsandza, nome ningazange senimbone; niyakholwa kuye nome ningakamboni, futsi nitfokota ngenjabulo lengenawuchazeka ngemavi emlomo,

1 yaPhetro 5:12

Nginibhalele lencwajana ngisitwa nguSilasi lengimati kutsi ungumzalwane lowetsembekile. Ngiyanikhutsata ngifakaza kutsi konkhe loku ngiwo sibili umusa waNkulunkulu; ngako-ke manini nicine kulowo musa.