KubaseGalathiya 5:12 - Siswati 1996 Bible

Ngifisa shangatsi labo labaniphatamisako bangatiphakula bona!

KubaseGalathiya 5:12 Referencias Cruzadas

Genesisi 17:14

Wonkhe lomdvuna longakasoki uyawuncunywa esiveni sakubo, ngobe wephule sivumelwane sami.”

Genesisi 30:34

Labani waphendvula watsi: “Kulungile! Akube njengekusho kwakho.”

Eksodusi 12:15

Simakadze wachubeka watsi: “Sinkhwa lesinembiliso ningabosidla kuze kuphele emalanga lasikhombisa; nibodla sinkhwa lesite imbiliso kuphela. Ngelilanga lekucala niboyisusa yonkhe imbiliso etindlini tenu, ngobe lotawudla lokufakwe imbiliso emkhatsini welilanga lekucala kuze kube lilanga lesikhombisa, utawuncunywa emkhatsini wesive sema-Israyeli.

Eksodusi 30:33

Nangabe kungaba khona lowakha lafana nawo nome awasebentise kulomunye longesiye umphristi, uyawuncunywa esiveni sakubo.’ ”

Levithikusi 22:3

Nangabe lomunye wetitukulwane letitako, ngesikhatsi asangcolile ngekwemtsetfo, kwenteka asondzela eceleni kweminikelo lengcwele, lenikelwe ngema-Israyeli kuSimakadze, lowo muntfu kufanele ancunywe ebukhoneni bami. NginguSimakadze.

Johane 9:34

Bayiphendvula batsi: “Wena watalelwa esonweni; wena futsi sewufundzisa tsine?” Base bayincuma esinagogeni labo.

Imisebenti yebaPhostoli 15:24

“Sivile kutsi labanye betfu befike lapho banikhatsata banidzidza tingcondvo ngetimfundziso tabo; noko abakatfunywa ngitsi kutsi bakwente loko.

Imisebenti yebaPhostoli 5:5

Watsi nakeva lamavi Ananiyase washayeka phansi wafa; bonkhe labeva ngalesehlo besaba kakhulu.

Imisebenti yebaPhostoli 5:9

Phetro watsi kuye: “Hhawu, nitimiseleleni nalendvodza yakho ngekulinga Moya weNkhosi? Lamajaha labengcwaba indvodza yakho asalapha emnyango, lo ngikhuluma nje nawe, atakutfwala akukhiphele ngephandle.”

1 kubaseKorinthe 5:13

Kodvwa Nkulunkulu uyabehlulela labo labangephandle; nemBhalo utsi: “Mcosheni lomubi emkhatsini wenu!”

KubaseGalathiya 2:4

Kodvwa bazalwanembumbulu labaletfwa ngasese, bangena ngekunyelela emkhatsini wetfu, batinhloli tenkhululeko yetfu lesinayo kuKhristu Jesu, khona batesenta tigcili.

KubaseGalathiya 5:10

Ngisenelitsemba ngani eNkhosini kutsi ningeke niwutsatse lomunye umcondvo; kodvwa lowo lonihluphako uyakwetfwala sijeziso sakhe, nome ngangubani.

Dutheronomi 23:1

“Kute indvodza lephakuliwe nome lenempipi lojutjiwe leyawungena ebandleni laSimakadze.

kuThithusi 3:10

Umuntfu lonemfundziso yekwedukisa ubomkhweshela, nasayalwe kanye nakabili,

Joshuwa 7:12

Nguko nje baka-Israyeli bangeke bakhone kumelana netitsa tabo; bayafulatsela babaleke, ngobe vele bona sebacalekisiwe. Angisayikuphindza ngibe nani, ngaphandle kwekutsi nibulale konkhe lokusemkhatsini wenu lokunikelwe ekubhujisweni.

Joshuwa 7:25

Joshuwa watsi: “Usiletseleleni lembhubhiso? Simakadze utayiletsa kuwe imbhubhiso lamuhla.” Ngako-ke onkhe ema-Israyeli amgcoba ngematje kanye nako konkhe kwakhe, base bayakushisa-ke.