Jona 4:9 - Siswati 1996 Bible

Kodvwa Nkulunkulu watsi kuJona: “Unalungelo lini lekutfukutselela lomhlafutfo?” Yena-ke watsi: “Ngenta kahle kutsi ngitfukutsele; ngitfukutsele kutsi angife ngitsi saka!”

Jona 4:9 Referencias Cruzadas

1 Emakhosi 21:4

Ngako Ahabi wabuyela ekhaya ahluneme atfukutsele, ngobe Nabothi waseJezreyeli atsite: “Ngingeke ngikunike lifa labobabemkhulu.” Wafike walala embhedzeni wakhe, acumbelene; wadvuba nekudla kudla.

Jobe 18:4

Wena ngobe nguwe lotidzabula ube ticucu ngalokutfukutsela kwakho, usho kutsi sekungalahlwa wonkhe lomhlaba ngenca yakho nje wedvwana? Nome-ke usho kutsi sale kusimuka emadvwala asuswe etindzaweni tawo?

Jobe 36:18

Caphela kutsi kubete lokuhuha ngebunjinga, ungavumi kwedukiswa tinsambansamba temidizo.

Jobe 5:2

Silima siyafa sibulawe tinhlungu tekutfukutsela kwaso, nemona uyababulala labanengcondvo yebuntfwana.

Jona 4:1

Kwamkhuba kakhulu loko Jona, ngako watfukutsela kakhulu.

Jona 4:10

Simakadze watsi: “Wena uyawuhawukela umhlafutfo longakawujulukeli nome longakawukhulisi, lomile ebusuku bunye, waphindze wafa ebusuku lobulandzelako.

Jona 4:8

Nakuphuma lilanga, Nkulunkulu walungisa umoya loshisako wasemphumalanga; lilanga lashaya enhloko yaJona, wadzimate waba nesiyeti, wafisa kufa; wase utsi: “Kuncono ngimane ngife kunekutsi ngiphile.”

Matewu 26:38

watsi kubo: “Umphefumulo wami ulusizi, kuze kubesekufeni. Salani la, nilindze kanye nami.”

2 kubaseKorinthe 7:10

Kudzabuka lokukwaNkulunkulu kuveta kuphendvuka kube kusindziswa, kubete kutisola ngako; kodvwa kudzabuka lokukwemhlaba kuveta kufa.

Sembulo 9:6

Kulawo malanga bantfu bayawukufuna kufa, kodvwa bangete bakutfola; bayawufisa kutsi bafe, kodvwa kufa kuyakubabalekela.

Tikhulu 16:16

Ngaloko kumbelesela kwakhe amchukulusha onkhe emalanga, amncenga, Samsoni waze wadzinwa, umphefumulo wakhe wakhatsateka kakhulu.