KubaseFiliphi 2:15 - Siswati 1996 Bible

kuze nibe ngulabangasoleki, nalabangenacala, bantfwana baNkulunkulu labangenasici emkhatsini wesitukulwane lesigwegwile nalesiphambene. Kufanele nikhanye kuso lesitukulwane njengetinkhanyeti letikhanyisa esibhakabhakeni,

KubaseFiliphi 2:15 Referencias Cruzadas

Tihlabelelo 122:5

Ngulapho kuhlala khona tihlalo tebukhosi tekwehlulela, tihlalo tebukhosi tendlu yaDavide.

Eksodusi 34:35

Ema-Israyeli abebona kutsi buso baMosi buyakhatimula, ngako Mosi abebumbonya ngendvwangu lobuso bakhe, aze aphindze angene kuyawukhuluma naSimakadze.

Taga 4:18

Kodvwa indlela yalabalungile ifanana nekukhanya kwentsatsakusa, lokuya ngekuya kuze kube ngusemini.

Taga 8:8

Konkhe lengikukhulumako kwetsembekile; kute lokugwegwile, kute nalokungemanga.

Isaya 60:1

“Vuka, Jerusalema, ukhanye njengelilanga, ngobe kukhanya kwakho kufikile. Inkhatimulo yaSimakadze iphumela etikwakho.

Danyela 6:4

Ngenca yaloko labengameli kanye naletikhulu, betama kutfola tizatfu tekutsi Danyela atfolakale anemacala macondzana nekuphatsa kwakhe tindzaba tembuso, kodvwa behluleka kukwenta loko. Abazange bayitfole inkhohlakalo kuye, ngobe abetsembekile, abengakakhohlakali, futsi anakekela kahle konkhe.

Matewu 10:16

“Lalelani! Nginitfuma njengetimvu emkhatsini wetimphisi. Ngako-ke hlakaniphani njengetinyoka, nibete bucili njengematuba.

Matewu 17:17

Jesu waphendvula watsi: “Yehheni, situkulwane lesingakholwa nalesiphambene, kuyawudzimate kube ngunini nginani? Kuyawudzimate kube ngunini nginibeketelela? Yiletseni la kimi!”

Matewu 5:45

kuze nitewuba ngemadvodzana eYihlo losezulwini. Ngobe yena uphumisa lilanga lakhe kulababi nalabahle, anise imvula yakhe kulabalungile nalabangakalungi.

Matewu 5:48

Ngako-ke nani banini ngulabaphelele, njengobe neYihlo losezulwini aphelele.”

Lukha 1:6

Bobabili babephila imphilo lengcwele kuNkulunkulu, babeyigcina yonkhe imiyalo nemitsetfo yeNkhosi.

Lukha 6:35

Cha! Tsandzani titsa tenu nitentele lokuhle, nitjeleke ningabheki lutfo! Niyawuba nemvuzo lomkhulu ezulwini, nibe ngemadvodzana aLosetikwako Konkhe. Ngobe unemusa kulabangabongi nakulababi.

Johane 5:35

Yena-ke abesibane lesivutsako nalesikhanyako, nine-ke benitimisele kujabula kwesikhashana ekukhanyeni kwakhe.

Imisebenti yebaPhostoli 2:40

Phetro wafakaza kubo abancenga ngemavi lamanyenti, atsi: “Tisindziseni kulesitukulwane lesiphambene!”

Imisebenti yebaPhostoli 20:30

Emkhatsini wenu kuyawuvela bantfu labayawufundzisa lokuphambene neliciniso badvonse emakholwa lamanyenti alandzele bona.

KubaseRoma 16:19

Ngiyajabula ngani ngobe kulalela kwenu kuyatiwa kubo bonkhe. Ngifisa kutsi nihlakaniphe kulokulungile, nibe msulwa kulokungakalungi.

1 kubaseKorinthe 1:8

Yena uyawunicinisa nani, kudzimate kube ngusekupheleni, nitfolakale nite licala mzukwana welilanga leNkhosi yetfu Jesu Khristu.

2 kubaseKorinthe 6:17

INkhosi yaphindza yatsi: “Phumani emkhatsini wabo, nehlukane nabo. Ningakutsintsi lokungcolile, ngiyawube sengiyanemukela.”

