KubaseFiliphi 4:14 - Siswati 1996 Bible

Noko nente kahle ngekuhlanganyela nami ekuhluphekeni kwami.

KubaseFiliphi 4:14 Referencias Cruzadas

1 Emakhosi 8:18

Kodvwa Simakadze watsi kubabe wami, Davide: ‘Ngobe bekusifiso senhlitiyo yakho kutsi wakhele Libito lami lithempeli, wente kahle kakhulu kutsi ube naleso sifiso enhlitiyweni yakho.

2 Tikhronike 6:8

Kodvwa Simakadze watsi kubabe wami Davide: ‘Ngobe bekusifiso senhlitiyo yakho kutsi wakhele Libito lami lithempeli, wente kahle kakhulu kutsi ube naleso sifiso enhlitiyweni yakho.

Matewu 25:21

Inkhosi yaso yatsi kuso: ‘Wente kahle, sisebenti lesihle nalesetsembekile; wetsembekile etintfweni letincane, ngako ngitakubeka wengamele lokunyenti. Ngena ekujabuleni kwenkhosi yakho!’

KubaseRoma 15:27

Kwaba kuhle kutsi batimisele bona kukwenta loko. Yebo, nanyalo kusadzingekile kutsi babasite labamphofu. Nangabe betive beta kutawuhlanganyela nabo etibusisweni tabo taMoya, nebetive bafanele-ke babasite ngetintfo labatidzingako kulemphilo yakulomhlaba.

KubaseGalathiya 6:6

Akutsi lowo lofundziswako ngelivi laNkulunkulu ahlephunelane etintfweni tonkhe letinhle nalowo lamfundzisako.

KubaseFiliphi 1:7

Kufanele kutsi ngibe nemcondvo lonjalo ngani nonkhe, njengobe nami nginetfwele enhlitiyweni yami. Ngemusa weNkhosi nonkhe nihlanganyele nami ekuboshweni kwami ngenca yeliVangeli, nasekulivikeleni, nasekulisimiseni.

KubaseFiliphi 4:18

Ngemukele konkhe ngalokungetulu, ngenelisekile ngetipho lengitinikwe ngu-Ephafrodithu tichamuka kini, letingumnikelo longemakha lamnandzi, umhlatjelo lowemukelekako nalojabulisako kuNkulunkulu.

1 kuThimothi 6:18

Ubatjele kutsi bente lokuhle, bacebe emisebentini lemihle, babelane, bephane.

KumaHebheru 10:33

Ngaletinye tikhatsi nanetfukwa nihlukumetwe emkhatsini webantfu, nangaletinye tikhatsi nanitfwalisana nalabo bebaphetfwe ngaleyo ndlela.

KumaHebheru 10:34

Naba nesihawu kulabo bebaboshiwe, nacinisela ngekujabula nanemukwa timphahla tenu, ngobe nanati kutsi nine ninalokuncono lokukhonsako.

KumaHebheru 13:16

Ningakuyekeli kwenta lokuhle nekuhlephunelana loko leninako, ngobe iminikelo lenjalo iyamtfokotisa Nkulunkulu.

Sembulo 1:9

Mine Johane, umzalwane wenu, nginesabelo kanye nani kuJesu ekuhlushweni, nasebukhosini, nasekuciniseleni. Ngangisesichingini, lesibitwa ngekutsi yiPhatmose, ngenca yekushumayela livi laNkulunkulu ngekufakaza ngaJesu.