KubaseFiliphi 4:5 - Siswati 1996 Bible

Kubeketela kwenu ngebumnene akwatiwe bantfu bonkhe, iNkhosi isedvute.

KubaseFiliphi 4:5 Referencias Cruzadas

Matewu 6:25

“Ngako-ke ngitsi kini: Ningakhatsateki ngetimphilo tenu kutsi nitakudlani ninatseni, nangemitimba yenu kutsi nitakwembatsani. Imphilo ayiyinkhulu yini kunekudla, nemtimba kunekwekwembatsa?

Matewu 6:34

Ngako-ke ningakhatsateki ngelikusasa lenu, ngobe likusasa liyakutikhatsalela lona. Inhlupheko yelilanga yenele lona.”

Lukha 21:34

“Ticaphelisiseni! Ningatifaki kakhulu emadzilini nasekunatseni lokudzakanako, nasekunakeni tintfo talomhlaba, funa lelo langa linitume;

1 kubaseKorinthe 16:22

Nangabe umuntfu angayitsandzi iNkhosi, akabe ngulocalekisiwe Wota Nkhosi!

1 kubaseKorinthe 6:7

Kwakona loko nje kutsi nibe niloku nimangalelana, kukhomba kona kwehluleka. Yini kungabi ncono kini kutsi noniwe? Yini kungabi ncono kini kutsi nidlelelwe?

1 kubaseKorinthe 8:13

Ngako-ke nangabe lokudla kwami inyama kumkhubekisa umzalwane wami, angeke ngisayidla inyama nome nini, kuze ngingamkhubekisi umzalwane wami.

1 kubaseKorinthe 9:25

Bantfu labancintisanako batitsiba kuko konkhe, bukani-ke ngobe labo basuke bentela kutfola umklomelo lophelako, kangakanani-ke tsine lesiyakwemukela umklomelo longeyiwuphela.

2 kubaseKorinthe 10:1

Mine, Pawula matfupha, ngiyanincenga ngebumnene nangebubele baKhristu. Nginguye yena loPawula lenimtsatsa ngekutsi uyatikhobosa nasemkhatsini wenu, kodvwa abe nesibindzi kini nangekho embikwenu.

2 kubaseThesalonika 2:2

kutsi ningasheshi nidvungeke engcondvweni yenu, ningetfuswa ngumoya nome ngemavi, nome yincwadzi lekungatsi iphuma kitsi. Konkhe loku kunganetfusi kutsi lilanga leNkhosi selifikile.

kuThithusi 3:2

Kubete lokhuluma kabi ngalomunye, bangabi tilwi, babeketele, bakhombise bumnene kubo bonkhe bantfu.

KumaHebheru 10:25

Singakuyekeli kuhlangana ndzawonye, njengobe labanye sebanemkhuba wekungahlangani; kodvwa asikhutsatane kakhulu, njengobe nani niyabona kutsi lilanga selisondzele.

KumaHebheru 10:37

UmBhalo utsi: “Kusasele sikhashana nje kutsi lowo lotako afike, angeke alibale.

1 yaPhetro 1:11

Moya waKhristu abesavele asebenta kubo abakhombisa tinhlupheko lebetitakwehlela Khristu; waphindze wabakhombisa nebukhosi lobebutawulandzela leto tinhlupheko. Babehlolisisa kutsi kuyakwenteka nini loko, nekutsi kuyakwenteka kanjani.

1 yaPhetro 4:7

Siphetfo sato tonkhe tintfo sesisondzele. Ngako-ke tibambeni, nititsibe khona nitekwati kukhuleka.

Sembulo 22:20

Lowo lowetfula lobufakazi utsi: “Yebo, ngiyeta masinyane!” “Amen! Kota, Nkhosi Jesu!”

Sembulo 22:7

Jesu watsi: “Lalela la, ngiyeta masinyane! Babusisiwe labo labeva lamavi alesiphrofetho bawente.”