Kubase-Efesu 5:27

khona atetimisela libandla lelinebukhosi, lingabi nabala nome sici nome yini lokunjalo; kodvwa libe ngcwele lingabi nacala.

Dutheronomi 32:5

Bonile kuye, batindlisamahloni. Ngako-ke abasesibo bantfwana bakhe, kodvwa situkulwane lesesigwegwile, nalesintsamo yaso ishwilekile.

KubaseFiliphi 1:10

nize nikwati kwehlukanisa lokuncono, nibe msulwa nibete sici, kuze kube lilanga laKhristu.

KubaseFiliphi 3:6

Ngatingela libandla ngekushisekela lokukhulu; ngekulunga lokusemtsetfweni bengingasoleki ndzawo.

1 kubaseThesalonika 5:23

Shangatsi Nkulunkulu wekuthula anganingcwelisa ngalokuphelele, agcine umoya wenu, nemphefumulo wenu, nemtimba wenu, kungabi nasici ekubuyeni kweNkhosi yetfu Jesu Khristu.

1 kuThimothi 3:10

Laba kufanele bavivinywe kucala, bese-ke bangena emsebentini webudikhoni, nabangasoleki.

1 kuThimothi 3:2

Umbonisi kufanele kube yindvodza lengasoleki, lenemfati munye, letibambako, lezitsile, lehloniphekile, lephatsa kahle tihambi, lenemasu ekufundzisa,

1 kuThimothi 5:14

Ngifisa kutsi bafelokati labasebancane bendze, batale bantfwana, baphatse imindeni yabo, kuze sitsa singetilitfola litfuba lekunyembenya labakholwako.

1 kuThimothi 5:20

Labo labonako ubasole ubekhute embikwabo bonkhe, khona nalabo labanye batewuhlala ngekwesaba.

1 kuThimothi 5:7

Bayale ngaloko, kuze bangasoleki.

kuThithusi 1:6

Umbonisi kufanele angasoleki, abe yindvodza lenemfati munye, lenebantfwana labakholwako nalabalalelako, labangakadvumi ngebubi.

kuThithusi 2:10

Tingebi, kodvwa tikhombise kwetsembeka kuko konkhe, kuze etintfweni tonkhe tihlobise imfundziso yaNkulunkulu uMsindzisi wetfu.

kuThithusi 2:15

Khuluma letintfo ngekuyala nekwekhuta ngawo onkhe emandla. Akubete lokubukela phansi.

KumaHebheru 7:26

Jesu-ke ungumPhristi Lomkhulu lohlangabetana netidzingo tetfu. Ungcwele, ute sici nome sono, akasoleki; wehlukaniswa netoni, waphakanyiswa waba ngetulu kwemazulu.

1 yaPhetro 2:12

Philani imphilo yekulunga emkhatsini wemahedeni, khona kutawutsi nome banihleba ngekutsi nenta lokubi, kodvwa batsi bangabona imisebenti yenu lemihle, badvumise Nkulunkulu ngelilanga lekubuya kwakhe.

1 yaPhetro 2:9

Kodvwa nine nibeluhlanga lolukhetsiwe, nibaphristi bebukhosi, sive lesingcwele; nibantfu baNkulunkulu labakhetselwe kumemetela imisebenti lemihle yaNkulunkulu. Nguye lowanibita kutsi niphume ebumnyameni nitewungena ekukhanyeni kwakhe lokumangalisako.

2 yaPhetro 3:14

Ngako-ke, batsandzekako, njengobe nisalindzele leto tintfo, yentani konkhe lokusemandleni enu, kutsi anikhandze ninekuthula, ningenasici ningenabala.

Sembulo 2:5

Khumbula-ke lapho uwe khona. Phendvuka wente loko lowawukwenta ekucaleni. Nakungenjalo, ungaphendvuki, ngitawuta kuwe, ngisuse sibane sakho endzaweni yaso.

Sembulo 3:9

Lalela la, labo labalisinagoge laSathane, labatsi bangemaJuda babe bangesiwo, bacala emanga, ngitawubenta bete bakhotsame etinyaweni takho, baze babone kutsi wena ngikutsandzile.