KubaseFiliphi 3:20 - Siswati 1996 Bible

Kepha tsine likitsi lisezulwini, lapho silindzele khona kutsi kuvele uMsindzisi wetfu, iNkhosi Jesu Khristu.

KubaseFiliphi 3:20 Referencias Cruzadas

Tihlabelelo 16:11

Uyawungifundzisa indlela yekuphila. Lapho kukhona khona wena kunekujabula lokuphelele. Esandleni sakho sangesekudla kunekujabula phakadze naphakadze.

Tihlabelelo 17:15

Mine-ke ngiyawububona buso bakho, ngobe ngingulolungile, mhlazana ngivuka ngiyakweneliswa bukhona bakho.

Taga 15:24

Umuntfu lohlakaniphile uhamba ngendlela yekuphila lecondze etulu, khona ateyigwema indlela yekufa leya phansi emangcwabeni.

Matewu 19:21

Jesu watsi kulo: “Nawufuna kuphelela, hamba utsengise ngako konkhe lonako, uphe labaphuyile, uyawuba nemcebo ezulwini; bese uyabuya uyangilandzela.”

Lukha 12:21

“Kunjalo-ke kulowo lotibekela umcebo, kantsi akacebi kuNkulunkulu.”

Lukha 14:14

Uyawubusiswa, ngobe bangeke babe nemandla ekukwenana loko. Uyawubuyiselwa nguNkulunkulu ekuvukeni kwalabalungile.”

Imisebenti yebaPhostoli 1:11

Atsi kubo: “Madvodza aseGalile, nimeleni nibuke etulu? LoJesu, lotsetfwe lapha kini wayiswa ezulwini, uyawubuya futsi ngayo yona leyo ndlela njengobe nimbonile nje aya ezulwini.”

1 kubaseKorinthe 1:7

khona ningetiwusilalelwa nangusinye sipho semusa ngesikhatsi nisemele kubonakaliswa kweNkhosi yetfu Jesu Khristu.

1 kubaseKorinthe 15:48

Njengobe abenjalo umuntfu welutfuli, banjalo nalabo lababelutfuli; nanjengobe anjalo umuntfu wasezulwini, banjalo nalabo lababasezulwini.

2 kubaseKorinthe 4:18

Tsine asibheki lokubonakalako kodvwa lokungabonakali, ngobe loko lokubonakalako kwesikhashana nje, kepha loko lokungabonakali kwaphakadze.

2 kubaseKorinthe 5:8

Ngesibindzi sitsi kuncono siwushiye lomtimba siyewuhlala neNkhosi.

KubaseGalathiya 4:26

Kodvwa lomfati wakhe sibili ukhululekile, umele iJerusalema yasezulwini lengumake wetfu.

Kubase-Efesu 2:19

Ngako-ke anisesito tihambi nemihambima, kodvwa nyalo seningumndeni munye nalabangcwele, senibendlu yaNkulunkulu.

Kubase-Efesu 2:6

Wasivusa kanye naKhristu Jesu, wabuye wasihlalisa kanye naye sikuye, embusweni welizulu,

KubaseFiliphi 1:10

nize nikwati kwehlukanisa lokuncono, nibe msulwa nibete sici, kuze kube lilanga laKhristu.

KubaseFiliphi 1:27

Kuphela hambani ngalokufanele liVangeli laKhristu, kuze kutsi nome ngita nginibona, nome ngingekho, ngive tindzaba letimnandzi ngani kutsi nime nicinile emoyeni munye, kukholwa liVangeli nikulwele ngebunye.

KubaseKholose 1:5

Sibonga litsemba lenibekelwe lona ekhaya ezulwini, leneva ngalo kucala ngesikhatsi kushunyayelwa kini livi leliciniso, liVangeli.

1 kubaseThesalonika 1:10

Nonkhe nilindzele kuchamuka kweNdvodzana yakhe ezulwini, layivusa kulabafile. LeNdvodzana nguJesu losikhulula elulakeni lolutako.

1 kubaseThesalonika 4:16

Ngobe iNkhosi lucobo lwayo iyakwehla ezulwini ngelivi lenhlokomo, nangeliphimbo lengilosi lenkhulu, nangelicilongo laNkulunkulu. Labo labafe bakholwa nguKhristu bayawuvuka kucala.

2 kuThimothi 4:8

Manje sengihlalelwe kutfola umchele wekulunga, lengibekelwe wona yiNkhosi, uMehluleli lolungile. INkhosi iyawunginika lowo mchele ngalelo langa, hhayi mine kuphela kodvwa bonkhe labetsabele kubuya kwayo.

kuThithusi 2:13

ngesikhatsi sisabheke kugcwaliseka kwelitsemba lelibusisekile, kubonakala kwenkhatimulo yebukhosi baNkulunkulu lomkhulu, uMsindzisi wetfu Khristu Jesu.

KumaHebheru 12:22

Kodvwa, esikhundleni saloko, nite entsabeni, Siyoni, ekhaya laNkulunkulu lophilako, eJerusalema yasezulwini, esibhimbini setingilosi letingenawubalwa,

KumaHebheru 9:28

Kanjalo-ke naKhristu, asatinikele kanye kwetfwala tono talabanyenti, uyawubonakala ngekwesibili, asangaseteli sono, kodvwa asetele kuyawusindzisa labo labahlala bamlindzele.

Sembulo 1:7

Lalelani la, uyeta ngemafu, onkhe emehlo ayawumbona, ngisho nabo bonkhe labamgwaza, nato tonkhe tive temhlaba tiyawukhala tilile ngaye. Yebo, akube njalo. Amen.