Joshuwa 3:16 - Siswati 1996 Bible

emanti labechamuka ngenhla kwabo ema tindvonga angabe asageleta. Ema aba tindvonga letindze letaze tefika edolobheni lekwakutsiwa yi-Adamu ngaseSarethani, kwatsi lawa labegeleta abheke entansi elwandle lwase-Arabha, Lwandle Lweluswayi, ancamuka. Ngako sive sonkhe sewela malungana neJerikho.

Joshuwa 3:16 Referencias Cruzadas

Genesisi 14:3

Onkhe lamakhosi ahlangana ndzawonye eTsafeni laseSidimu, lesekwaba Lwandle Lweluswayi.

1 Emakhosi 4:12

Bhana, umsa wa-Ahiludi, abesikhulu saseThanaki, naseMegido, nakulo lonkhe lase Bhethi Shani, ngaseSarethani ngentasi kweJezreyeli, kusuka eBhethi Shani, kuze kuyewufika e-Abela Mehola, nangesheya kubheka ngaseJokmeyamu.

1 Emakhosi 7:46

Inkhosi yentelwa tonkhe letintfo ngetimfolomu telibumba etsafeni laseJordane emkhatsini weSukhothi neSarethani.

Tihlabelelo 114:3

Lwandle Lolubovu lwakubona loku lwabaleka, umfula iJordane wema, wangete wageleta.

Tihlabelelo 114:5

Kwenteke njani kuwe, Lwandle Lolubovu, kutsi bewungaze ubaleke? Nawe Jordane, wentiwe yini kuma ungageleti?

Tihlabelelo 29:10

Simakadze usesihlalweni sebukhosi, ubusa zamcolo. Simakadze usesihlalweni sebukhosi, kuze kube phakadze naphakadze.

Tihlabelelo 33:7

Emanti elwandle wawabutsela ndzawonye, kwaba shangatsi uwagcwalisa embiteni; wenta titiba netitibakati tetilwandle.

Tihlabelelo 66:6

Lwandle walugucula lwaba ngumhlabatsi lowomile, bokhokho bewela umfula ngetinyawo. Wotani sijabule kuye.

Tihlabelelo 74:15

Nguwe lowavula tiyalu nemifula emadvwaleni, womisa nemifula legeletako.

Tihlabelelo 77:19

Indlela yakho yadzabula lwandle, umvila wakho uselwandle lolujulile, noko tinyatselo takho tatingabonakali.

Tihlabelelo 78:13

Wehlukanisa lwandle, wabeweta kulo, wemisa emanti, kwaba shangatsi tindvonga.

Eksodusi 14:21

Mosi welula sandla sakhe wasengamisa etikwelwandle, Simakadze wakhweshisa emanti elwandle ngemoya lonemandla wasemphumalanga lowahhusha busuku bonkhe. Wenta lwandle lwaba ngumhlabatsi lowomile; emanti ehlukana ekhatsi.

Eksodusi 14:22

Sive sema-Israyeli sewela Lwandle Lolubovu sihamba emhlabatsini lowomile, emanti aba tindvonga ngesekudla nangesancele sabo.

Eksodusi 14:29

Kodvwa ema-Israyeli wona abewele emhlabatsini lowomile elwandle, futsi nemanti ajinge achubeka kuma tindvonga ngesekudla nangesancele.

Eksodusi 15:8

Ngekufutsa kwemakhala akho emanti elwandle ancwabelana ndzawonye, yebo, ema aba tindvonga. Kujula kwelwandle kwacina njengemgcwaco.

Isaya 50:2

Kwaya ngani ngingakhandzi muntfu nangifika? Ngesikhatsi ngimemeta, kwabate leni losabelako? Ingalo yami yayiyimfisha kakhulu yini kwekutsi yayinganisindzisa? Ngite yini mine emandla ekunephula? Mine ngekhuta kanye nje kome lwandle, ngigucula imifula ibe lugwadvule, tinhlanti tayo tibole ngenca yekweswela emanti, tife, tibulawe koma.

Hezekeli 47:8

Yatsi kimi: “Lamanti lawa ageletela ngaseveni langasemphumalanga, ehle aze ayewufika eSigodzini saseJordane i-Arabha, lapho afike angene khona elwandle, emanti-ke lapho afike abe mnandzi.

Nahume 1:4

Wekhuta lwandle, kome emanti alo; womisa yonkhe imifula yemanti. Tikhotsa taseBhashani tiyoma, iNtsaba iKhameli ihamuke, timbali taseLebanoni tibune.

Habakhuki 3:8

Awu, Simakadze, kungabe bewuyitfukutselele yini imifula? Kungabe lulaka lwakho belumelene nemifudlana yini? Walutfukutselela yini lwandle ngesikhatsi ugibele emahhashi akho, netincola takho tekuncoba?

Numeri 34:3

Ngaseningizimu litawufaka liHlane laseSini kugudla umnyele waka-Edomu. Ngasemphumalanga, umnyele utawucala ngaseningizimu ngasekugcineni kweLwandle Lweluswayi,

Dutheronomi 1:1

Lawa-ke ngemavi aMosi lawakhuluma kuso sonkhe sive sema-Israyeli basesehlane ngasemphumalanga nemfula iJordane, e-Arabha, macondzana neSufi, emkhatsini wePharani neThofeli, neLabani, neHaserothi, neDizahabi.

Dutheronomi 3:17

Ngasenshonalanga lelive labo lalihamba lize liyewufika emfuleni iJordane, e-Arabha, lalisuka eKhinerethi lize liyewufika eLwandle lwase-Arabha, Lwandle Lweluswayi, ngaphansi kwemacele asePhisga.

Joshuwa 12:3

Waphindze wabusa emphumalanga ne-Arabha kusukela eLwandle iKhinerethi kuye eLwandle lwase-Arabha, lekuLwandle Lweluswayi, kuye eBhethi Jeshimothi, kwemuke kuye ngaseningizimu emaceleni eNtsaba iPhisga.

Joshuwa 15:2

Umnyele walo wangaseningizimu wawusuka esikhunjini lesasingasekugcineni ngaseningizimu yeLwandle Lweluswayi,

Joshuwa 16:7

Wawusuka eJanoha ucondze e-Atharothe naseNara, utsintse eJerikho, uphumele ngale eJordane.

Joshuwa 3:13

Kutawutsi tinyawo tebaphristi labetfwele lelibhokisi lesivumelwane saSimakadze, iNkhosi yemhlaba wonkhe, natinyatsela emanti emfula iJordane, emanti emfula iJordane atakuma angete ageleta, lamanti lachamuka ngenhla atakuma abe yindvundvuma.”

Joshuwa 4:22

niyakutitjela nitsi: ‘Israyeli wewela iJordane ahamba emhlabatsini lowomile.’

Joshuwa 5:1

Atsi kube onkhe emakhosi ema-Amori ngasenshonalanga neJordane kanye nawo onkhe emakhosi emaKhenani elugwini lwelwandle eve kutsi Simakadze wayomisa kanjani iJordane embikwema-Israyeli saze sewela sonkhe, angenwa ngemanti emadvolweni, akaphindzanga aba nesibindzi sekubhekana nema-Israyeli.

Tikhulu 7:22

Atsi kube lamacilongo langema-300 akhale, Simakadze wasanganisa onkhe lawo madvodza labekuleyo nkambu yemaMidiyani, agucukelana odvwana, agwazana. Imphi yonkhe yesuka yabaleka yacondza eBhethi Shitha kuya eSerera, kuze kuyewufika emnyeleni we-Abela Mehola, eceleni kweThabhathi.