Joweli 1:13 - Siswati 1996 Bible

Yembatsani emasaka, nine baphristi, nilile. Khalani, nine lenikhonta elatini. Wotani nitekwembatsa emasaka busuku bonkhe, nine lenikhonta embikwaNkulunkulu wami, ngobe umnikelo walokutinhlavu kanye nemnikelo wetinatfo sebakugodlile, akuseti endlini yaNkulunkulu wenu.

Joweli 1:13 Referencias Cruzadas

2 Samuweli 12:16

Davide wancengela lomntfwanakhe kuNkulunkulu. Wazila, wangena endlini yakhe, walala phansi emhlabatsini busuku ngebusuku.

1 Emakhosi 21:27

Watsi kube Ahabi eve lamavi, wadzabula tingubo takhe, wembatsa emasaka, wazila, walala ngemasaka, wahamba angulotfotjisiwe.

Isaya 22:12

INkhosi Simakadze lenguSomandla yanibita ngalelo langa kutsi nitewukhala nilile, kutsi nitewuhhula tinwele tenu, nembatse emasaka.

Isaya 61:6

Nine niyawubitwa ngekutsi nibaphristi baSimakadze, niyakwetsiwa emabito, kutsiwe nitikhonti taNkulunkulu wetfu. Niyawudla imfuyo yetive ngetive, nangebunjinga bato niyawutigabatisa.

Jeremiya 4:8

Ngako yembatsani emasaka, khalani, nilile, ngobe intfukutselo leyesabekako yaSimakadze ayikesuki kitsi.

Jeremiya 9:10

Ngiyawukhala ngililele tintsaba, ngikhihlite sililo ngenca yemadlelo asehlane. Alahliwe omile akasahanjwa ngumuntfu, nekubhonsa kwetinkhomo akusevakali. Tinyoni tasemoyeni setibalekile, netilwane tihambile.

Hezekeli 21:12

Khala ulile, ndvodzana yemuntfu, ngobe lenkemba imelene nesive sami; imelene nato tonkhe tikhulu tema-Israyeli. Tilahlelwe enkembeni kanye nesive sami. Ngako-ke yetfwala imikhono enhloko.

Hezekeli 27:31

Bayawuhhula tinhloko tabo ngenca yakho, bembatse emasaka. Bayawukukhalela tinyembeti ngemiphefumulo ledzabukile nangekulila lokumunyu.

Hezekeli 7:18

Bayawukwembatsa emasaka, bagcokiswe lusizi. Buso babo bonkhe buyakwembatsa emahloni, netinhloko tabo bonkhe tiyawuhhulwa.

Hoseya 9:5

Niyakwente njani ngelilanga lemadzili enu lamisiwe, ngemalanga emadzili aSimakadze?

Joweli 2:12

Simakadze uyakhuluma utsi: “Namanje phendvukani, nibuye kimi ngenhlitiyo yenu yonkhe, ngekuzila, nangekukhala kanye nangekulila.”

Joweli 2:14

Ngubani lowatiko? Mhlawumbe angaba nesihawu, ashiye sibusiso, bese kuba ngiminikelo yalokutinhlavu neyetinatfo yaSimakadze Nkulunkulu wenu.

Joweli 2:17

Baphristi labakhonta embikwaSimakadze abakhale emkhatsini wemhubhe welithempeli nelilati. Yebo, abakhale batsi: “Awu, Simakadze, hawukela sive sakho, ungavumi kutsi lifa lakho lelingitsi libe yinhlekisa nentfo yekweyiswa tive. Asikho nesidzingo sekutsi letive tingaze titsi: ‘Uphi loNkulunkulu wabo?’ ”

Numeri 28:14

Inkunzana iyinye iyawuba nemnikelo wesinatfo lesingemalitha langaba mabili eliwayini, nesihhanca sibe neliwayini lelingaba yilitha nencenye; lizinyane lilinye liyawuhambisana neliwayini lelingaba yilitha. Lona-ke ngumnikelo wekushiswa lekufanele wentiwe njalo ekwetfwaseni kwenyanga.

Numeri 28:4

Niyawunikela linye lizinyane ekuseni, leli lelinye nilinikele nakushona lilanga,

Numeri 28:7

Uyawuhambisana nemnikelo wesinatfo lesingaba yilitha yinye ngelizinyane linye. Kuyawutselwa kuSimakadze umnikelo wesinatfo lesinemandla endzaweni lengcwele.

Numeri 29:6

Lena-ke ngulengetulu kwaleminikelo leshiswa ekucaleni kwenyanga, kanye neminikelo leshiswa onkhe emalanga kanye neminikelo yayo yalokutinhlavu neyesinatfo, njengobe kubalelwe. Ngiminikelo leyentiwa kuSimakadze ngemlilo, liphunga lelinuka lusi lolumnandzi.’ ”

1 kubaseKorinthe 4:1

Kufanele satiwe kutsi sitikhonti taKhristu nebaphatsi betimfihlakalo taNkulunkulu.

1 kubaseKorinthe 9:13

Anati yini kutsi labaphetse imisebenti yelithempeli badla emnikelweni welithempeli, nekutsi labakhonta elatini banesabelo emnikelweni?

2 kubaseKorinthe 11:23

Batisebenti taKhristu yini? Mine ngingulesincono. Loku sengikukhuluma njengeluhlanya. Ngasebenta kakhulu kunabo, ngidvonsa matima, ngaboshwa kanyenti, ngashaywa kanyenti, ngabasengotini yekufa.

2 kubaseKorinthe 3:6

lowasenta safaneleka kuba baphatsi besivumelwane lesisha, lesingesiso semtsetfo lobhaliwe, kodvwa saMoya; umtsetfo lobhaliwe uyabulala, kodvwa Moya uyaphilisa.

2 kubaseKorinthe 6:4

Esikhundleni saloko konkhe lesikwentako sikwenta sikhombisa kutsi sitisebenti taNkulunkulu ngekutsi konkhe sikumele: ngekucinisela lokukhulu ekuhlushweni, nasebulukhunini, nasekugongonyekeni,

Sembulo 11:3

Bofakazi bami lababili labembetse emasaka ngiyawubanika emandla ekuphrofetha emalanga layi-1 260.”