Joshuwa 23:10 - Siswati 1996 Bible

Indvodza yinye yakini iyawucosha emadvodza layinkhulungwane, ngobe Simakadze Nkulunkulu wenu uyanilwela, njengobe etsembisa.

Joshuwa 23:10 Referencias Cruzadas

2 Samuweli 23:8

Lawa-ke ngemabito etingwazi takaDavide letatidvumile: wekucala kwakunguJoshebi Bashebethi, umThakhemoni, abeyindvuna yaLabatsatfu. Yena-ke wagwaza ngesikhali sakhe emadvodza labengema-800, wawabulala onkhe emphini yinye.

1 Tikhronike 5:20

Babeka litsemba labo kuNkulunkulu, bathandaza kuye, bacela lusito. Nkulunkulu wayiphendvula imithandazo yabo, wabenta basincoba sive sakaHagari kanye netive letatisitana naso.

1 Tikhronike 5:22

Linyenti labulawa, ngobe lemphi beyiyaNkulunkulu. Lelo live balidla, bahlala kulo kwaze kwaba sikhatsi sekudzingiswa kwabo.

Tihlabelelo 35:1

Cabana nalabo labacabana nami, ulwe nalabo labalwa nami, Simakadze.

Tihlabelelo 46:7

Nkulunkulu Somandla unatsi, Nkulunkulu waJakobe usiphephelo setfu. Cabanga.

Eksodusi 14:14

Simakadze utanilwela; nine thulani nje.”

Isaya 30:17

Inkhulungwane iyawubaleka icoshwe kwetfuswa ngumunye nje, ngekusonga kwalabasihlanu niyawubhedvuka nonkhe nibaleke, nize nisale seninjengesibhonga lesisiboniso lesisele esicongweni sentsaba, nanjengendvwangu lephakanyiswe egcumeni.”

Levithikusi 26:7

Titsa tenu niyawuticosha niticotfule ngenkemba.

Levithikusi 26:8

Labasihlanu benu bayawuba nemandla ekwehlula likhulu lato, nelikhulu lenu liyawuba nemandla ekwehlula titsa leti-10 000; yebo, titsa tenu niyawutehlula niticotfule ngenkemba.

Zakhariya 12:8

Ngalelo langa Simakadze uyawubavikela labo labahlala eJerusalema, kuze kutsi lababutsakatsaka kakhulu emkhatsini wabo babe njengaDavide, bese kutsi indlu yaDavide yona ifanane naNkulunkulu, ibe njengengilosi yaSimakadze lehamba embikwabo.

KubaseRoma 8:31

Siyawutsini-ke ngaloku? Nangabe Nkulunkulu angakitsi ngubani longamelana natsi?

Dutheronomi 20:3

atsi: ‘Lalela, Israyeli, lamuhla uya emphini kuyakulwa netitsa takho. Ungabi ligwala wesabe; ungatfutfumeli, uphaphuleke embikwato.

Dutheronomi 20:4

Ngobe Simakadze Nkulunkulu wakho nguye lohamba nawe kuyakulwa naletitsa takho akuphe nekuncoba.’

Dutheronomi 28:7

“Simakadze uyakwenta kutsi titsa tenu letinivukelako nitehlule. Tiyawuviva titenihlasela, tita ngayinye indlela; kodvwa nase niticosha, tiyawubaleka ngetindlela letisikhombisa.

Dutheronomi 3:22

Ningayesabi, ngobe Simakadze Nkulunkulu wenu nguye lotanilwela.’ ”

Dutheronomi 32:20

Watsi: ‘Ngiyawubufihla buso bami kubo, ngibone kutsi siphetfo sabo kutawuba yini. Ngobe basitukulwane lesigwegwile, bantfwana labangaketsembeki.

Dutheronomi 32:30

Kodvwa indvodza yinye ingawacosha kanjani emadvodza layinkhulungwane, nome-ke lamabili acoshe emadvodza latinkhulungwane letilishumi, ngaphandle kwekutsi Lidvwala labo libatsengisile, ngaphandle kwekutsi Simakadze ubanikele kubo?

Joshuwa 10:42

Onkhe lawo makhosi kanye nemave awo Joshuwa wawancoba ngemkhankhaso munye, ngobe Simakadze Nkulunkulu wema-Israyeli abewalwela ema-Israyeli.

Joshuwa 23:11

Ngako caphelisisani kutsi nitsandze Simakadze Nkulunkulu wenu.

Joshuwa 23:3

Nani matfupha nitibonele konkhe Simakadze Nkulunkulu wenu lakwente kuto tonkhe letive ngenca yenu; nguSimakadze Nkulunkulu wenu lowanilwela.

Tikhulu 15:15

Wabona litsambo lemhlatsi wembongolo, walicukula, wahesha ngalo emadvodza layinkhulungwane.

Tikhulu 3:31

Emvakwa-Ehudi kwavela Shamgari, umsa wa-Anathi, lona lowabulala emaFilisti langema-600 ngeluphondvo lwenkhabi. Naye futsi wawakhulula ema-Israyeli.

1 Samuweli 14:6

Jonathani wakhuluma kuloludzibi lwakhe, watsi: “Kota sambe, siye kulenkambu lapho kumise khona labantfu labangakasoki. Mhlawumbe Simakadze utawuba ngakitsi. Kute lokungavimba Simakadze kutsi asimelele. Kute lokungaphatamisa Simakadze kutsi asisindzise ngebantfu labanyenti nome ngebantfu labambalwa.”