Absalomu kanye nawo onkhe emadvodza aka-Israyeli batsi: “Leseluleko saHushayi, um-Akhi, sincono kunalesa sa-Ahithofeli.” Loku kwentiwa kutsi Simakadze abecondze kuswabisa leseluleko sa-Ahithofeli, kuze ehlisele bubi ku-Absalomu.
Joshuwa 11:20 - Siswati 1996 Bible Ngobe kwaba nguSimakadze matfupha lowenta tinhlitiyo talamadolobha taba lukhuni ngekutsi tihlasele ema-Israyeli, entela kutsi atekuwabhubhisa onkhe, aphele ngaphandle kwemusa, njengobe Simakadze abeyale Mosi. |
Absalomu kanye nawo onkhe emadvodza aka-Israyeli batsi: “Leseluleko saHushayi, um-Akhi, sincono kunalesa sa-Ahithofeli.” Loku kwentiwa kutsi Simakadze abecondze kuswabisa leseluleko sa-Ahithofeli, kuze ehlisele bubi ku-Absalomu.
Ngako inkhosi ayizange isilalele sive, ngobe kwakuyintsandvo yaSimakadze kutsi kwenteke ngalendlela, kuze agcwalise livi lakhe labelikhulume kuJerobowamu, umsa waNebati, ngemlomo wemphrofethi Ahiya, waseShilo.
Ngekuvakasha kwa-Ahaziya kuya kuJoramu, Nkulunkulu wehlisela kuwa ku-Ahaziya. Watsi nakefika Ahaziya, waphuma kanye naJoramu wayawuhlangabeta Jehu, umsa waNimshi, labegcotjwe nguNkulunkulu kutsi abhubhise indlu yaka-Ahabi.
Watsi asakhuluma lomphrofethi, inkhosi yamjuba lulwimi yatsi: “Sesikubeke kutsi ube ngumeluleki wenkhosi yini wena? Thula! Ulahleka phansi khona nyalo!” Lomphrofethi wathula, kodvwa waloyela watsi: “Manje ngiyati kutsi Nkulunkulu sewumise kutsi akubulale, ngobe wente loku, wangete wasitsatsa seluleko sami.”
Simakadze wakhuluma kuMosi, watsi: “Hamba uye kuFaro, ngobe ngiyente yaba lukhuni inhlitiyo yakhe neyetiphatsimandla takhe, kuze ngitekwenta letibonakaliso tami emkhatsini wabo,
BoMosi na-Aroni babeyenta embikwaFaro yonkhe lemimangaliso, kodvwa Simakadze wayenta yaba lukhuni inhlitiyo yaFaro; abejinge achubeke nekwala kukhulula ema-Israyeli kutsi aphume eGibhithe.
Tinhlitiyo temaGibhithe ngitente taba lukhuni kangangekutsi atanilandzela, kodvwa ngitatentela ludvumo ngekuncoba Faro, nemabutfo akhe, lanemahhashi netincola temphi.
Ngitakwenta inhlitiyo yaFaro ibe lukhuni, bese uyanicosha, kodvwa ngiyawutentela ludvumo, ngincobe Faro nemabutfo akhe. EmaGibhithe ayawuhlala ati kutsi mine nginguSimakadze.” Ema-Israyeli enta njalo.
Simakadze wenta inhlitiyo yaFaro yaba lukhuni. Faro waphuma nemphi yakhe wacosha ema-Israyeli labesaphumile ahamba ngesibindzi.
Simakadze wakhuluma kuMosi, watsi: “Nase ubuyele eGibhithe, ucaphele kutsi uyente embikwaFaro yonkhe lemimangaliso lengikunike emandla ekuyenta. Kodvwa ngiyawuyenta ibe lukhuni inhlitiyo yaFaro, ngako angeke asivumele sive sami kutsi sihambe.
Kodvwa Simakadze wenta inhlitiyo yaFaro yaba lukhuni, akazange afune kubalalela; kwaya njengobe Simakadze abetjele Mosi.
Kodvwa noko kuze kube manje ngisakuphephisile, khona ngitekukhombisa emandla ami, nekutsi libito lami litewudvunyiswa emhlabeni wonkhe.
Simakadze longuSomandla ufungile, watsi: “Impela, loku sengikuhlelile, futsi nakanjani kutakwenteka; njengobe sengikuhlosile nje, nakanjani kungeke kugucuke.
Simakadze utitfukutselele tonkhe tive; intfukutselo yakhe isetikwawo onkhe emabutfo ato. Uyakuwabhubhisa onkhe awacedze, awanikele kutsi agwazwe.
Ngako-ke, unemusa kulowo latsandza kuba nemusa kuye, kodvwa amente abe lukhuni lowo latsandza kumenta abe lukhuni.
“Kodvwa Sihoni, inkhosi yaseHeshboni, akazange asivumele kutsi sendlule sidzabule live lakhe, ngobe Simakadze Nkulunkulu wenu wenta umoya wakhe waba lukhuni nenhlitiyo yakhe yaba nenkhani; loko wakwentela kutsi atekumnikela etandleni tenu, njengobe kunjalo lamuhla.
Kufanele nibhubhise tonkhe leto tive Simakadze Nkulunkulu wenu lataninika tona. Ningatihawukeli ningabakhonti ngisho nabonkulunkulu bato, ngobe loko kuyawuba lugibe kini.
Batali baSamsoni bebangati kutsi loko kwakuvela kuSimakadze labenguyena afunana nelitfuba lekuhlasela emaFilisti, ngobe ngaleso sikhatsi emaFilisti abebusa sive sema-Israyeli.
Nangabe umuntfu ona kulomunye umuntfu, Nkulunkulu uyammelela; kodvwa nangabe umuntfu ona kuSimakadze, ngubani loyakumncusela?” Kodvwa emadvodzana akazange alitsatse livi leyise; ngobe kwakuyintsandvo yaSimakadze kutsi abulawe.